Home
Links
Bible Versions
Contact
About us
Impressum
Site Map


WoL AUDIO
WoL CHILDREN


Bible Treasures
Doctrines of Bible
Key Bible Verses


Afrikaans
አማርኛ
عربي
Azərbaycanca
Bahasa Indones.
Basa Jawa
Basa Sunda
Baoulé
বাংলা
Български
Cebuano
Dagbani
Dan
Dioula
Deutsch
Ελληνικά
English
Ewe
Español
فارسی
Français
Gjuha shqipe
հայերեն
한국어
Hausa/هَوُسَا
עברית
हिन्दी
Igbo
ქართული
Kirundi
Kiswahili
Кыргызча
Lingála
മലയാളം
Mëranaw
မြန်မာဘာသာ
नेपाली
日本語
O‘zbek
Peul
Polski
Português
Русский
Srpski/Српски
Soomaaliga
தமிழ்
తెలుగు
ไทย
Tiếng Việt
Türkçe
Twi
Українська
اردو
Uyghur/ئۇيغۇرچه
Wolof
ייִדיש
Yorùbá
中文


ગુજરાતી
Latina
Magyar
Norsk

Home -- Kyrgyz -- John - 082 (The traitor exposed and disconcerted)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- KYRGYZ -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba

Previous Lesson -- Next Lesson

ЖАКАН - Жарык караңгыда жаркырап турат
Жакан жазган Жакшы Кабар

III БӨЛҮК - Жарык Элчилердин жашоосунда жаркырайт (Жакан 11:55 - 17:26)
Б – Кечки тамактан кийинки болгон окуя (Жакан 13:1-38)

2. Чыккынчынын бетинин ачылышы (Жакан 13:18-32)


Жакан 13:18-19
18 Баарыңар жөнүндө айтып жаткан жокмун, Мен Өзүм тандап алган адамдарымды билем. Бирок Ыйык Жазуудагы «Мени менен бир дасторкондо отурган адам Мага согончогун көтөрдү» деген сөз аткарылышы керек. 19 Мен бул сөздү силерге аткарыла электе эле айтып жатам, аткарылгандан кийин, Ошол Мен экениме ишенип каласыңар.

Жүйүт момундукту жана кызмат кылууну сүйбөгөндүктөн, бактысыз жашоо менен жашачу. Ал зомбулукту, башкарууну жана алдамчылыкты тандап алды. Ал Ыйсаны алдап, өзү каалаган нерселеринин кожоюну болууну эңсечү. Керек болсо, ал Ыйсанын колунан бийликти тартып алууну да каалаганга дагы дити барса керек. Ал жүрөгүндө каршы болгодуктан, Ыйсаны тебелегиси келип, Анын кызматына каршы чыккынчылык кылды. Ал сүйүү деген эмне экенин түшүнгөн жок. Канчалык Ыйса момун болгон сайын, ал ошончолук текебердене берди. Канчалык Ыйса момун жана назик кызматчы болгон сайын, ошончолук Жүйүт менменсинген, бийликти көксөгөн, зомбулукту максат койгон адам боло берди.

Шакирттери Ыйсанын Теңири экенине күмөн санабашы үчүн, Ыйса алдын ала аларды чыккынчылык боло турган мезгилге даярдап жатты. «Ошол Мен» деп атоо менен, Теңир жекече Өзүнүн алсыздык сааты тууралуу алдын ала айтты. Кудай Мусага Өзүн күйүп жаткан бадалда ачкан сыяктуу, Ал Өзүнүн кудайлык табияты тууралуу ачып берип, шакирттеринин ишенимдерин бекемдегиси келди. Себеби алар күмөн саноо болуп, ар кандай азгырыктар келгенде, ишенимден тайышы мүмкүн эле.

Жакан 13:20
20 «Чындыкты, силерге чындыкты айтып коёюн, ким Мен жиберген адамды кабыл алса, ал Мени кабыл алган болот. Ал эми Мени кабыл алган адам Мени жиберген Кудайды кабыл алган болот».

Ыйса жүйүт башчыларынын колуна салынып берилүүсүнүн жана өлүмүнүн маанисин түшүндүрүп, шакирттерин коркунучтан бошотту. Анын осуяты жана коргоосу шакирттерин коопсуз кылмак. Ыйса шакирттерин дүйнөгө жиберет жана ошол эле маалда Өзү алар менен бирге барат. Анын кызматчылары өз атынан барышпайт, бирок Теңиринин атынан барышат. Аларды кабыл алган адам Ыйык Үч Бирдикти да кабыл алат. Шакирттердин сөздөрүнө ишенген адам Кудайдын баласы болуп калат. Бул татаал тапшырма: бул өздөн баш тартууну, душманыңды сүйүүдө, жокчулукта жана жек көрүүдө бекем болууну талап кылат. Ушундай кыйынчылыкка карабай, Кудай алардын ичинде экенин билишет. Кайда гана барышпасын, Кудай да алар менен кошо барат жана Кудай алардын кайсы жерде кызмат кылуусун кааласа, Кудайдын тапшырмасы ишке ашуусу үчүн Рух аларды ошол жакка жетектейт.

Сыйынуу: Теңир Ыйса Машайак, Сенин кызматчың болмоюнча мен Сени менен боло албастыгымды түшүнгөнгө жардам берчи. Жөнөкөйлүк менен башкаларга кызмат кылуум үчүн, менин жашоомдо болушуңду каалар элем. Жүрөгүмдө шайтанга жол бербегенге жардам берчи. Башкаларга сөзүм менен гана эмес, бирок Сенин күчүң менен, акылың менен иш аркылуу кызмат кылганга мага жардам берериңди суранам.

СУРООЛОР:

  1. Машайактын мисалы аркылуу эмнени үйрөнсөк болот?

www.Waters-of-Life.net

Page last modified on April 23, 2012, at 01:07 PM | powered by PmWiki (pmwiki-2.3.3)