Mobile device - Print - Bottom

Previous Lesson -- Next Lesson

p) იესო მეორედ საუბრობს თავის სიკვდილსა და აღდგომაზე (მათეიესო 17:22-27)

---

მათეიესო 17:24-27
24 კაპერნაუმში მისვლისას მივიდნენ პეტრესთან დიდრაქმის ამკრეფნი და უთხრეს: "დიდრაქმას ხომ არ გადაიხდის თქვენი მოძღვარი?” 25 მან უთხრა: კიო. სახლში რომ შევიდა, იესომ დაასწრო და უთხრა: "რას ფიქრობ, სიმონ, მიწიერი მეფენი ვისგან იღებენ ხარკს ან მოსაკრებლებს - თავიანთ ძეთაგან თუ უცხოთაგან?” 26 პეტრემ თქვა: "უცხოთაგან”; უთხრა მას იესომ: "მაშ, ძენი თავისუფალნი ყოფილან! 27 მაგრამ ისინი რომ არ ვაცდუნოთ, წადი ზღვაზე და ანკესი ისროლე; და პირველი თევზი, რომელიც ამოყვება, გაუღე პირი და შიგ სტატირს იპოვი. წამოიღე და მიეცი შენთვის და ჩემთვის”. (გამოსვლა 30:13; 4 მეფეთა 12:5-6)

ამ შემთხვევაში მისაცემელი რომაელებისთვის იყო არა საგადასახადოს თანხები, არამედ მოსყიდვა. მაშინ ყველა ადამიანისთვის ტაძრის მომსახურეობის გამო იხდიდნენ თანხებს. ეს ფული მიედინებოდა გასავალ საჭიროებებში, რაც ტაძარში თაყვანისცემას უკავშირდებოდა. ამ თანხას ეძახდნენ ,,შენი სულისთვის გამოსასყიდს“ (გამოსვლა 30:12). იმ დროისთვის ამ წესს აღარ იცავდნენ, როგორც უწინ, განსაკუთრებით გალილეაში.

ამ თანხების აგროვებისას ქრისტემ საკუთარი თავი გამოაცხადა არა მარტო კაცის ძედ, არამედ ღმერთის ძედაც. მას არაფერი არ უნდა გადაეხადა მამამისის სახლში, რადგან ყველაფერი ღვთის ეკუთვნოდა მას. მან უბრალოდ სიყვარული გამოიჩინა მტრების მიმართ, მოწყალედ მოექცა მათ სისუსტეებს და კეთილი ნებით გადაიხადა. ის საკუთარ თავს პეტრესა და სხვა მოწაფეების რიგში აყენებდა, ეძახდა რა ,,ღმერთის თავისუფალ ძეებს“. ამის შესახებ კარგად ვკითხულობთ მათეს სახარებაში 4-ჯერ. ძვირფასო ძმაო, ატარებ თუ არა ღმერთის ამ სახელს, ღმერთის აღთქმის თანახმად, არა შენი სამართლიანობით, არამედ ქრისტეს სიტყვის რწმენით? მისი ძლიერი სიტყვა ღრმად დარჩება შენში და გაგწმენდს და გახდები ისეთი, როგორიც ღმერთს სურს.

ქრისტიანული სიბრძნე და თავმდაბლობა გვასწავლის, რომ უმეტეს შემთხვევაში უარის თქმა მოგვიწიოს ჩვენს უფლებებზე, ვიდრე დავჟინდეთ და ამითი ცდუნება გავხდეთ სხვებისთვის. არასდროს უნდა გვმართავდეს, სხვისი წყენის ფაქტორი, მაგრამ ზოგჯერ მოგვიწევს ვიმსხვერპლოთ ჩვენი ინტერესები, რათა სხვებისთვის ცდუნება არ ვიყოთ.

ლოცვა: მამაო თაყვანსგცემთ სიხარულით და სიყვარულით, ვინაიდან შენმა ერთადერთმა ძემ, თავისი სიკვდილით შენს შვილებად გვაქცია. ბუნებით შენი მტრები ვიყავით, მაგრამ ქრისტეს სისხლმა დაგვაახლოვა. აგამაღლებთ შენი მადლისთვის და ვხარობთ, რომ ჩვენი მამა გახდი. დაგვეხმარე ვიმსახუროთ შენს სიყვარულში ისევე, როგორც შენი ძე ემსახურება ქვეყნიერებას, რათა შენი ღვთაებრიობა ჩვენს კაცობრიობაში რეალიზებული იყოს.

კითხვა:

164. როგორ აცხადებს ქრისტე, რომ ის არის კაცის და ღმერთის ძე?

Mobile device - Print - Top