Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- CEBUANO -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba
Previous Lesson -- Next Lesson JUAN - Ang kahayag nga misidlak sa kangitngit
Mga pagtuon sa Ebanghelyo ni Kristo sumala ni Juan
PARTE 4 - ANG KAHAYAG NAGBUNTOG SA KANGITNGIT (Juan 18:1 - 21:25)
B - ANG PAGKABANHAW UG ANG MGA PAGPAKITA NI KRISTO (Juan 20:1 - 21:25)
1. Mga panghitabo sa kaadlawon sa Pagsaylo (Pasko sa Pagkabanhaw) (Juan 20:1-10)
c) Si Hesus nagpakita kang Maria Magdalena (Juan 20:11-18)JUAN 20:17-18 Si Maria mihapa atubangan ni Hesus sa pagsimba, gisulayan niyang halokan sa tiil ug mohikap kaniya, kuptan siya aron dili na buhian siya. Si Hesus naglikay sa iyang hikap tungod kay ang iyang gugma espirituhanon. Siya mitugot kaniya sa iyang tingog ug presensiya ug nangandoy sa pagtubo sa iyang pagtuo pinaagi sa panaghiusa uban sa Balaang Trinitas. Niini iyang giklaro sa iyang diskursong panamilit sa iyang mga disipulo sa sayo pa. Walay paghikap kaniya, o kuptan siya nga makamugna sa panaghiusa uban kaniya, apan pinaagi sa iyang Espirituhanong Pagkatawo maoy naghiusa kaniya. Gisultihan ni Hesus ang babaye nga dili siya magpabilin sa yuta human mamatay; ang iyang pagpakita hamubo lang kay ang iyang padulngan mao ang langit.Tumong niya nga bayawon pataas ug mubalik sa Amahan. Ang pagbalik ngadto sa Dios bukas na kaniya human sa iyang paghalad sa kaugalingon ngadto sa krus. Kining labing taas nga Pari nakahukom nga Maghalad ug dugo ngadto sa Balaang Usa. Ang iyang gisulti kang Maria, “Ayaw pagkupot kanako tungod kay akong tumanon tanang pagkamatarong; Ako maoy manlalaban alang kaninyo ug pun-on ko kamo sa gahom sa Espiritu.” Ang iyang mga pulong nagsugyot nga siya wala gipanag-iya niya lamang, apan sa tanang katawhan, “Balik didto sa mga disipulo ug sultihi sila sa akong pagbutho, mga katuyoan ug pagsaka sa Amahan!” Pinaagi niining mensahe sa mga disipulo pinaagi kang Maria, siya maghupay kanila. Siya mitawag kanila nga mga igsoong lalaki.Pinaagi sa pagtuo kita nahimong isig ka igsoong lalaki ug igsoong mga babaye, tungod sa iyang krus ug pagkabanhaw ug ang kinabuhi nga dili mamatay. Siya mitawag kanato nga mga igsoon, dili lang hinigugma.Ang kaluwasan nahuman, ug kita natukod sa atong katungod sa pagkasingop. Siya mipirma sa paghatag katungod sa atong langitnong pagka-anak uban sa iyang dugo. Unsa man ang kasigurohan sa mensahe ni Maria nga iyang gisulti sa mga disipulo? Una, nga siya buhi. Ang ilang pagtagbo usa ka kamatuoran sa kasaysayan. Ikaduha, ang iyang Amahan ato usab; uban niining saad si Hesus nagpaduol sa iyang mga disipulo ngadto sa hingpit nga panaghiusa sa Dios. Siya wala magkigsulti sa Dios sa halayo, gamhanan ug ingon nga maghuhukom, apan mahigugmaon nga Amahan ug haduol siya. Siya dili lang Amahan ni Kristo, apan atong Amahan usab. Siya mitawag nga Amahan “akong Dios” ingon nga iya ang tanan diha sa tanan. Siya nagpabilin nga matinuohon uban sa iyang Amahan, diin ang tibuok kabuhatan nahimulag gikan sa Dios tungod sa sala. Siya dili na nato kaaway sa pagpahayag sa atong kanhing sala, apan nahigugma kanato, kinsa pinasaylo pinaagi sa paglukat kanato didto sa krus. Samtang siya nagpuyo sa panaghiusa sa iyang Amahan, mao nga siya nangandoy kanato nga mopuyo sa panaghiusa sa Trinidad pinaagi sa pagbubo sa iyang Balaang Espiritu, aron ang gugma moagas gawas kanato. Si Kristo nagbutang sa saad nga puno sa panaghiusa sa mga ngabil sa babaye kinsa unang nakakita kaniya human sa kadaogan ibabaw sa kamatayon. Siya masinugtanon; wala siya magpadayon sa iyang paghapa sa mga tiil ni Hesus gikan sa kalipay, apan mibarog ug midagan ngadto sa mga apostoles nga nagdala sa pagsaksi sa iyang kamatuoran. Kining mensahe, sama sa trumpeta sa kalipay, magpuno sa atong masulob-on nga mga kasingkasing karon. Kana ba nga kalipay sa pagdawat uban sa Dios ug inyong kadasig miabot ba kaninyo? Mituo ba ikaw sa mensahe ni Maria ang unang opisyal nga mensahera nga nagdala ug mga balita nga si Kristo nabanhaw? PAG-AMPO: Nagpasalamat kami kanimo, Ginoong Hesus, nabanhaw gikan sa mga patay, ania uban kanamo, sa pagtawag kanamo nga mga igsoon. Dili kami takos nga magkinabuhi sa suod nga panaghiusa uban kanimo. Nagpasalamat kami sa pagpsaylo sa among mga sala. Himoa kami nga mga apostoles sa imong kalipay sa tanan kinsa nangita kanimo. PANGUTANA:
|