Previous Lesson -- Next Lesson
5. Kumaha pamikiran saderek patali kawasa Kristus?
Sing saha anu ngalenyepan mahakarya Gusti Yesus tangtos sadar yen Anjeunna kagungan kakawasaan Ilahi, sabab sadaya kakawasaan jeung wewenang Sawarga tos dipasrahkeun ka Mantenna dina wadag kasampurnaan. Anjeunna parantos ngalaksanakeun dawuh Rama di Sawarga kalihan taat, kasaksen anu satya, estu kabuka, teu aya hiji jalmi di alam ieu anu tiasa ngalakukeun hal sapertos Mantenna.
Gusti Yesus nyageurkeun anu gaduh panyawat lepra ngan ukur ku keca wungkul, panon anu lolong ku kahadean-Na tiasa ningali. Anjeunna ngerenkeun angin ribut anu ngamuk ku Cariosan-Na, ngusir setan-setan, Anjeunna nyugemakeun lima rebu jalma ngagunakeun lima roti jeung dua lauk. Teu aya jalmi anu kantos sareng tiasa ngalakukeun sapertos kieu.
Sababaraha nabi ngalakukeun mujijat terbatas dilebet Asma Gusti, tapi Kristus ngalaksanakeun lampah-Na dina nami-Na nyalira, ngalangkungan wewenang-Na anu luar biasa. Aya hiji lalaki ngaran Lasarus anu geus maot sarta geus dikubur. Saderek-saderekna anu nangis, sumping ka Gusti Yesus nyuhunkeun pitulung. Nalika Anjeunna dugi ka kampung aranjeunna, Lasarus parantos dikurebkeun opat dinten. Saterasna Kristus sumping maju ka kuburan Lasarus jeung ngagero kalayan soanten anu kita kuat: "Lasarus kaluar!" Jeung nu maot leres hirup teras mapah kaluar! Saderek oge, upami parantos ngupingkeun soanten anu ngahirupkeun spiritual urang, kusaab akibat dosa saderek, kumargi Kristus ngadawuh: "Kami teh anu ngahudangkeun jeung anu ngahirupkeun. Anu percaya ka Kami tangtu bakal hirup sanajan geus maot" (Yohanes 11:25)
Waktosna pasti sumping, nalika sadaya anu maot bakal ngadangu sora-Na sareng bakal dihudangkeun pikeun hirup sareng Allah atanapi nampi hukuman anu pikagimireun. Saderek ogé, upami muka haté kana panyauran Gusti Yesus, tangtos nampi kabagjaan sareng kahirupan salanggengna.