Previous Lesson -- Next Lesson
7. ? AMUN WUN KRIST I KWLALԐ B’Ͻ LԐ I WIE’N SU’N I WLԐ?
Krist wuli yԑ be sieli i sakpa yԑbuԑ kunman kun nun. I kpᴐfuԑ’m be fali yԑbuԑ dan kun sieli ndia’n i anuan’n nun yԑ be fali nvle ng’ᴐ lԑ kwlalԑ nvle’n kwlaa su blԑ sᴐ’n nun’n, i sa nuan like katali ndia’n su, sran fi kwla tike-man ndia’n i anuan’n k’ᴐ yo nan i sᴐnnzᴐnfuԑ mun b’a wua-man i fuԑn’n kᴐnguԑ’n ti. Sonja bᴐ tui o be sa nun’n, be sasa ndia’n i anuan’n.
Sanngԑ i cԑn ba nsan su’n Krist cԑnnin yԑ ᴐ fin ndia’n nun fiteli. I sᴐnnzᴐnfuԑ mun be wunnin i kԑ ᴐ nun-man ndia’n nun lᴐ kun. Bé nuan’n boli be wun, srԑ kunnin be yԑ bé wun usu be blԑ bᴐ be nin Krist b’ᴐ o nguan’n nun’n be yiali nun’n, be bui kԑ wunmiԑn-ᴐn. Sanngԑ ᴐ kaan ndԑ kleli be klolԑ’n nun, yԑ ᴐ fԑli i sa klun nin i ja’m be wun kannvuԑn mun kleli be-ᴐ. Ͻ dili like bé nyrun lԑ yԑ ᴐ kplinnin su be kԑnnin i k’ᴐ yo nan b’a wun i wlԑ jrԑiin kԑ ᴐ cԑnnin sakpa nan ᴐ lԑ wunnԑn’n ti.
Nyanmiԑn nuan ijᴐfuԑ’m be kwlaa be wuli. Bé owie’m be tԑ o ndia’m be nun, b’a kplᴐ, be wu’an bé osu kun. Sanngԑ Krist o nguan’n nun, ᴐ kwlali wie’n.
? Amun wun sa nga ti yԑ Krist wuli ᴐ cԑnnin’n i wlԑ? Nyanmiԑn b’ᴐ kwla like kwlaa yo’n, ᴐ yoeli sᴐ nan ᴐ yi i nglo kԑ ᴐ klo sran bᴐ be boboli i waka’n su’n, yԑ ᴐ sᴐᴐ i tԑ b’ᴐ yili mԑn’n i ti’n, nun.