Previous Lesson -- Next Lesson
4. Drita Shkëlqen në Errësirë
Krishti është drita e mrekullueshme e Perëndisë, e cila ka ardhur në tokën tonë për të ndriçuar të gjithë njerëzit. Para Tij dolën profetë, filozofë, mbretër dhe sulltanë. Shumë kanë menduar se njëri ose tjetri prej tyre ishte Shpëtimtari i botës. Por të gjithë kanë ndërruar jetë. Vetëm Jezu Krishti ka vazhduar: fari që shkëlqen në errësirë. Ai do t'i ndriçojë të gjithë ata që do të arrihen nga rrezet e dashurisë së Tij.
Ndoshta do të na pyesësh: Pse Krishti thotë se Ai është drita e botës? Cilat janë mësimet dhe mendimet e reja që solli Ai, të cilat nuk u shpallën nga profetë dhe mbretër të tjerë?
Krishti erdhi tek ne në imazhin e Perëndisë së mishëruar dhe në thelbin e Krijuesit. Ai na deklaroi se i Plotfuqishmi është dashuria e përjetshme. Sepse Ai nuk është një Zot, që është i largët dhe i panjohur, indiferent ndaj nesh, që udhëzon kë të dojë dhe mashtron kë të dojë. Por Ai është Ati i dashur, që nuk përçmon dhe nuk e hedh poshtë njeriun e mjerë. Në vend të kësaj, Ai u ofron të gjithëve dhembshurinë e Tij dhe të vërtetën e Tij në Krishtin. Ky është revolucioni doktrinor që solli Biri i Marisë. Që nga ajo kohë, ne i frikësohemi Perëndisë jo si tiran dhe as si gjykatës. Arsyeja është se Perëndia i madh është Ati ynë qiellor, i cili na ka dhuruar birësinë. Ai kujdeset për ne, ashtu siç kujdeset një baba për fëmijët e tij. Ai na do dhe na ofron shpëtimin e Tij falas nga skllavëria e mëkatit dhe e vdekjes.
A i beson mesazhit të Krishtit dhe a beson se Perëndia është ati yt shpirtëror? Jezu Krishti ka zbritur në nivelin tënd, sepse Ai dëshiron të derdhë dashurinë e Tij në zemrën tënde të etur.
Krishti e përmbushi mësimin e Tij të ri me jetën e Tij, sepse Ai është Fjala e mishëruar e Perëndisë. Nëpërmjet fuqisë së Atit të Tij qiellor, Ai i deshi armiqtë e Tij dhe bekoi mallkuesit e Tij dhe jetoi një jetë të pastër në fjalë dhe vepra. Ai shëroi të sëmurët dhe ringjalli të vdekurit. Ai jo vetëm që predikoi fjalën e Perëndisë, por e jetoi atë. Të gjithë profetët para Tij shpallën vullnetin e Perëndisë për njerëzit. Por Krishti ishte vet Fjala e Perëndisë. I Plotfuqishmi u bë mish në Të që të mund të thoshte:
Krishti na ka mësuar se kush është Perëndia: Dashuria që nuk njeh fund, mëshira që është e pahetueshme dhe fuqia e pakufijshme. Krishti nuk erdhi për të shkatërruar të urryerit dhe për të shfarosur të pafetë; përkundrazi tha:
Sa e madhe është kjo dëshmi e Krishtit për veten e Tij! Zoti ynë është i butë dhe i përulur në zemër, aq sa Ai dha jetën e Tij si shpërblim për shumë njerëz. Ai nuk u shfaq si mjeshtër apo tiran, por i dëshmoi Vetes duke thënë:
Në këtë deklaratë, Krishti shpalli karakterin e rendit të Tij të ri, duke ua bërë të qartë ndjekësve të Tij se:
Krenaria nuk është parrulla e krishtërimit, por përulësia dhe shërbimi, si dhe vetflijimi për hir të të tjerëve. Kjo përfshin edhe ata që refuzojnë të pranojnë sakrificën. Këto virtyte janë fryt i mësimeve të Krishtit, i cili na deklaroi se Perëndia është një At i dashur. Ai i jetoi këto parime para syve tanë.