Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula -- English -- Ewe -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur -- Uzbek -- Vietnamese -- WOLOF -- Yiddish -- Yoruba
Previous Lesson -- Next Lesson YOWAANA - Leer gi leeral na Lëndëm gi
Jàngat ci xebaar bu baax bi ci Kirist ci Yowaana
XAAJ 1 - Leeraayu Leeru Asamaan (Yowaana 1:1/4:54)
A - Peeñug Kàddug Yàlla gi ci Yeesu (Yowaana 1: 1-18)
1. Nekkin ak liggéeyu Kàddu gi laata muy feeñu (Yowaana 1:1-5)YOWAANA 1:2-4 Krist dundul ngir boppam kese, waaye ngir Yàlla saa su nekk. Beruwul Baayam,waaye dafa doon jublu ci Moom saa su nekk, di dund ak Moom, te sax ci Moom. Taxawaayu Krist boobu sampu ci “Baayam” dafa amoon solo lool ci Yowaana ba mu baamtuwaat ko. Jokkoo bu amul benn dog-dog boobu dox ci seen diggante mooy kumpa Ñetteefu Kenn ki. Gëmunu ñetti Yàlla yu wuute, waaye jenn Yàlla ju fees ak mbëggeel lanu gëm. Léegi nag, Aji sax ji, nekkatul moom kenn, waaye mungi nekk ak Doomam ji saa su nekk, di dund ak Moom ci jokkoo gu mat sëkk. Su fekkee ne am na ku mosagul mbëggeelu Yàlla jaare ko ci njotum Xel mu Sell mi ci xolam, du man a xam kan mooy Yàlla dëgg (sirlu gi). Mbëggeelu asamaan mooy jokkale Baay bi, Doom ji, ak Xel mu Sell Mi ci jenn Yàlla. Ca Njalbéen ga, Yàlla du moom kenn Moo doon sàkk àddina ci tekk ne gumm, dafa ko jox dund jaarale ko ci Kàddoom. Te ndegam Krist moo nekkoon Kàddug Yàlla gi, kon kay ci Moom lañu sàkke àddina si. Loolu mooy wone ne krist du Musalkat bi rekk, Attekat bi, ak Rammukat bi, waaye mooy Aji Sàkk ji itam. Ndegam dara du xew te loxoom duggu ci, Mooy jaaral lépp yoon, te di ko saytu. Barke ñeel na xol bi dem ba xam te nàndalu ci kiy Krist! Xam-xam yu bees yi ñu feeñal yu bees yépp, muy ay biddéew aki yeneeni mbiri jaw ji, ay misaali ndamul krist lañu ak kàttanam. Sa baat, sa doole, sa jëmm ak sa rëkku xol book nañu ci may yi la Krist jagleel. Ndax yaangi koy xalaat a sant? Lépp lañu sàkk, ba mu des Yàlla, Kàddoom, ak Xelam mi. Moom ci boppam mungi dund, amul àpp, te dafa sell. Ni Yàlla ame dund gi ci boppam, noonu itam la Krist nekke reenu dundu gi dëgg, moom miy maye dund, di nu goreel ci dee, ci tooñ,a k ci bàkkaar, te di nu may dund gu dul jeex. Dundug asamaan gii ci Krist, daan na dee gi. Génne na ci bàmmeel bi ci know kàttanug dundug asamaanam. Krist du doŋŋ Aji Sàkk ji, waaye mooy ndeyu mbillu dund gi. Ndegam dafa sell, kon du dee mukk. Amul benn bàkkaar bu nekk ci Yàlla mbaa ci Doom ji, te mungi dund ba fàww. Am na ay xalaat yu bare yu nu taataan ci saari Injiilu Yowaana. Dund googu ci ëkk yi gën a am solo ci li Mu naw la bokk. Leeraayu jant bi dafay may dund sunu suuf sii.Waaye li aju ci Krist,li mu juuyoo mooy dëgg; dundam mooy reenu dund gi ,ndaxte leer gi ak yeesal gi nuy jële ci Moom mooy yeesal sunu yaakaar. Sunu diine du diine ndigalu dee ak àtte,waaye bataaxalu dund la,leer ak yaakaar.Ndekkite Yeesu ci biir ñi dee dafa fuñ bépp ñàkk yaakaar.Xel mu Sell ,mi dëkk ci nun moo nuy mooñaale ci dundu Yàlla. Àddina saa ngi suux ndax bàkkaar, waaye Krist mbëggeel la ci biir leer gi. Lëndëm, coxorte, ak mbon, xaaju ñoo nekk ci Moom. Loolu moo tax Krist feeñ ci ndamam lépp. Moo gën a leer leeraay gi. Monte de, Yowaana tàmbaleewul wone ndamu leeru Krist, waaye dafay tabb kàttanam ak dundam. Ndaxte xam sellaayu Krist dafa nuy weer, àtte nu, te sànk nu. Waaye nag yég dundam dafa nuy may dund. Di wéetoo kKrist, xdafa nuy dëfal te di nu yeesal ci dëgg-dëgg. Yeesu mooy leeru nit ñi. Du boppam lay leeral, te màggalul turam. Ngir sunu ngëneel lay feeñal leeram. Nun manunu mëññ ag leer, waaye lëndëem mooy balle ci nun. Nit ñépp a soxor, waaye Krist dafa nuy leeral ngir nu man Koo xam, te yeewu ci sunu nekkinu bàkkaarkat. Jaare ci Injiilam, danuy dekki ci biir ñi dee te dugg ci dund gu amul àpp gi. Krist dafa nuy xëcc te di nu woowe ak leeraayu dundam ngir nu jóge ci sunu ñàkk yaakaar gi. Pastéef ak kóolute lanu koy jegee. ÑAAN: Boroom bi Yeesu, nungi sujjoot ci sa kanam ndaxte Yów, Baay bi, ak Xel mu Sell mi, benn ngeen. Yaa sàkk àddina yów ak Baay bi, te lépp ànd, jaar yoon. May nga ma dund gi. Baal ma samay bàkkaar, te leeral ma ak sa Xel mu Sell mi, ndax ma man a dund dëgg-dëgg, génn ci sama lëndëm gi, te jegesi sa leer gu amul àpp gi. LAAJ:
|