Waters of LifeBiblical Studies in Multiple Languages |
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba
Previous Lesson -- Next Lesson YUUHANNA - Ndaygu ngun jalbi ka nder nibhe DAMAL 3 - Ndaygu ngun no jalbude ka kurunwol sahaabaaSAHAABAAɓe ɓen (Yuuhanna 11:55 - 17:26)
B - Fii ko feyyundoo kon ɓawto nafakka joomiraaɗo on (Yuuhanna 13:1-38)
2. Fii ko janfotooɗo on sappaa kon e ko o jiɓii kon (Yuuhanna 13:18-32)YUUHANNA 13:18-19 Yudaasi wuuriri no yurmiri, o yiɗaa ɗoftagol maa kurkanagol. O suɓii bonki e laamu e ɗayne. Himo faalanoo ƴettirde Iisaa ka dow rewrude e ƴoyre. No gasa hara himo tanƴininoo karhugol Almasiihu on no on ƴettira laamu ngun. Hari ka tigi tigi ko o gaɲo faalaaɗo muncude Iisaa huutoroowo janfa fii warugol mo. O faamaali ko giggol ngol landii kon. Hari ko o townitiiɗo ka tawi ɗon Iisaa kaɲun ko yankiniiɗo. Hari Yudaasi no wondi e aybinaare e njaggu e bonki, ka tawi ɗon Iisaa kaɲun suɓinoke wontugol jiyaaɗo yankiniiɗo e newiiɗo. Hari Iisaa no hebulinde taalibaaɓe ɓen fii saa’i ka o janfoytee ɗon fii wota ɓe sikkitoyo fii ko o woni kon Joomiraaɗo hay si o wattoyaama e juuɗe ɓe wonaa Yahuudiyanke ɓen. Ko kanko tigi woni Joomiraaɗo on, seeditiiɗo on law fii saa’i ka o lo’ata ɗon, noddirɗo hoore mun on: «Ko mi Wonɗo on.» Ko nden halfere Alla huutori fii feeɲugol e annabi Muusaa e loyngol yiite e hakkunde pitahun. Himo faalanoo timminde gomɗinal taalibaaɓe ɓen rewrude e sugu ɗin konguɗi holluɗi fii allankaaku makko ngun fii wota ɓe aru e yanude e sikkitaare e ndarndeede. YUUHANNA 13:20 Iisaa njattini taalibaaɓe ɓen e nder kulol fii ko o nangetee e ko o waretee kon. Yamiroore nde o yamiri ɓe nden e ko wondi kon e maɓɓe hiwoyayɓe. Iisaa no imminde taalibaaɓe ɓen o ɗowta ɓe. Hinaa e innde maɓɓe jiyaaɓe makko ɓen yahata, kono ko e innde Joomiraaɗo maɓɓe on. On mo wernii ɓe, haray ko Tatooɓe laaɓuɓe e nder gooto on o werni. On mo gomɗinii konguɗi maɓɓe ɗin, wontay Ɓiɗɗo Alla. Ɗen golle no satti, sabu hiɗe landii okkitirgol hoore mun e yiɗugol ayɓe ɓen e duumagol e nder baasal e weltaare e saa’iiji ɗin fow. Ɗun e wonude, hiɓe andi wondema Alla no tabiti e maɓɓe. Ka ɓe hammiri woo, o ɗowtay ɓe. Ruuhu makko on ardoto ɓe ka o faalaa yo ɓe kurkano mo ɗon no yaadiri e eɓɓooje makko ɗen no golle makko ɗen timmira. TORAARE: Iisaa-Almasiihu Joomiraaɗo, wallu men no men faamira wondema men waawaa tabitude e maa si men wontanaali ma taho jiyaaɓe. Miɗo faalaa yo a wontanan soono kala misal fii ngurndan an ɗan, no mi wontira yankiniiɗo ka mottodire e jiyaaɗo ka ɓeynguure an. Hita a jaɓu mi jonna Ibuliisa jullere ka ɓernde an. Wallan fii wota mi wonu tun yewtoowo fii kurkanagol, kono yo mi wonu kadi huuwoowo rewrude e doole maa ɗen e faamu maa ngun. LANDAL:
|