Waters of LifeBiblical Studies in Multiple Languages |
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- KYRGYZ -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba
Previous Lesson -- Next Lesson ЖАКАН - Жарык караңгыда жаркырап турат IV БӨЛҮМ - ЖАРЫК КАРАҢГЫНЫ ЖЕҢЕТ (Жакан 18:1 – 21:25)
Б – Ыйсанын тирилүүсү жана шакирттерине көрүнүшү (Жакан 20:1 - 21:25)
2. Ыйсанын шакирттерине көрүнүшү (Жакан 20:19-23)Жакан 20:22-23 Ыйса: «Атам Мени жиберген сыяктуу, Мен да силерди жиберем», - дегенде, шакирттери түшүнө албай оңтойсузданган болсо керек. Ошол убакта алар Жүйүттөрдөн корккондуктан, бекинип алышкан. Алар ишенимде алсырап, бойлорун таптакыр таштап салышкан эле. Денесине жан кирип, жашоонун башатын берүү үчүн, башталышта Кудай Адамга өмүр берүүчү демин үйлөгөн сыяктуу эле, Ыйса да шакирттерине демин үйлөдү. Демин үйлөө менен бул жерден Ыйса Өзүн Жаратуучу катары да көрсөттү; Ал шакирттеринде жаңы адамды жаратып, жашоолорунда Атанын жүзүн чагылдыруу үчүн аларды Руху менен кайраттандырып, бийликтүү күчтү да берди. Шакирттери Ыйык Рухту кабыл алгандан кийин, адамдар кечиримге ээ болуу шартын Ыйса алардын колдоруна тапшырды. Мына ушул шартты кабыл алгандар кечиримге ээ болорун, ал эми шартты кабыл албагандарга кечирим жок экендигин жар салуулары керек болчу. Алар Ыйса Машайакты көрсөтүү аркылуу күнөөнүн кечиримин жарыялашмак. Күнөөдөн кечирим алуунун негизинде, алар Машайактын Жыйыны болушмак. Ыйса шакирттерине кечирүүнү эмес, бирок кечиримди жар салууга бийлик берген; Кечиримди бир гана Кудай кылат (Ышайа 43:25). Ушул жамандыкка толгон дүйнөдө Ыйса сени элчи болууга чакырган. Ал сен аркылуу куткаруу ишин ишке ашыргысы келет. Өзүңдүн чектелген күчүң менен барып, кабар таратпа, андан көрө, кайсы бир мамлекеттеги элчи өз падышасы же өкмөт башчысы менен байланышта болуп, күнүмдүк тапшырмасын алып аткарган сымал, сен да Теңир менен байланышта бол. Сен өз алдыңча иш кылгыдай кичинекей кудай эмессиң, бирок сен Теңирдин кулусуң. Ал сен аркылуу куткарылуу ишин ишке ашырууну көксөйт. Эгерде бүгүн Анын үнүн угуп жаткан болсоң, жүрөгүңдө кежирленбе, андан көрө Ыйык Рух сени Машайактын тайсалдабас, кайраттуу, бирок ошол эле маалда момун жана акылдуу кылышы үчүн, акылыңды, абийириңди Ага ачып бер. Сыйынуу: Теңирим Ыйса, Сен менин үйүмө келип киргендей, мен Сага татыксызмын; бирок ошентсе да Сен мага Ыйык Рухуңду бердиң, мени жарыкка алып чыктың, тирилттиң. Сен мени адамдарга Өз атыңдан жибердиң. Ыраазымын Сага, анткени менин алсыздыгымда Сенин күчүң жеткилеңдүү болот. Сенин эркиңе катарлаш болуум үчүн, эки жүздүүлөнбөй, момун бологонго жардам бер, мени өзүмчүл ойлордон тазала. Ошондо Сенин тынчтыгың көптөргө жетет. СУРООЛОР:
|