Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic? -- Azeri -- BAOULE -- Chinese -- English -- French -- Greek -- Indonesian -- Japanese -- Kyrgyz -- Russian -- Sundanese -- Turkish -- Ukrainian -- Uzbek
Previous Lesson -- Next Lesson Ndԑ’n i ti’n 8: KRIST - ? AN SI KRIST, MARI I WA YASUA’N?
Krist i nguan’n nin i kwlalԑ’n nin I klolԑ’n I su fitilԑ
6. ? NZU SA YԐ AN SI I KRIST I AFԐ’M BE SU-Ͻ?Krist wuli- ᴐ ti nanwlԑ yԑ ᴐ ti sᴐ sakpa. I sin nan ᴐ’a wu’n, ᴐ wunnin nyrԑnnԑn dan kpa. I bᴐbᴐ si wafa nga ᴐ wa wu’n yԑ ᴐ boli su i ndԑ kanlԑ’m be nun. ? An si lika nga amun wa wu’n? ? Klᴐ nga amun tran su’n su annzԑ atin’n su, annzԑ amun bԑ’n su yԑ amun wu-ᴐ? ? Loto yԑ ᴐ kun amun annzԑ amun sa su wie yԑ amun wu-ᴐ? ? Kԑ an ko wu’n, nzu sa yԑ ᴐ ju amun osufuԑ’m be su-ᴐ? E lԑ-man silԑ wie fi wie’n su. Nyanmiԑn nuan ijᴐfuԑ mun be si-man bé wie cԑn. sanngԑ Krist e Min’n ᴐ si i wie cԑn’n yԑ ᴐ dun mmua boli su kԑ Zerizalԑm lᴐ yԑ ᴐ wu-ᴐ, yԑ ᴐ kannin kԑ Zuif’m be kpԑnngbԑn mun nin Rᴐmfuԑ mun be wa di i jᴐlԑ yԑ ᴐ wa wun nyrԑnnԑn. I bᴐbᴐ yԑ ᴐ kpali i wulԑ cԑn’n nin-ᴐn. Be cԑn dilԑ dan bᴐ i nun yԑ be kun bua mun be fa yi tԑ be kpata Nyanmiԑn k’ᴐ, yo nan i ya’n ᴐ’a tᴐ-man be su be sa tԑ’m be ti’n, ᴐ man Krist wuli kԑ Nyanmiԑn i bua ba b’ᴐ sua mԑn’n i tԑ’n, ᴐ suali e fᴐnlԑ mun k’ᴐ yo nan Nyanmiԑn i ya’n ᴐ’a sin be bᴐ be lafi krist su’n be ti su’n ti. Sran ng’ᴐ lafi Krist su’n ᴐ ′yo saun yԑ Nyanmiԑn ′bu i sran kpa titi. Sanngԑ nán Krist i wulԑ blԑ’n ᴐ nin wafa ng’ᴐ wa wu’n nin i wulԑ’n i bo’n ngunmin yԑ ᴐ dun mmua boli su-ᴐ, ᴐ guali i sᴐnnzᴐnfuԑ’m bé awlԑn su nzue yԑ ᴐ kaan kleli be jrԑiin kԑ ᴐ wa wu sanngԑ i cԑn ba nsan su’n ᴐ ′cԑn, afin ᴐ si sᴐ weiin kpa. Sran fi a kwla tannin-mԑn i cԑnlԑ kwlalԑ su’n i atin, ᴐ yoli sᴐ sakpa. Zezi kԑnnin ekun kԑ: "Sran fi kwla kpɛ-man min nguan’n i sin, m bɔbɔ n klun su yɛ n fa min wun man-an. N kwla fa min wun man, yɛ n kwla nyan nguan ekun". (Zan 10: 18) Sran wie fi si’ԑ i wulԑ cԑn yԑ sran wie fi kwla yo-man man ᴐ fin-man wie nun fite-man. Krist suali mԑn’n i sa tԑ’n kwlaa, ᴐ wuli, k’ᴐ yo nan y’a yo sran kpa Nyanmiԑn nyrun’n. I yԑ ᴐ man sran’m be nguan-ᴐn, i bᴐbᴐ i nguan’n, ᴐ fa maan be kwlaa nga be lafi i su’n. Sran fi nu’an asiԑ’n su wa bᴐ kԑ ᴐ wuli’n ᴐ cԑnnin kԑ i liԑ’n sa-ᴐ. Krist i wulԑ’n ᴐ ti suyralԑ dan bᴐ Nyanmiԑn fa mannin klᴐ sran’m be kwlaa. |