Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic -- Armenian -- AZERI -- Bulgarian -- Chinese -- English -- French -- Georgian -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul? -- Polish -- Russian -- Somali -- Spanish? -- Telugu -- Uzbek -- Yiddish -- Yoruba
Previous Lesson -- Next Lesson MATTA - Tövbə edin! Çünki Səmavi Padşahlıq yaxınlaşıb
Mattanın nəql etdiyi Müjdə üzərində düşüncələr
ALTINCI HİSSƏ - İsanın çarmıxdakı iztirabları və ölümü (Matta 26:1 - 27:66)
2. İsaya qarşı sui-qəsd hazırlanır (Matta 26:3-5)MATTA 26:3-5 Daha öncə Məsihi öldürmək üçün dəfələrlə məsləhətləşən yəhudilər bu vaxt başçı kahinlər və ağsaqqalların iştirakı ilə daha ciddi məşvərət keçirdilər. Başçı kahinlər xalqın dini məhkəməsini, ağsaqqallar isə dünyəvi məhkəməni təmsil edirdilər. Qanunla bağlı məsələlərdə ali məclisə məsləhət verən ilahiyyatçılar da o məşvərətdə iştirak etdilər. Onlar Məsihə qarşı hazırlanan sui-qəsddə əlbir oldular. Yəhudi başçılar Məsihə nifrət etdilər, çünki O onların ikiüzlülüyünü, təqsirlərini ifşa edir, onları tövbə edərək Ona iman gətirməyə çağırırdı. Lakin onlar İsanı Allahın Oğlu deyil, kafir saydılar. Onun ardınca gedən izdihamlara, böyük qüdrətinə şəhadət edən möcüzələrinə görə Ona paxıllıq etdilər. Məsihi hiddətlə rədd edib, xalqı yoldan çıxardan yalançı, şeytan adlandırdılar, gizlicə Onu öldürmək barədə plan qurdular. Baş kahin Qayafanın həyətində toplaşan bu adamlar Məsihi məhv etmək üçün məsləhətləşirdilər. Onların gizli məşvərətindən xəbərdar olan Məsih onlardan uzaqlaşdı. O, misilsiz Allah Quzusu olaraq məhz Allah tərəfindən təyin olunmuş vaxtda – Pasxa günlərində öləcəkdi. O istəyirdi ki, hər kəs Allahın bəşər olmasının səbəbini və məqsədini bilsin. Buna görə İsa, düşmənlərinin planlaşdırdığı vaxtda deyil, Özünün istədiyi vaxtda öldü. DUA: Ya Rəbb İsa Məsih, Sən xalqının başçılarının Səni çarmıxa çəkdirəcəyi vaxtın gəlib çatdığını öncədən bilirdin. Lakin Sən quzular qurban verilən vaxt, Pasxa günlərində ölməyi qərara almışdın. Sən dünyanın günahını aradan götürən tayı-bərabəri olmayan Quzu olduğunu göstərmək istədin. Onların planı alınmadı, amma Sən Özün o qaranlıq gecədə addımbaaddım Öz taleyini müəyyən etdin. Çarmıx yolunu əzmlə axıra kimi tutduğun üçün Sənə izzət və şükürlər olsun! SUAL:
|