Mobile device - Print - Bottom

Previous Lesson -- Next Lesson

2. Sekreti i shërbesës së Palit (Romakëve 15:17-21)

---

ROMAKËVE 15:17-21
17 Prandaj kam arsye të mburrem në Krishtin Jezus për gjërat që i përkasin Perëndisë. 18 Sepse unë nuk do të guxoj të flas për asnjë nga ato gjëra që Krishti nuk i ka kryer nëpërmjet meje, me fjalë dhe me vepra, për t'i bërë të bindur johebrenjtë—19 në shenja dhe mrekulli të fuqishme, me anë të fuqisë së Frymës së Perëndisë, në mënyrë që nga Jeruzalemi dhe rreth e qark deri në Iliri kam predikuar plotësisht ungjillin e Krishtit, 20 duke u përpjekur të predikoj ungjillin, atje ku nuk ishte i njohur emri i Krishti, që të mos ndërtoj mbi themelet e dikujt tjetër, 21 por siç është shkruar: "Kujt nuk iu shpall, do të shohin dhe ata që nuk kishin dëgjuar do të kuptojnë".

Pali u gëzua dhe i lavdëroi shërbesat dhe fitoret e tij publikisht. Por ai menjëherë deklaroi se veprat dhe fjalët e tij nuk dolën prej tij, por prej Jezu Krishtit, që banonte në të, vepronte dhe fliste nëpërmjet tij. Apostulli i johebrenjve nuk pati guximin të fliste për rezultate dhe ndikime, të cilat nuk ishin prodhuar nga vet Krishti, por e konsideronte veten skllav të Shpëtimtarit, të bindur ndaj udhëzimeve të tij. Ky është sekreti në jetën e apostullit se ai ishte "në Krishtin". Ai mendonte mendimet e Krishtit, fliste me atë që e frymëzonte Krishti dhe bënte atë që ai e urdhëroi të bënte. Kjo është vija e kuqe në shkrimin e Veprave të Apostujve dhe sekreti në çdo predikim në kishat e sotme. Qëllimi i Zotit të gjallë Jezu Krisht, në jetën e Palit, i cili e bëri veten skllav të tij, ishte t'i çonte njerëzit e egër që t'i binden Krishtit me anë të besimit.

Fjalimet dhe shkrimet e Palit nuk ishin të mjaftueshme për këtë shërbim; prandaj, atij iu desh të vuante udhëtime raskapitëse, të hante ushqime të çuditshme, të punonte punë manuale dhe të bënte mrekulli. Ai dëshmoi qartë se të gjitha fjalimet, veprat dhe mrekullitë e tij u kryen me fuqinë e Atit, të Birit dhe të Frymës së Shenjtë, dhe jo nga ai vetë. Sekreti i shërbimeve të tij efektive ishte vetëmohimi i tij i plotë dhe madhërimi i Krishtit, Shpëtimtarit.

Pali shpalli përhapjen e shërbimit të tij nga Jeruzalemi në Anadoll dhe në Greqinë Perëndimore. Të gjitha këto provinca iu nënshtruan shtetit romak; dhe Pali udhëtoi në shumicën e udhëtimeve të tij të lodhshme dhe të rrezikshme në këmbë, jo me kalë ose me karrocë. Ai e lodhi veten në shërbesat e tij për të tërhequr jobesimtarët, injorantët dhe paganët tek Jezusi; dhe konfirmoi se nderi i shërbesës së tij ishte të komunikonte ungjillin e Krishtit qyteteve, qytezave dhe krahinave ku emri i Jezusit ishte i panjohur për ta. Ai nuk donte të ndërtonte mbi themelet e të tjerëve, por ishte i pari që shërbeu ku askush tjetër nuk i parapriu në rreziqet dhe vështirësitë që kishte pësuar. Me anë të shërbimit të tij, ai përmbushi premtimin hyjnor dhënë profetit Isaia: “Kështu do të spërkasë shumë kombe. Mbretërit do të mbyllin gojën para tij; sepse do të shohin çfarë nuk u ishte treguar dhe ato që nuk kishin dëgjuar do ta kuptojnë” (Isaia 52:15).

Judenjtë, si shumicë, nuk ishin të bindur me këtë plan hyjnor, duke e konsideruar veten si popullin e vetëm të Perëndisë. Por Pali shpjegoi të vërtetën e shërbesës së tij midis johebrenjve, të bazuar në provat biblike dhe premtimet e Perëndisë për johebrenjtë.

LUTJE: O Ati qiellor, ne të falënderojmë nëpërmjet Jezu Krishtit, sepse shërbëtorët e tij besnikë nuk folën në emrin e tyre, ose nuk punuan me fuqinë e tyre, por folën dhe punuan në emër të Krishtit dhe fituan fuqinë e tij. Ruaji ata nga të gjitha fjalët dhe veprat, të cilat mund të prodhohen me vullnetin e tyre dhe vendosi në trupin shpirtëror të Krishtit përgjithmonë.

PYETJA:

95. Cili është sekreti në shërbesat e apostullit Pali?

Mobile device - Print - Top