Previous Lesson -- Next Lesson
9. Dawata si Kristo, pinaagi sa Pagtuo, ang Kahayag sa Kalibutan
Sa wala pa ang Iyang kamatayon si Jesus nagpasidaan sa Iyang mga tinun-an batok sa pagsunod Kaniya sa naandan nga pamatasan nga walay komitment, apan giawhag sila sa pagpakitag maayong pagtuo aron mabag-o ang ilang kinabuhi. Siya miingon kanila:
Minahal nga Magbabasa, kung gusto nimo ang Espiritu ni Kristo nga mosulod kanimo, sunda si Hesus. Ablihi ang imong kasingkasing sa Iyang pulong. Kung buhaton nimo kini, ang Iyang mahangturon nga gahum, kalinaw ug pagkamatarong tinuod nga magbaha sa imong kinabuhi. Diha kang Kristo ra makita ang tinuod nga dalan, tungod kay gipahayag Niya ang kamatuoran bahin sa Iyang kaugalingon sa dihang siya miingon:
Sa matag oras ug lugar adunay malimbungong mga suga nga nagsiga. Sila nagpangidlap sa makadiyut, dayon mawala. Usa ra ka butang nga makasalig ka: si Hesus ra gayod ang tinuod nga nahigugma kanimo. Kung wala Siya, magpabilin ka nga mag-inusara ug mahisalaag, ug walay paglaum nga naghulat sa mahangturon nga siga. Apan kon gusto nimong biyaan ang kangitngit sa kalibutan, ug malingkawas sa sala ug sa mga gapus niini, duol kang Hesus ug hatagan ka Niya sa langitnong kusog. Kung nagtuo ka niining talagsaong Manluluwas, isalikway ang mga pagtulon-an, tinuohan ug sayop nga pakigsandurot nga supak sa Iyang kabubut-on.
Pwede ninyo kami pangutan-on: Unsaon nako pagtuo kang Kristo, nga wala ko Siya maila pag-ayo? Kami motubag: Tun-i ang Iyang kinabuhi sa Ebanghelyo ug mailhan nimo Siya. Susiha ang Iyang mga pulong ug pamalandungi kini pag-ayo.
Paglakaw tupad Kaniya sa dalan, hunahunaa ang Iyang lihok. Pakigsulti Kaniya sa pag-ampo sama sa imong buhaton sa usa ka matinud-anong higala. Nakaila Siya kanimo ug mamati kanimo. Madasigon Niyang tubagon ang imong mga pag-ampo, tungod kay Siya nahigugma kanimo sa personal. Dili ka niya pasagdan ni pagabiyaan , kay mao kana ang iyang walay katapusang katuyoan:
Giawhag ka namo nga ibutang ang imong kamot sa kamot ni Kristo ug maghimog usa ka pakigsaad uban Kaniya alang karon ug sa kahangturan. Andam Siya nga manguna, magtambag, manalipod, maglig-on ug magtipig kanimo aron masinati ang Iyang gugma ug ang Iyang tinuod ug kasaligang mga saad. Unya imong mapasalamatan ang pagkaamgo ni David ang propeta sa iyang pagsulat:
Ang pagtoo kang Kristo dili lang usa ka kinaadman sa salabutan, apan usa ka desisyon nga naglambigit sa usa ka tinuod ug katapusang pasalig nga itugyan ang imong kinabuhi Kaniya. Kung sundon nimo si Kristo, masinati nimo ang Iyang gahum, gugma ug kalinaw nga gipasa sa kahibalo.
Masinati usab nimo ang kinatibuk-ang pagtugyan sa imong Manunubos nga magaiwag sa imong kinabuhi ug maghimo kanimo nga usa ka anak sa kahayag. Ang pagtoo dili lang usa ka pagbati, kana mao, aron mabati nimo nga ang Ginoo naa sa sulod nimo. Labaw sa tanan ang pagtugyan sa imong kinabuhi Kaniya, pagtuo nga Siya nagdawat kanimo ug nahimo ka niyang Iyang anak. Sa iyang malig-on nga gugma gisaad Niya nga bisan kinsa nga mag-abli sa iyang kasingkasing makadawat sa kinabuhing dayon.
Kung dili ka kahibalo unsaon pagpakigsulti kang Kristo, nga nabanhaw gikan sa patay, o kung naghunahuna ka kung giunsa nimo pagtugyan ang imong kinabuhi ngadto Kaniya, nagsulat kami alang kanimo sa usa ka pag-ampo sa pagtugyan, nga mahimo nimong balikon sa imong kaugalingong pinulungan. Busa, pag-ampo uban kanamo:
Minahal Nga Magbabasa, sigrado gayod nga ang Ginoong Hesus nakadungog sa imong pag-ampo, dili tungod kay ikaw matarong o relihiyoso, apan tungod kay ikaw usa ka nahisalaag nga makasasala. Pakigsulti sa Dios nga imong Amahan ug isulti Kaniya ang tanang detalye sa imong kinabuhi. Pasalamati Siya alang sa tanan Niyang mga panalangin ug giya kanimo. Itugyan ang imong kinabuhi Kaniya ug basaha ang Iyang pulong adlaw-adlaw. Makadawat ka sa kusog nga langitnon sa matag adlaw. Ang Iyang mamugnaon nga pulong magbag-o kanimo ug magbag-o ang dagan sa imong kinabuhi. Ikaw mahimong maaghop ug mapaubsanon sa pagsunod sa panig-ingnan ni Hesus.