Mobile device - Print - Bottom

Previous Lesson -- Next Lesson

8. Amun ti delԑ’n ᴐ su amun bo kԑ amin ni Nyanmiԑn be koko yalԑ!

---

Be kwlaa nga b’a sᴐ Krist nun kԑ be Defuԑ b’ᴐ klo be’n sa bᴐ be fa bé wla guԑ i su titi’n, be nyan kacilԑ dan kpa bé nguan’n nun. Kacilԑ sᴐ’n be wun i bé nzuԑn kpa bᴐ be yi i nglo’n nun. Be nun-man sa tԑ’n i kwlalԑ’n bo kun sanngԑ be nyannin nguan uflԑ b’ᴐ fin Nyanmiԑn’n ᴐ man be ti Nyamiԑn i mma mun. Ͻ ti’a cinnjin kԑ kacilԑ sᴐ’n yi i wun nglo bé wunnԑn su kԑ usulԑ sa annzԑ srilԑ b’ᴐ kle kԑ bé klun ti jᴐwa’n sa. Sԑ amun lafi su sakpa kԑ Krist fali amun nguan’n wunmuan, nan i yԑ ᴐ sie amun-ᴐn, nan ᴐ tinngԑ amun nanwlԑ nun’n, yԑ ᴐ nian amun su amun nantilԑ’n kwlaa nun’n, i ngba-ᴐ! Amun lԑ nguan uflԑ sᴐ’n.

Nguan nga Krist fa man ye’n, ᴐ su e bo Kԑ e manman Nyanmiԑn yԑ e lԑ i ase afin Krist ti’n, ᴐ’a kaci e Si. Siԑn’n amu’an yo saun afin Zezi-Krist i mmoja’n guali amun ti. Nyanmiԑn wawԑ’n ᴐ tinngԑ amun srԑlԑ’n nun:

Amun srԑwa mun be ti-man ndԑ ngbԑnngbԑn bᴐ be klԑli be laa bᴐ be kan flan nun’n sa kun, sanngԑ ᴐ ti amun nin Nyanmivn amun yalԑ kokolԑ, ᴐ ti seiin. An kwla kan amun asamian mun kle Nyanmiԑn, sԑ amun fᴐnnin’n, an kwla kan kle i, like ng’ᴐ kun amun srԑ’n an kwla kan kle i yԑ ᴐ ′tԑ amun su i Jasin Fԑ’n nun. Nán amun ngnumin yԑ amun o lԑ-ᴐ, afin Krist man amun nin Nyanmiԑn b’ᴐ le’a wunsun’n, amun o nun siԑn’n yԑ amun nanti lika wlԑ. I b’ᴐ ti saun’n, ᴐ nu’an ᴐ wun mmua kun, a si i yԑ srԑ kun-man wᴐ i wun kun. Ͻ ti ᴐ Si, ᴐ nian wᴐ lika, sa nga be ju ᴐ su’n, ᴐ wun bé wlԑ yԑ ᴐ sasa wᴐ afin like fi mi’ԑn i sa. Sran mun bé akunndan’n bulԑ ᴐ nin bé sa wlԑ wunlԑ’n i kacilԑ dan’n yԑlԑ kԑ: Nyanmiԑn b’ᴐ yili ninnge kwlaa b’ᴐ o lԑ titi, b’ᴐ ti jᴐlԑ difuԑ’n, ᴐ ti min Si! I sᴐ’n ti si i wun ye di aklunnjuԑ yԑ man ᴐ wun blibli wᴐ, yԑlԑ kԑ Nyanmiԑn saunfuԑ’n, ᴐ yili i aunnvuԑ silԑ’n i nglo ᴐ lika yԑ ᴐ yacili ᴐ sa tԑ’n kwlaa cԑli wᴐ yԑ ᴐ yoli wᴐ saun i Wa’n i mmoja b’ᴐ lԑ gua kpan’n ti. I sᴐ’n ti wᴐ awlԑn’n nin ᴐ taaman’n be kwla to jue kunngba nga David toli’n:

Nyanmiԑn i ye yolԑ’n nun’n, ᴐ faa jue uflԑ kun wlԑli wᴐ awlԑn’n nun. A ′lԑ i ase ti delԑ dan ng’ᴐ fa mannin wᴐ’n ti. ? Wᴐ awlԑn’n ᴐ to jue la Nyanmiԑn ase titi? ? An ′lԑ i ase i klolԑ’n nin i awlԑn tralԑ’n nin i sԑsԑ b’ᴐ ti’n, nin i klun ufue’n b’ᴐ yili i nglo kleli amun Krist nun’n ti? An bu wawԑ nun su yralԑ nga Nyanmiԑn fa mannin amun Krist bᴐ ti amun defuԑ’n i ti’n i akunndan. Nán an tannin amun wun Nyanmiԑn wun ye silԑ’n i atin, afin kԑ amun sᴐ i ti delԑ’n nun’n, ᴐ kacili amun nguan’n, yԑ Nyanmiԑn i nuan ndԑ bᴐ be klԑli’n, be kaci jrԑiin amun nguan’n nun kԑ be klԑli’n sa:

E nin be kwlaa nga be lafi Krist su’n, e kwla di lalo kԑ k’ᴐ fin cԑn bᴐ Nyanmiԑn yoli e awlԑn i saun Krist i mmoja’n ti’n, i Wawԑ ng’ᴐ fa mannin ye’n, ᴐ faa srԑlԑ’n i klolԑ’n wlԑli e awlԑn’n nun. E si weiin kԑ e Si b’ᴐ o Nyanmiԑn su lᴐ’n ᴐ tie ndԑ kwlaa nga i mma’m be kan’n. I nyin kpa-man ndԑ kun sa su. Ͻ tԑ e srԑlԑ’m bé su titi sԑ e srԑ like ng’ᴐ ti i klun su’n. E kwla kan ndԑ e kle i trelele. Man e lԑ i ase ᴐ nin moae dan sᴐ’n b’ᴐ fa mannin ye’n, afin be kunndԑ be nyԑn-mԑn.

E ‵srԑ Nyanmiԑn kԑ ᴐ ‵yi nanwlԑ’n nga nglo kle amun, nan amun wun i wlԑ jrԑiin kԑ amu’an nyan amun ti, nan amun wun kwlalԑ ng’ᴐ o su lafilԑ’n nun’n i wlԑ yԑ i sᴐ’n ti an ‵si Nyanmiԑn wun ye aklunnjuԑ su.

Mobile device - Print - Top