Mobile device - Print - Bottom

Previous Lesson -- Next Lesson

7. ? An lԑ silԑ jrԑiin kԑ amu’an nyan amun ti ?

---

Be Flԑli nyanmiԑn junman difuԑ gbanflԑn kun be bᴐ be sᴐ ninnge wie mun bᴐ be ti sa sifuԑ’n, be anyia’n bo Ԑndi lᴐ, sanngԑ ᴐ’a kplin-man su kԑ ᴐ ‵tran bé akplowa silԑ sᴐ’n i bo. Afin ᴐ si-man bé ninnge nga be sᴐ be’n bé wun ndԑ’n san nyanmiԑn ndԑ’n yԑ ᴐ si i-ᴐ. Sanngԑ kԑ be yaci’ԑ i ndԑnngan’n, ᴐ kplinnin su. Ͻ srԑli kԑ e Min’n i Wawԑ’n tinngԑ i, ᴐ man ᴐ wᴐli anyia sᴐ’n bo nin aunnjuԑ.

Kԑ ᴐ juli anyia sᴐ’n i bo lᴐ’n, i nuan’n boli i wun kԑ sran ko ju akpi-nnyᴐn be bo sin yia bé like klefuԑ wie mun bᴐ be wla be wun tralԑ dandan kpa mun, be kwlaa be o lԑ minndԑ i. Be usԑli i kosan ninnge nga be sᴐ be’m bé su. Ͻ’a kwla tԑ-man bé kosan’n kwlaa su. I sin’n be usali i Nyanmiԑn ng’ᴐ su i’n i wun kosan. Ͻ tԑli be su nin aklunnjuԑ: " Nyanmiԑn bᴐ i nzuԑn’n nin klᴐ sran liԑ’n ti’a kun’n, ᴐ yacili min sa tԑtԑ’n kwlaa cԑli min Zezi-Krist i wulԑ’n ti. I nun’n, m’an yo sran kpa Nyanmiԑn nyrun yԑ m’an nyan min ti sa tԑ’n i sa nun. Srԑ kun-man min jᴐlԑ dilԑ cԑn’n i wun kun afin min ti delԑ’n i nuan a yia". Like klefuԑ sᴐ mun b’a sᴐ-man ndԑ ng’ᴐ kannin’n nun nan b’a kpan kԑ, i sᴐ’n kwla yo-man. Sran fi kwla si’a sa nga ᴐ wa ju jᴐlԑ dilԑ cԑn’n nun’n. Sran fi kwla si’a ndԑ ng’a Nyanmiԑn ᴐ wa kԑn sran kun i guan’n su blԑ kasiԑn’n nun. Sran kwlaa ng’ᴐ se kԑ: " Nyanmiԑn wa yaci min sa tԑ’n kwlaa a cԑ min", e bu i sᴐ sran liԑ’n kԑ ᴐ ti Nyanmiԑn dunman sacifuԑ. Sanngԑ Nyanmiԑn junman difuԑ gbanflԑn kan sᴐ’n ᴐ tԑli be su nin yakpa see kԑ: " An usali min kosan ninnge nga amun sᴐ be’m bé su, m’an kwla tԑ-man amun kosan’m be ngba su. Sanngԑ siԑn’n, m’an wun ngbacԑ ng’ᴐ o ninnge nga amun sᴐ be ᴐ nin min liԑ nga n sᴐ i’n be afiԑn. N kan kle amun kԑ amun mmla kpanngban mun nin amun laa nzuԑn kpanngban nga an fa kle sran mun’n, ᴐ nin amun srԑlԑ nga an srԑ bé cԑn’n kwlaa’n, be kwla man-man amun auunjuԑ le. Afin an si-man sԑ Nyanmiԑn a yaci amun sa tԑ’n a cԑ amun o! Sanngԑ min liԑ’n, n lԑ silԑ weiin kpa yԑ n kwla kԑn i ndԑ aklunnjuԑ su kԑ Nyanmiԑn b’ᴐ ti dan’n ᴐ klo min, yԑ ᴐ yacili min wun sa tԑ’n kwlaa cԑli min Krist nun. Klᴐ sran wie fi kwla de-man ye bᴐ Nyanmiԑn yoli min’n, kannzԑ ᴐ wie satan bᴐbᴐ o, ᴐ kwla de-man Nyanmiԑn i ye yolԑ sᴐ’n min sa nun. Kԑ be wun min’n like fi nu’an min sa nun sanngԑ n ti anyanbeunfuԑ, ᴐ liԑ’n a bu akunndan kԑ a lԑ like kpanngban sanngԑ a ti yalԑfuԑ.

Min janvuԑ kpa: ? A lԑ silԑ wᴐ awlԑn’n nun lᴐ kԑ Nyanmiԑn deli wᴐ? I wun ti siesiewa kԑ ᴐ fԑ i bᴐbᴐ i Wawԑ’n man amun. Nyanmiԑn Wawԑ’n ᴐ kle wᴐ weiin kpa wᴐ awlԑn’n nun kԑ a ti Nyanmiԑn i mma’m bé nun kun. Nyanmiԑn b’ᴐ o lԑ tititi’n, ᴐ kplinnin ᴐ su ᴐ nin wafa kwlaa nga a ti’n. Ͻ yoli amun saun, ᴐ mannin amun nguan uflԑ yԑ ᴐ fԑli i auunjuԑ’n mannin amun mandimaan. Be kwlaa nga be sᴐli Zezi-Krist nun’n kԑ bé defuԑ sa’n, kԑ bé nguan’n ti sᴐ-ᴐ. Be si jrԑiin kԑ klolԑ nga Nyanmiԑn fa klo be’n, ᴐ kaci-man. Sԑ amun nian nyan-man i sᴐ silԑ liԑ’n, an kan amun wun ase Nyanmiԑn nyrun yԑ an srԑ i su lafilԑ nun kԑ ᴐ ‵fԑ i Wawԑ Saun ᴐ guԑ amun awlԑn’n nun yԑ ᴐ ‵tran nun titi. Amun wun kwlalԑ ng’ᴐ o amun ti delԑ’n nun yԑ amun wla’n ᴐ wa gua ase e Min Zezi i ye yolԑ nin i klolԑ’n nun. Sran kwlaa ng’ᴐ klo Krist’n ᴐ ti kԑ anyansifuԑ b’ᴐ i nyinma’n ᴐ’a tike uflԑ’n sa. Ͻ wun Nyanmiԑn i anuan’n kԑ ᴐ la su gbaun yԑ ᴐ wun Krist wlԑ, ᴐ si kԑ anannganman nguan’n fin i. I yԑ man sran uflԑ ng’o o e awlԑn’n nun’n ᴐ nyan fanngan yԑ e laa nzuԑn’n kaci mlᴐnmlᴐn-ᴐn. Kԑ e ko nyan e ti Krist i wulԑ’n ti’n, i sin’n, Wawԑ Saun ᴐ wlu e awlԑn’n nun yԑ ᴐ kaci e nzuԑn’n i wafa’n kwlaa. An lafi amun Defuԑ Zezi-Krist su, afin i nun yԑ amun wa bo nguan kpafuԑ’n i nun tranlԑ bo-ᴐ. Zezi seli kԑ:

Mobile device - Print - Top