Waters of LifeBiblical Studies in Multiple Languages |
|
|
Home Bible Treasures Afrikaans |
This page in: Albanian -- Armenian -- BAOULE -- Cebuano -- English -- French -- German? -- Greek -- Hausa -- Igbo -- Indonesian -- Somali -- Spanish -- Telugu -- Twi -- Ukrainian -- Yoruba
Previous Lesson -- Next Lesson ?Amun si sᴐ? Nyanmiԑn i ti delԑ’n wo lԑ amun ti!
Fluwa nga be jԑjԑli yԑ’n ͻ ti cinnjin kpa man amun
6. ? Amu’an sᴐ ti delԑ nga Nyanmiԑn siesie mannin amun’n i nun ?Cԑn kun be usali Ԑndi bla kun bᴐ ᴐ’a di’a suklu’n i kosan sa nga ti yԑ ᴐ lafi Krist su’n i su. Ͻ tԑli su kԑ: " I mmoja’n ᴐ tuli min tԑ’n kwlaa yԑ ᴐ yoli min awlԑn’n i saun." Bla sᴐ’n bᴐ ᴐ’a di’a suklu’n, ᴐ wunnin nvialiԑ nun sa cinnjin ng’ᴐ o ti delԑ ng’a e ‵nyԑn i Krist nun’n i wlԑ. Sran kwlaa ng’ᴐ nin Krist be yia nun bᴐ wun i tԑ’n ng’ᴐ yili i wlԑ’n, san ᴐ ′sᴐ Krist nun ndԑndԑ kpa su lafilԑ nun yԑ ᴐ ′fԑ i nguan b’ᴐ bᴐn kain’n nin i klunwi nguan sᴐ’n mԑn i. Ͻ ′nyan silԑ weiin kpa i awlԑn’n nun kԑ ᴐ’a ‵nyԑn i ti nan Nyanmiԑn a bu i sran kpa, yԑ silԑ sᴐ’n su tu-mԑn i akunndan nun kun. Man amun wla kpԑn su kԑ Krist su wu-man uflԑ kun amun sa tԑ’m be ti. Ͻ wuli e ti ᴐ man Nyanmiԑn a bu ye sran kpa; ᴐ yoli i sᴐ kpԑ kunngba yԑ ᴐ ′ka lԑ sᴐ titi. An fa akpue yԑ an la i b’ᴐ kwla like’n kwlaa yo’n i ase afin Krist i wulԑ’n ti’n, ᴐ buli amun sran kpa, ᴐ yoli i sᴐ fa cԑli amun ngbԑn, amu’an tannin-man kalԑ wie fi. Ͻ klo amun kunngun yԑlԑ kԑ ᴐ fԑli i wa’n fa yili amun ti tԑ, ᴐ yoli i sᴐ fa mannin mԑn’n wunmuan’n. Ti delԑ’n i nuan yiali. ? Amun ′sᴐ nun sakpa? Sԑ amun sᴐ ti delԑ sᴐ’n nun, amun ′wun i wlԑ kԑ Nyanmiԑn yaci sran’m be tԑ’n cԑ be afin ᴐ ti aunnvuԑ sifuԑ, yԑ amun wun i wlԑ kԑ i klolԑ’n ti kԑ jenvie sa, ᴐ wie-man nun le. ? Amun si wafa nga be fa sᴐ ti delԑ sᴐ’n nun’n? Ͻ ti’a kekle. An koto lika kun b’ᴐ ti bliin nun annzԑ sua ba kun nun, amun ngunmin annzԑ ᴐ nin amun janvuԑ wie b’ᴐ ti kristfuԑ yԑ an tu amun klun kan ndԑ kle Nyanmiԑn, an ′se kԑ: “ Nyanmiԑn bᴐ kwla like’n kwlaa yo, a wun min yԑ a si min. Nyannzuԑn kun min sa kwlaa nga n yoli be’n ti. Yaci min tԑ’n kwlaa cԑ min yԑ yo min awlԑn’n i saun. M’ᴐn yo sᴐ-ᴐ! ”
An srԑ nyanmiԑn ekun, “N la wᴐ ase, min Nyanmiԑn, like ng’ᴐ nin min fata’n, yԑlԑ fᴐ bulԑ ᴐ nin wie, sanngԑ ᴐ’a kun-man min, ᴐ’a bu-man min fᴐ. A sunmannin Zezi-Krist, sran’m bé ti kpᴐfuԑ’n, ᴐ wuli min ti yԑ sran kwlaa bé ti. N la wᴐ ase min Nyanmiԑn! A ti kpa sakpa. Zezi-Krist suali min sa tԑ’m be kwlaa yԑ ᴐ sinnin min ajalԑ nun, be kunnin i. N sᴐ i nun kԑ min Defuԑ sa yԑ n lafi su siԑn kԑ ᴐ siesieli min nin wᴐ e afiԑn yԑ ᴐ yoli min awlԑn’n i saun. Min Nyanmiԑn kwla o! Afin a sᴐli min nun yԑ a deli min mlᴐnmlᴐn. M’ᴐn yo sᴐ-ᴐ’’!
Min janvuԑ kpa: Fa ᴐ wla guԑ i ndԑ nga a kan kleli Nyanmiԑn’n su yԑlԑ kԑ ᴐ tieli ᴐ srԑlԑ’n. Jran kekle su lafilԑ’n nun yԑ wafa nga wᴐ awlԑn’n fa su ᴐ bo’n, kan ndԑ kle Nyanmiԑn afin ᴐ ti aunnvuԑ sifuԑ. Kan ndԑ kle i nán muan ᴐ nuan’n su, afin Nyanmiԑn ti sran klofuԑ. Ͻ yiali ᴐ ti delԑ’n i nuan yԑ ᴐ deli mԑn’n wunmuan i ti lalaa. Zezi-Krist i mmoja’n ti Nyanmiԑn a bu wᴐ sran kpa. Ͻ ti kԑ fluwa kun sa, Krist i mmoja’n yԑ ᴐ fa tali su lolo-ᴐ. Man ᴐ wla kpԑn su titi. Nyanmiԑn i Bua ba’n ᴐ de wᴐ sa tԑ’n i sa nun yԑ ᴐ yo ᴐ nguan’n i saun. An fa amun wla guԑ i kasiԑ’m be su yԑ amun wa ti Nyanmiԑn Wawԑ’n i aniԑn, ᴐ man amun wla’n gua ase Krist su bᴐ an lafi’n ti. Sa nga a yoli Nyanmiɛn’n, b’a yaci a cɛ wɔ.
Lik 5:20
K’ᴐ yo sᴐ’n, Nyanmiԑn i aunnjuԑ’n ᴐ ′yi amun awlԑn’n. An ′kaci sran uflԑ. Ͻ ti cinnjin kԑ amun sᴐ amun ti delԑ’n nun ndԑkԑn yԑ an la Nyanmiԑn i ase. Nán an fa sie i cԑn uflԑ yԑlԑ kԑ Krist deli amun. Sran uflԑ kwla sᴐ-man ti delԑ sᴐ’n nun man-man amun, san amun bᴐbᴐ. Nyanmiԑn Wawԑ’n kan ndԑ kle amun: Sɛ NDƐKƐN an ti ndɛ nga Nyanmiɛn kan’n,
NÁN AN YO NYIN KEKLE I SU.
Ebre 3:7+8
|