Waters of LifeBiblical Studies in Multiple Languages |
|
Home Bible Treasures Afrikaans |
This page in: -- Afrikaans -- Arabic -- Armenian -- Azeri -- Bengali -- Bulgarian -- Cebuano -- Chinese -- English -- French -- GEORGIAN -- Greek -- Hausa -- Hebrew -- Hindi -- Indonesian -- Javanese -- Kiswahili -- Malayalam -- Polish -- Portuguese -- Russian -- Serbian -- Spanish -- Tamil -- Telugu -- Turkish -- Urdu? -- Yiddish
Previous Lesson -- Next Lesson რომაელები - უფალი - ჩვენი სამართლიანობა
პავლეს რომაელთა მიმართ წერილების შესწავლა
ნაწილი 2 - ღმერთის ჭეშმარიტება უცვლელი რჩება, იაკობის რჩეული ტომის სიჯიუტის მიუხედავადაც (რომაელები 9:1 - 11:36)
4. ღმერთის სამართლიანობა მიიღწევა რწმენით და არა რჯულის შესრულების ძალისხმევით (რომაელები 9:30 - 10:21)
ა) იუდეველები ეყრდნობიან საკუთარ საქმეებს და უარყოფენ ღმერთის სამართლიანობას, რომელიც რწმენით მიიღწევა (რომაელები 9:30 - 10:3)რომაელთა 9:30 - 10:3 მოციქული პავლე ცდილობდა რომის ეკლესიის წევრების მიყვანას უშუალოდ საბოლოო გადაწყვეტილებამდე, რათა მიმხვდარიყვნენ, რომ შეუძლიათ ღმერთის სიმართლის მიღება მხოლოდ ქრისტეში რწმენის მეშვეობით, ხოლო ვინც აცხადებს საკუთარ სიმართლეს, რომელიც დაფუძნებულია მისსავე საქმეებზე ის სასამართლოსა და დაღუპვას ექვემდებარება! მოციქულმა პავლემ აღიარა პირველი ეკლესიური კრებულის წინ კერძოდ კი რჯულის დამცველების წინაშე, რომ ვერცერთმა მათგანმა ვერ შეძლო ღმერთის ყველა მცნების შესრულება და რომ ვერცერთი მათგანი ვერ გადარჩება საქმეებით, არამედ მხოლოდ ერთი ღმერთის მადლით, რომელიც ქრისტეს სახით არის მოვლენილი (საქმეები 15:6-11). ხოლო ვინც უგულებელყოფს ქრისტეს მადლს ის ჰგავს ადამიანს, რომელიც დადის წყვდიადში და ეჯახება დიდ ქვას გზაზე, ეცემა და იმსხვრევა (ესაია 8:14; 28:16). იესო გახდა მრავალი იუდეველის განკითხვის მიზეზი, თუმცა მანვე შეარიგა ისინი ღმერთს! მაგრამ მათ უარყვეს მისი უბადლო მადლი! ხოლო მათ ვინც შეიცნეს თავიანთი მხსნელი და ერწმუნნენ, გადარჩნენ! პავლე აღიარებდა, რომ მრავალი იუდეველი გულმოდგინედ ცხდილობდა რჯულის დაცვას და მცნებების შესრულებას. და პავლეს უყვარდა ისინი თავიანთი გულმოდგინების გამო და იმედი ჰქონდა, რომ ისინი გამოიყენებდნენ მათთვის მოცემულ იმ შესაძლებლობებს და გახსნიდნენ დიდებულ ნიჭს, რომელიც ღმერთისგან მიეცათ. ამიტომაც პავლე მთელი გულით და მხურვალედ ევედრებოდა ღმერთს, რომ მიეყვანა მრავალი მათგანი მათთვის გამზადებულ გადარჩენასთან. თუმცა პავლე ხედავდა, რომ ბევრ რომაული იმპერიის ეკონომიკურ ცენტრებში იუდეველები იცავდნენ თავიანთ რჯულს და თვლიდნენ ღვთისმოშიში ერია, ხოლო სხვა ყველა დანარჩენი არარაობა. მათ ვერ შეიცნეს ახალი სიმართლე ქრისტეში, არამედ ცდილობდნენ საკუთარი სიმართლის მიღწევას მარხვებით, ლოცვებით, მსხვერპლშეწირვებით და 613 მცნების დაცვით. ამ დროს კი ისინი ჭეშმარიტ სიმართლეს უგულებელყოფდნენ. რაოდენ დიდია იმედგაცრუება! და რა საშინელებაა! ლოცვა: ზეციერო მამაო ჩვენ თაყვანსგცემთ იმისთვის, რომ თუმცა არაწმინდა წარმართებიდან მორწმუნეები გავხდით, მაგრამ მივიღეთ შენგან უხვი მადლი! შენ მოგვეცი შენი განსაკუთრებული სიმართლე, როგორც დიდებული ნიჭი! ამიტომაც გთხოვთ და გევედრებით მისცე იგივე კურთხევები სხვა რელიგიის წარმომადგენლებს, რომლებიც ცდილობენ საკუთარი საქმეებით გამართლდნენ. დაამსხვიე მათი სიამაყე და დაეხმარე გირწმუნონ შენ და მოგენდონ, როგორც მოყვარული შვილები! კითხვა:
|