Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic -- Armenian -- AZERI -- Bulgarian -- Chinese -- English -- French -- Georgian -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul? -- Polish -- Russian -- Somali -- Spanish? -- Telugu -- Uzbek -- Yiddish -- Yoruba
Previous Lesson -- Next Lesson MATTA - Tövbə edin! Çünki Səmavi Padşahlıq yaxınlaşıb
Mattanın nəql etdiyi Müjdə üzərində düşüncələr
İKİNCİ HİSSƏ - Məsihin Qalileya və ətraf bölgələrdə xidməti (Matta 5:1 - 18:35)
D - Üçüncü Hissə Yəhudilərin imansızlığı və Məsihə qarşı düşmənliyi (Matta 11:2 - 18:35)
1. Yəhudi ağsaqqalları Məsihi rədd edir (Matta 11:2 - 12:50)
b) İsa tövbə etməyən şəhərləri məzəmmət edir (Matta 11:20-24)MATTA 11:20-24 Cəmiyyət insanları yaxşı və pis, əsilzadə və sadə xalq, günahkar və salehlər kimi qruplara bölər. Səlahiyyət sahibləri, ali dərəcələrə nail olanlar, əhəmiyyətli, vəzifəli şəxslər adətən özlərini sadə yoxsul xalqdan üstün tutarlar. Lakin hər kəsi sevən İsa insanları tamamilə başqa meyarlarla qiymətləndirmişdir. İsanın müxtəlif şəhərləri məzəmmət etməsindən meyarlarımızın əsas etibarilə yanlış olduğunu öyrənirik. Məsələn Sur və Sidon bütpərəstliyin önəmli mərkəzləri idi. Oradakı dindarlar yaşayan Allahı tanımadıqlarına görə daş bütləri ilə fəxr edir, onlara qulluq edirdi. İsa bu iki şəhərin əhalisinin cahillik və bütpərəstliyinə baxmayaraq, Onun möcüzələrini görə-görə, sözlərini eşidə-eşidə Ona iman etməyən, Onu qəbul etməyən şəhər və kəndlərdən daha yüngül cəza alacağını söylədi. Məsihi rədd etmək dünyada ən böyük günahdır, çünki Onu rədd edən Allahın məhəbbətini, lütfünü, bağışlamasını, xilasını, əfvini rədd edir və axırda o məqama çatır ki, Səmavi Atanın Özünü rədd edir! Sözsüz, bütün insanlar günahkar və pozğun, həlak olmağa layiqdirlər. Lakin Məsihin qanı bizi hər günahdan təmizləyir. Müqəddəs Ruh həlak olanları müqəddəslərə çevirir. Məsihdə olan Allahın lüthünə xor baxan hər kəsin vay başına, çünki Haqq-Taalanın Oğlunu rədd edənin aqibəti cəhənnəmdir! Məsihin ən çox möcüzə yaratdığı yer olaraq tanınan və Məsihin şəhəri sayılan Kefernahum o vaxt Ona qarşı ən çox pislik edən şəhər idi. Kefernahum əhalisi, aralarında yaşayan Allahın Oğluna iman gətirməmiş, məhəbbətin təcəssümü olduğunu görüb, qüvvətli sözlərini eşitdikləri halda, Ona inanmamışdı! Məsih onları öz günahlarına görə yas tutmadıqlarına görə ifşa etdi, öz murdar işlərinə görə Allahın odu ilə yandırılıb məhv edilən Sodom əhlindən də pozğun adlandırdı. Əzəli Hakim Özü kefernahumlulara cəzaları barədə xəbərdarlıq etdi. Vəftizçi Yəhyanın, Məsihin və həvarilərin öyrətdikləri böyük təlim tövbədir. Tövbənin, məzəmmətin, kədərin ali məqsədi xalqın fikirlərini və yollarını dəyişdirməsi, günahlarını tərk etməsi, Allaha tərəf dönməsi idi. Lakin onlar bunu istəmədilər. Məsih bu şəhərlərin tövbə etməsi üçün başqa çoxlu günahlarını da ifşa etdi. Lakin onlar tövbə etmədilər, İsa da onları şəfa tapmaq istəməməkdə günahlandırdı. Radio və kitablar vasitəsilə yayılan Allahın kəlamını oxuduqlarına, öz içindəki imanlıların şəhadətliklərini eşitdiklərinə baxmayaraq Məsihi qəbul etməyən şəhərlərimizin, xalqlarımızın vay başına! Mühakimə sənə düşündüyündən daha yaxındır. Əzəli Hakim Məsih sənə xəbərdarlıq edir. Bəs sən öz ruhani vəzifələrini bilirsənmi? DUA: Ey müqəddəs Ata, Sənə səcdə edir və insanları yanlış ölçülərlə qiymətləndirdiyimizə görə tövbə edirik. Az imanımız üçün bizi bağışla! Bizi dar düşüncəmizdən azad et və niyyətlərimizi təqdis et! Qoy biz Sənin Oğlunu və Onun xilasını qəbul edək, Sənin Müqəddəs Ruhunla dolaq və hər kəsin Sənə tərəf dönməsi üçün gələcək hökm günü barədə açıq şəkildə şəhadət edək! SUAL:
|