TRACT 1 -- A mi Yisa?
Ŋun kam yuli kurimbun’ ni ha, a ni nya ni toondaannima daa tum’ tuma din’ taɣi bε dunia. Bε yino n-nyε Mariama bia Yisa. A yi pu’ dunia ŋɔ butaa zuɣu, niriba gari vaabu yim ni doli o wuhibu. Yisa yuli ŋɔ nyεla yu’ gahindili Naawuni Kundi Kasi puuni. Kundi Palli litaafi 27 di yirina paari 975.
Naawuni daa tim malaika Jibril na Mariama sani. Malaika daa lan zaŋ omaŋ’ wuhi Mariama yidana Yussifu zahinli puuni. O daa yεli ba ni Mariama puli bii maa daa nyεla Shii Kasi bia ka bε ni ti ti o yuli Yisa, dama o ni ti tilig’ o niriba bε daalahichi ni. (Matiu 1:20-23, Luk 1:31).
Ka daadam n daa pii yuli ŋɔ, amaa Naawuni yiko n daa zalli li. Naawuni nia zaŋ kpa daadam tiliginsim bela “Yisa” yuli ŋɔ ni. O daa lo lala nia ŋɔ pɔi ka na nam dunia. Yisa yuli ŋɔ gbinni nyεmi “alikauli Duuma ŋun sɔŋdi ka tiligira”.
Yisa Naazarεt bia ni ka Naawuni daa taɣi dunia ŋ-ŋɔ. Mariama bii Yisa daa bi wuhiri daadam hankali wuhibu bee n-tumi alahiʒiba kɔŋko, amaa o ni ka Naawuni daa tɔɣisi ti ka tum (Jɔn 5:19-21, 10-24). Daliri din’ zuɣu ka o daa kan’na? Ka o yiko daashili n- nyε dini?
O tiligi ti ka chε karimbaani
Yisa daa yεliya: “Yinim’ bεn zaa tumdi tuma ka di fukumsi ʒi’ tibisa ʒi yi zuɣu, kamiya n sanna, ka n ti tin ya vuhim ... m-bɔhim biεhigu n sani ka nya vuhim.” (Matiu 11:28-29). Sokam ŋun mali yεlimuɣisirili o biεhigu puuni ni tooi zaŋ kanna Yisa sani. Ŋunkam kanna o sani, Yisa ni tiliig’ o ka chε karimbaani ka t’o vuhim. Yisa daa yεliya: “Daadam Bia bi kamina ni o ti ʒiya ka niriba tumdi tir’ o, amaa ni ŋun’ lee ti tumdi tiri ba, ka zaŋ o nyεvili pa talima niriba pam nyεviya zuɣu.” (Matiu 20:28). Ban doli Yisa, o tibiri ba zaŋ kpa zunyuŋ polo ka be mali suhupεlli n-tumdi tiribi be taba o yiko ni.
O tiligi ti ka chε Naawuni suhuyiɣisili
Naawuni ŋun be kasi ŋɔ suhu yiɣisili bε alahichinima zaa zuɣu, amaa Yisa tiligiri ŋunkam niŋ o yεda ka che Naawuni tibidarigibu zaadali (Jon 3:18, 5:24). Naawuni daa kahigi yεlimaŋli ŋ-ŋɔ n-ti anabi Aizaia: “Di zɔri dabiεm, a ku di vi, di chε ka a suhu zɔhira, a ku nya filiŋ. A ni tam a bipalitali saha vi yεla, ka tam saha shεli a ni daa nyε pakoli ka nya filiŋ shεl’la yεla. Dama ŋun nam a ni be a kaman paɣ’ yidan’ni be o shεm la. O yuli n-nyε, ‘Yawe ŋun nyε tɔbbihi naa.’ Ŋuna n-nyε a tiligira ŋun nyε Israεl Naawuni ŋun be kasi la. O yuli n-lan nyε ‘Dunia zaa Naawuni’. Yawε ni lan bol’a labisi na kaman paɣ’ so be ni zaɣisi ka o mali suhugarigu la. Naawuni yεliya, ‘A ŋmanila paɣ’so ŋun kul dooyili o paɣisarilim ni ka bε ti zaɣis’ o.” (Aizaia 53:4-6).
Pɔi ka Yisa daa kpi o daa suhu Naawuni n-ti o dimnima: “M Ba Naawuni, chεli paŋ ba, dama bε bi mi bε ni niŋdi shεli maa gbinni.” (Luk 23:34). Ti mi ni Naawuni daa deeg’ o suhigu maa.
O yihi ti alahichi dabitim ni
Yisa daa yεliya: “Achiikatim yεlimaŋli ka n yεri ya, ŋunkam tumdi alahichi nyεla alahachi dabili .... Dinzuɣu Bia maa ŋun yi yihi ya datibim ni, yi shiri yiya ni yεlimaŋli.” (Jɔn 8:34, 36) Yisa tiligir ban niŋ o yεda alahichi dabitim ni. O daa zaŋ dunia daalahichi m pa omaŋ’ zuɣu ka yihi ti taali ni. O daalahichi sanyoo sara ŋɔ nyεhiri ti taali ka o Shii Kasi be ti ni ka tiri ti yiko ka ti nyaŋdi alahichi. (Romnima 8:9-11) Dinzuɣu ŋunkam niŋ Yisa yεda ni o daalahich sanyoo sara ni yi taali ni.
Ŋuna n-di nasara ka chε Shintɔɣini
Yisa daa nyaŋ Shintɔɣuni, o daa zani dede ka be lo zahimbu puuni. (Matiu 4:1-11, Luk 4:1-13). Wahala mini yεlimuɣisira zaa yuli, Yisa daa kul’zaŋ omaŋ ti Naawuni ka bi tum alahichi. Shintɔɣini yiko daa kɔŋ o nyaŋbu. Yisa daa kari alizinnima ni shi’ biεri yihi niriba ni. O daa zaŋ o yiko ti o nyaandoliba (Luk 9:1). Ŋunkam deegi o daalahichi sanyoo sara ŋɔ ni yi Shintɔɣini dabitim ni.
Ŋuna ni nyaŋ kum
Yisa daa yεliya: “Mani n-nyε nyεvili, man n-lan su kum ni neebu yiko; ka ŋunkam niŋ ma yεda, hal o yi kpi gba, o ni lan neei yaha. Ka ŋunkam mi ne ka niŋ ma yεda ku lan kpi hal abada.” (Jɔn 11:25-26).
Yisa daa di nasara kum neeibu ni, ka zaŋ omaŋa wuhi o nyaandoliba ka bε shih’o ka o di ba alizama. Lala zuɣu, Yisa ni too tiligi o nyaandoliba ka chε kum ka ti ba nyεvili din ka bahigu.
Ŋuna tibiri pu’tɔɣu mini biεri bɔhibu
Yisa daa yεli ban wumdi o yεligu ŋɔ: “Yumiya yi dimni’gba, ka niŋmiya alibarika niŋdi bεn turi ya ni, ka niŋmiya bεn jεn ya la zaɣ’ viεlli; ka suhimiya Naawuni n-tim’ bεn niŋdi ya alaka. Dina n-ni che ka yi leei yi Ba Naawuni ŋun be alizanda ni ŋɔ bihi.” (Matiu 5:44-45, Luk 6:27-28).
O kɔŋko n daa yi shii ni na, ka chε o nyaandoliba daalahichi paŋ ba, ka zali ba zaligu ni bε gba chεm paŋ ban gba tum birigi ba. Daliri din chε ka Yisa chεri paŋda yirila o yurlima ni na. Yisa tiligiri ŋunkam deeg’o noli ka chε pu’tɔɣu mini biεri bɔhibu.
Mariama bii Yisa niriba maŋmaŋ’ daa zaɣis’o, mal’o ansarisi ka niŋ o pu’tɔɣu. Wamaa bε ni daa zaɣis’ o maa yoli, Yisa daa wuhi ba yurilim mini simdili ni tiliginsim ni yiko. Bankam zaa chε alahichi ka ka o sanna be ni leei wuntizɔriba ka deei nyεvili din ka bahigu.
M mabihi,
Yisa ŋun be o nyεvili ni ŋɔ boon’ a ni a kanna ti niŋ o yεda ka deegi o yεligu. O ni tooi t’ a Shii Kasi yiko ka paɣi a shia mini a suhu ni a niŋgbuŋ. Di kpaŋ a suhu, amaa zaŋm’ saha ŋɔ n-deei chεmpaŋ ni yiko ka yi Naawuni tibidarigibu ni. Yisa nyε a Tiligira ni Ŋun’ nyε a Sandaantimda zaŋ chaŋ Naawuni sani. Ŋuna nyε a nyεvili ka lo alikauli ni o ni gbib’ a. Kamina, zaŋ amaŋ niŋ o nuu shεli din’teei gul’la ŋɔ n-ti deegi o anfaani din galisi n-yir’ o kɔbili ni na. (Jɔn 1:16)
Wumpaɣibu suhigu
Suhi doli ma: “N Duuma Yisa, nyini nyε dunia Tiligira ni n gba Tiligira. A tiligi ma ka chε Naawuni suhuyiɣisili ni tibidarigibu. A tiligi ma ka chε n karimbaani ni n zunyuŋ. Nyεhimi n daalahichi ka tim ma a suhu dim be kasi ŋɔ ni alizanda wuntizɔritali, din ni chε ka Shintɔɣini yiko ku nyaŋ ma. Zaŋm’ ma leegi a nyaandola ka neemi n suhu ka m baŋ a wuhisi ni a zalisi. Chε ka a yiko ka n gbariginsim ni na din ni chε ka m biεhigu zaŋ jilima n ti nyini kasi Naawuni ŋɔ. Ami.”
A bɔri n’ a wum mpahi zaŋ chaŋ Mariama Bii Yisa?
A yi bɔra, ti ni t’ a Masia Lahaba’ Suŋ Kundi ni di gbinni, diŋuna chε ka ti wum.
Zaŋ Yisa Lahaba’ Suŋ ŋɔ n-ti a ʒiʒiinitaba
Litaafi ŋɔ yi shih’ a suhu ka ti a yiko ni suhudoo, diŋuna zaŋ li ti a zɔnima ni a ʒiʒiinitaba. Ti mali suhupiεlli ni ti zaŋ di shεŋa t’ a na. Yεlimi ti a ni bɔra dib’aa shεŋa a ni tooi tari ka di bi zaŋ yεlimuɣisira t’ a . Ti kul yuun’ a washiika soli ka suhuri Naawuni ŋun beni ŋɔ ni ni alibarika niŋ a ni. Di tam k’ a sabi a Poos Offisi namba viεnyεliŋga.
WATERS OF LIFE
P.O. BOX 60 05 13
70305 STUTTGART
GERMANY
Internet: www.waters-of-life.net
Internet: www.waters-of-life.org
e-mail: info@waters-of-life.net