Previous Genesis 08 -- Next Genesis 10
09 -- Gilimud ba nimo ang imong sala?
GENESIS 3:8-13
8 Ug silang duroha nakadungog sa tingog sa GINOONG Dios nga naglakaw sa taman sa pagsalop na sa adlaw. Si Adan ug ang iyang asawa nagtago sa ilang kaugalingon gikan sa nawong sa GINOONG Dios taliwala sa mga kakahoyan sa tanaman. 9 Unya ang GINOONG Dios mitawag kang Adan ug miingon kaniya, “Hain ka ba?” 10 Busa siya mitubag, “Akong nadunggan ang imong tingog sa tanaman, ug nahadlok ako, tungod kay ako hubo, ug nagtago ako.” 11 Mao nga siya miingon, “Kinsay nagsulti kanimo nga hubo ka? Mikaon ka ba sa bunga sa kahoy nga gidili ko kanimo?” 12 Unya si Adan miingon, “Ang babaye nga gihatag mo kanako, maoy naghatag kanako sa bunga sa maong kahoy ug mikaon ako niini.” 13 Unya ang GINOONG Dios miingon sa babaye, “Nganong gibuhat mo man kini?” Ang babaye miingon, Giilad ako sa bitin, busa mikaon ako niini.”
Kini nasayran gikan sa kasinatian nga ang tawo, kansang mga sala wala mapasaylo nahasol ug nagpuyo nga walay pahulay ug kalinaw ang iyang kasingkasing, tungod ang iyang konsensya padayon nga nagbasol kaniya. Ang iyang mga hunahuna usab ug mga binuhatan naimpluwensihan pinaagi sa sikolohikal nga mga komplikado nga resulta sa iyang sala; aron ang iyang bug-os nga kinabuhi mahimong usa ka pagkalagiw gikan sa Dios, kay iyang nabati nga ang matarong ang Usa nga Balaan magahukom kaniya.
Ang Dios nakigsulti kanimo, nga nag-ingon, “Hain ka ba?” Hunong ug ipahayag ang imong kaugalingon! Diin ka nakaabot sa imong pagdagan? Mikalagiw ka ba gikan sa imong magbubuhat ug gitago ang imong kaugalingon gikan kaniya? Gilimbongan mo ba ang imong kaugalingon? Isugid ang imong mga sala ug ayaw pagbakak atubangan sa Usa nga Balaan, tungod nasayod Siya sa imong kinahiladmang pagbati ug nasabtan ang gigikanan sa imong mga hunahuna. Ablihi ang imong kasingkasing ngadto sa Ginoo ug isugid ang tanan nimong mga binuhatan! Itugyan ang imong kaugalingon sa mahangturon nga maghuhukom!
Gokondena sa pulong sa Dios ang imong mga bakak, bisan ang mga puti, ug kini magasunog kanimo sa kalayo sa kamatuoran. Ang matag bakak, pagpangawat, garbo, pagdumot, kakawangan, ingon man usab ang dili pagkadiosnon ug walay pagtuo makita sa kahayag sa pulong sa Dios. Ug ng pagkamatarong sa Usa ka Matarong magabisto sa imong mga tinago, bisan giunsa nimo kini pagsulay sa pagtago niini. Busa itambog ang imong kaugalingon sa abug ug isugid ang imong mga sala, ug ayaw pagbasola sa ubang tawo, sama sa gibuhat ni Adan, nga misupak ug giangkon nga ang babaye, nga gibuhat sa Dios ang hinungdan sa iyang pagkahulog. Gipadayag niini nga ang normal nga tawo rebelyoso ug talawan. Sa tinuod, ang matag tawo, nga dili mokumpisak atubangan sa Dios ug dili mosugot, nga “Ako usa ka makasasala”, usa ka talawan.
Sa samang paagi ang babaye dili mas maayo kay sa iyang bana. Siya misulay sa pagmatarong sa iyang kaugalingon gikan sa iyang sala pinaagi sa pagtapot niini sa bitin. Gikan niini nahimo nga dayag nga ang bakakon nga espiritu ni Satanas nagpuno kaniya sa pagkaagi nga giisip niya ang iyang sala ingon nga sala sa iyang bana. Wala niya nabati ang pangibug nga nagpabilin sa iyang kasingkasing, apan nangita sa usa ka pasangil gawas sa iyang kaugalingon, ingon nga ang garbo sa iyang kasingkasing natago ang kamatuoran gikan sa iyang panan-aw.
Sa tinuod, ang sala sa kinabuhi sa tawo usa ka butang nga dako ug masakit. Apan ang paglimud sa sala labi makalilisang ug labi ka hugaw. Mao nga isugid ang imong mga sala sa dayag atubangan sa Dios, ug siya maluoy kanimo. Apan ang mga salingkapaw igalangsang sa krus si Kristo pag-usab.
PAGSAG-ULO: Hain ka ba? (Genesis 3:9)
PAG-AMPO: O Amahan, Ako kini! Kinsa ang usa ka makasasala mikalagiw ako gikan kanimo sa daghang mga tuig ug karon ang imong pulong nagdakop uban kanako. Ayaw ko laglaga, apan luwasa ako gikan sa akong mga sala, tungod ang akong kasingkasing dautan. Hatagi akog bag-ong kasingkasing, limpyohi sa dugo ni Kristo ug pun-a sa imong Balaang Espiritu aron dili gyud ako mamakak, apan magpabilin sa kamatuoran kauban ang tanan nga naghi- nulsol sa Senegal, Gambia, Guinea-Bissau, Guinea, Sierra Leone ug Liberia.