Previous Genesis 05 -- Next Genesis 07
06 -- Nasayran ba nimo ang pamaagi ni Satanas?
GENESIS 3:1-3
1 Ang bitin mao ang labing limbongan kay sa tanang ubang mga mananap sa kamingawan nga gihimo sa Ginoong Dios. Busa miingon kini sa babaye, “Tinuod ba ang Dios nag-ingon, ‘Gidi-an ba diay kamo sa Dios pagkaon sa bunga sa tanang kahoy sa tanaman?” 2 Ang babaye mitubag sa bitin, “Makakaon kami sa mga bunga sa mga kahoy sa tanaman, 3 gawas sa kahoy nga anaa sa taliwala sa tanaman ang Dios nag-ingon, ‘Kamong duha kinahanglan dili mokaon niini, ni mohikap niini aron dili kamo mamatay.’”
Ang Dios nagpasidaan kanato sa mga limbong sa daotan pinaagi sa paghulagway kanato sa pagkahulog ni Adan ug Eva sa sala. Wala Niya gipatin-aw kanato kung giunsa nga nahimong dautan si Satanas, o nganong Iyang gitugutan siya sa pagdani sa mga tawo. Apan Siya nagpahayag kanato sa praktikal nga ang tanang pagtintal sa sala magsugod sa limbong ug sayup, kay si Satanas usa ka limbongan nga bakakon.
Dugay ang dalan sa pagbuhat sa sala. Kay sa wala pa maglapas sa sugo adunay usa ka hataas nga pakigbisug sa kasingkasing sa tawo uban kaniya nga magpalayo ug magpalayo sa Dios. Una si Satanas nagtanom og mga pagduhaduha bahin sa pulong sa Dios sa atong mga kasingkasing, pinaagi sa paghimo sa Iyang gugma alang kanato nga kadudahan. Ug usahay ang kalainan tali sa kamatuoran ug sa bakak nagsalig sa usa ra ka gamay nga pulong sama sa pulong nga “tinuod” sa pangutana: “Tinuod ba nga ang Dios nag-ingon”. Uban niini ang dayag nga kamatuoran nabali ngadto sa usa ka makalilisang nga pagduhaduha.
Ang babaye wala pa didto, sa dihang ang maayong Dios nagsugo sa iyang bana nga dili siya kinahanglan motabang uban sa dautan. Ug sa walay pagduhaduha gipatin-aw kaniya sa iyang bana ang kakuyaw nga naghulat kanila sa dili madugay. Posible nga dili igo ang pagpatin-aw kaniya sa dakong gugma sa Dios. Ug ang babaye walay gasa sa pag-ila taliwala sa mga espiritu sa parehas nga gidak-on ingon nga kini diha sa lalaki.
Ang iyang unang sayup ang pagsulod sa pakigsulti uban kang Satanas, imbes nga sa dayag nga pag-abog kaniya pinaagi sa pag-ingon: “Ikaw bakakon, sa tinuod imong gituis ang kamatu-oran. Kay ang mahigugmaong Dios nag-ingon kanamo nga mag-amping sa bisan unsang daotang hunahuna, bisan kon kini madanihon ug masilaw. Wala koy gusto bisan unsa gawas sa pagtuman sa Iyang maayong kabubut-on. Pahawa gikan kanako, Satanas!”
Si Satanas muduol kanimo nga nagtanum sa imong kasingkasing sa mga pagduhaduha bahin sa pagkaanan sa Dios, ug siya mag-uyog sa imong kasigurohan sa pagpasaylo. Ug siya nahimong muhung-hong kanimo: Usa ka ‘puti nga bakak’ dili gayud makita nga usa ka kalapasan sama sa pagpangawat o kahugawan, nga walay usa nga makakita.” Ayaw paminawa ang iyang bakak, hinuon tubaga siya uban sa kaisug: “Sa tinuod ang akong Dios buhi. Siya mao ang akong mahigugmaong Amahan, ug si Kristo nagpasaylo sa akong mga sala. Ang iyang Espiritu usab nagpuyo kanako bisan dili nako siya mabati.”
Ayaw tugoti si Satanas nga mutuis sa mga patukuranan sa imong pagtuo, tungod kay ang iyang labing taas nga katuyoan mao kanunay ang pagtay-og sa imong pagsalig sa gugma sa Dios ug sa iyang kaluwasan. Basaha adlaw-adlaw ang imong Balaang Bibliya ug pag-ampo aron imong madawat ang gahum ug kalam. Pagdumili sa tanang mga paghunghong ni Satanas gikan sa ilang pagsugod, ug patya sila uban sa espada sa Espi-ritu. Unya mabuntog mo siya, ingon nga si Kristo nagbuntog kaniya sa kamingawan. Tinuod, ang Dios buhi ug si Kristo nagpahigawas kanimo, ug ang iyang Spirit nagpabilin kanimo.
PAGSAG-ULO: Ug ang bitin labi ka limbongan kay sa tanang ubang mga kahayopan sa kamingawan. (Genesis 3:1)
PAG-AMPO: O Amahan, dili nato matugkad ang mga limbongon ni Satanas sa atong kaugalingon. Buhia pag-usab ang among mga tanlag pinaagi sa imong Balaang Espiritu ug limpyohi kami sa matag kasal-anan. Nagpasalamat kami nga ikaw kanunay nahigugma kanamo ug nga si Kristo nagtubos alang sa among mga kalapasan. Puna kami uban sa imong Balaang Espiritu aron dili kami makasala, kauban sa tanan nimong mga anak sa Ehipto, sa Sudan, sa Somalia, sa Eritrea ug sa Djibouti.