Mobile device - Print - Bottom

Previous Lesson -- Next Lesson

9. Saderek parantos terang ngeunaan wangsulna Kristus ka bumi?

---

Pribados Kristus hakekat diri-Na nyaeta asih, Anjeunna mikanyaah sadaya jalmi di dunia ieu, utamina jalmi anu hirup dina jiwa cinta-Na. Gusti Allah dina asihna parantos ngahampura saderek di lebet Kristus. Mantenna mikahoyong sadaya jalmi sasarengan sareng Mantenna salawasna dina kalanggengan.

Gusti Yesus tos masihan pangajaran sacara gambalang, sareng tos nganubuatkeun kasumpingan anu kadua, sami sareng Anjeunna nganubuatkeun pupusna sareng kebangkitan-Na. Unggal jalmi anu wicaksana tongtos nyiapkeun dirina pikeun nepungan Anjeunna anu kadua kalina kalayan kamulyaan anu hébat. Anjeunna bakal misahkeun jalma-jalma anu parantos nampi panebusan-Na ti jalma-jalma anu heuras- haté, anu sombong sareng henteu ngaku yén aranjeunna dosa sareng teu ngaraos peryogi panghampura dosa ti Kristus.

Saderek anu dipikacinta, enggal nampi Kristus, supados henteu murag kana pengadilan anu pangpungkasna. Gusti Yesus Kristus hiji-hijina Pribados anu tiasa nyalametkeun saderek sadayana tina murka anu pasti bakal nyorang.

Salaku jamaah anu satya sayogi urang seja ngantosan sumpingna Kristus anu kadua kalina. Perkawis ieu urang Yahudi sareng umat Muslim tos uninga yen Anjeunna pasti sumping deui. Sababaraha jalmi percanten percaya yén Kristus bakal maréntah dunya salila opat puluh taun, sababaraha ngira-ngira pamaréntahan-Na saratus taun. aya oge anu ngayakinan éta teh karajaan sarébu taun. Pangandika Gusti tos negeskeun yén Yésus téh Raja para raja jeung Panguasa sakuliah alam, jati diri Mantenna teu aya tungtungna, teu aya nu ngabetasan. Karajaanana langgeng. Anjeunna tur ngadawuh: “Kaula teh Raja. Tujuan Kaula medal sareng dongkap ka ieu dunya seja ngawurukkeun hal kaestuan. Jalmi anu dipimilik ku kaestuan tangtos daekeun ngupingkeun ka Kaula." (Yohanes 18 : 37)

Mobile device - Print - Top