Mobile device - Print - Bottom

Previous Lesson -- Next Lesson

9. ? NZU SA YԐ AN SI I KRIST I SIN SALԐ ASIԐN’N SU WAN’N I SU- ᴐ?

---

Krist bᴐbᴐ yԑ ᴐ ti klolԑ’n i bo’n nin-ᴐn. Ͻ klo sran’m be kwlaa, sanngԑ be nga be nanti i klolԑ’n nun bᴐ be klo sran bᴐ be yaci sa cԑ kԑ Nyanmiԑn yacili bé wun sa liԑ’n cԑli be krist nun’n sa’n, ᴐ klo be tra su. Ͻ klo kԑ e nin i e ‵tran titi i sᴐ’n ti i awlԑn’n ᴐ yrԑyrԑ i klun. Wafa kunngba nga Krist dun mmua boli i wulԑ’n nin i cԑnlԑ’n su i sin nan ᴐ’a ju’n, i kunngba’n nin-ᴐn, ᴐ boli i sin salԑ’n su. Sran kwlaa ng’ᴐ ti akunndanfuԑ’n, ᴐ siesie i wun kԑ ᴐ nin Krist be yia nun afin ᴐ si kԑ Krist ᴐ wa ba anyrunnyan dan kpa nun. Ͻ wa bu sran’m be nun, be nga be sᴐli i ti kpᴐlԑ’n nun nin be nga bé awlԑn’n ti kekleke bᴐ be tu bé wun afin be se bé wun kԑ be ti-man sa tԑ yofuԑ, i sᴐ’n ti be sa a mian-man Krist wun’n, ᴐ wa bu sran akpasua nnyᴐn sᴐ’m be nun.

Min janvuԑ kpa, kan ᴐ wun nan sᴐ Krist nun k’ᴐ yo nan ᴐ’a tᴐ-man jᴐlԑ dilԑ kasiԑn’n nun’n ti. I kunngba cԑ yԑ ᴐ kwla de wᴐ Nyanmiԑn i ya bᴐ wa ba’n, i nun-ᴐn.

Be kwlaa nga be lafi Zezi su nanwlԑ su’n, be nyin o Krist i sin salԑ’n i sin. Zuif mun o, nyanmiԑn flԑfuԑ mun o, be kwlaa be si kԑ ᴐ wa ba ekun yԑ ᴐ su cԑ-man kun. Sran wie’m be waan Krist ᴐ wa di famiԑn asiԑ’n su afuԑ ablanan. Wie’m be kusu be waan i sielԑ sᴐ’n ᴐ wa di afuԑ ya. Wie’m be kusu be waan afuԑ akpi. Sanngԑ nyanmiԑn ndԑ’n se e weiin kpa kԑ Zezi ti famiԑn’m be Famiԑn yԑ miԑn’m bé Miԑn, yԑ i sielԑ’n lԑ-man awieliԑ. I sielԑ’n ᴐ o lԑ titi. Ͻ seli kԑ: "N ti famiɛn. Nian sa ti bɔ be wu min’n, sa ti bɔ m bali mɛn’n nun’n yɛ: m bali kɛ n ´kan ndɛ ng’ɔ ti nanwlɛ’n kle sran mun. Sran kwlaa ng'ɔ si nanwlɛ’n, ɔ ti ndɛ nga n kan’n". (Zan 18: 37)

Mobile device - Print - Top