Waters of LifeBiblical Studies in Multiple Languages |
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula? -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Yiddish -- Yoruba
Previous Lesson -- Next Lesson YUUHANNA - Ndaygu ngun jalbi ka nder nibhe DAMAL 3 - Ndaygu ngun no jalbude ka kurunwol sahaabaaSAHAABAAɓe ɓen (Yuuhanna 11:55 - 17:26)
C - Fii waynodiro waɗungo ngon ka suudu dow-dowru (Yuuhanna 14:1-31)
2. Fii ko Laaɓuɓe tatooɓe e nder gooto on tippotoo kon e hoore gomɗinɓe ɓen rewrude e Ballo on (Yuuhanna 14:12–25)YUUHANNA 14:12 Gandal Alla ngal hinaa gandal faamu maa miijo feewungo. Gandal kala ɲuufinay mawnintinaare men nden, kono ko gandal fii giggol Alla ngol e kisiyee Ɓiɗɗo makko on. Kangal ko landiingal hettaare e nder kurkanagol. Almasiihu on yamiri taalibaaɓe makko ɓen yamiroore heyre: «Huutoree giggol iwungol ngol ka Alla e nder ko huuwoton e ko waɗoton kon e nder juulugol.» Taalibaaɓe ɓen landii Iisaa yo o hiwu ɓe o okkora ɓe gandal Alla luggungal fewndo ko ɓe faami wonde o sertay woni e maɓɓe. Kono Almasiihu on tabitintini ɓe e Baabaajo on no ɓe feɲɲinirana aduna on kibaaru Moƴƴo on. Ko hittunoo kon hinaa ko o hiwata ɓe kon seeɗa, kono ko eɓɓindingol ɓe fii golle Alla ɗen. Andugol Ɓiɗɗo on e Baabaajo on njattinay en gaɲaneendi adda en no kurkoriren yankinaare. Iisaa wi’i: «On mo halfinike e an, huuway, o yaarataa nii tun, kono o jokkay laawol sadakawol ngol. Ka gomɗinɗo on hayfinta ɗon hoore makko o mawnina fii Almasiihu on, Immintinaaɗo on huuway e makko, yeɗa mo baraaji ɗin. Rewrude e sugu ngal gomɗinal e ɓawto Ruuhu on tippineede, Sahaabaaɓe ɓen waawuno sellingol ɓe yaafoo junuubaaji ɗin hay wurnitugol mayɓe ɓen e innde Iisaa nden. Ɓe hayfini hoore maɓɓe, Almasiihu on wuuri e maɓɓe. Hiɓe yiɗirnoo mo yeru maɓɓe on fow, hiɓe mawnina mo e nder kuuɗe maɓɓe ɗen. Takko ɗen golle laaɓuɗe, Iisaa immino ɓe fii timmingol golleeji ɗi waawano ɗin timminde fewndo ko o wonunoo ka hoore leydi ko raɓɓiɗi. Ɓawto o ƴentineede, o immini Ruuhu-Seniiɗo on, heewuɓe hendii ngurndan kesan ɗan rewrude e waaju maɓɓe ngun. Haa-hande ɓeynguure Alla nden no ɓurta tun yaajude. Huunde labaaka ɓuri seeditoore nde seeditaniɗen nden Almasiihu fempaaɗo on e immintinaaɗo on. E nder ko hoolotoɗen kon nden seeditoore, yimɓe ɓen hendoto ngurndan poomayankejan ɗan. Ruuhu-Seniiɗo on tippoto e hoore ɓen humiiɓe e Almasiihu on, o watta ɓe fayɓe Alla fii no ɓe mawninira Ben maɓɓe fannii hiɓe wuuriri no feewiri. YUUHANNA 14:13-14 Hara hiɗon toroo Alla? Yeru ko torotoɗon kon ko torndeeji jelu fewti andeeji mon ɗin e junuubaaji mon ɗin? Ko saa’iiji jelu wonoton e mantugol Alla kurkanoɗon ɓeya? Hara ko on aɲanɓe e nder torndeeji mon ɗin kaa hiɗon heewi giggol fii Alla e fii majjuɓe ɓen? Giggol Alla ngol waylii torndeeji mon ɗin? Hara on wonii e barkingol ayɓe mon ɓen? Hara kisiyee Almasiihu on wattii on faabotooɓe heewuɓe e innde makko? Hara torndeeji mon ɗin no yaadi e ‘tornde Joomiraaɗo on nden’? Kaa hiɗon jokki aɲugol woɓɓe goo wano wi’uɗo on hiɗen yaafanaade ɓeya ellaaji maɓɓe ɗin? Si tawii hiɗon toraade e innde Almasiihu on nden, on wuuray on miijoray wano Ruuhu makko on, no o faaliraa non, ɓernde mon nden hebbinte miijooji wonduɗi e yurmeende. Almasiihu on no fodi fodaari moɓɓidirndi doole ɗen e baraaji ɗin ka kammu. Himo humi ndin fodaari e huunde wootere: «Si tawii on udditanii ɓernde mon nden konguɗi an ɗin, onsay ɗi wattitay on, mi tiiɗoya mi mawna e mon, mi hisinoya ɗuuɗuɓe e ko boni kon rewrude e ko ɓe gomɗinta mi kon e ko ɓe torotoo kon. Si tawii hiɗon toraade e tindinoore Ruuhu Seniiɗo on, hiɗon gomɗinin mi, mi jaabinanay on ontuma.» Musiɗɗo, miijito e nder anditugol fii saabiwal ngal Iisaa waɗi ngal e juuɗe mon. Yaltinee keyeeji wonɗi ɗin ka kammu rewrude e toraare nden. «Mi cippoyto ka kawtalɓe mon ɓen e ka yiɓɓe mon ɓen wondude e baraaji e kisiyee e gandal e tuubuubuyee e ballal an ngal. Toree waɗon ɗun ko jokkodiri e nder yankinaare no o suɓora jiyaaɓe ka leydi mon o watta ɓen fayɓe Alla. Hita on ronku e nder toraare nden; ko gomɗinal mon ngal Alla huutorta fii hisingol heewuɓe. Hoolee jaabawol ngol weltanoɗon mo adii o jaabinande on. Lande musiɓɓe mon ɓen yo ɓe tawtu on e nder ko torotoɗon kon rewrude e gomɗinal ngal. Hita on ronku e nder mantooje ɗen e sujjugol ngol. Yo Alla juuru e mon Ruuhu wallitotooɗo on e nder tornde nden! Si on andii wonde Iisaa alaa e jaabinande on ko torotoɗon kon, tuubee qirritoɗon junuubu mon on, lancee piiji heedindinɗi ɗin ka nder toraareeji mon no o laɓɓinira on. O yeɗay on pellital no cippiniron kammu ngun ka hoore leydi no heewiri. Nde hiɗon naatana toraare rewrude e gomɗinal ngal e nde hiɗon seeditoo, haray on mawninay woni Baabaajo on e Ɓiɗɗo on e Ruuhu Seniiɗo on. TORAARE: Iisaa Joomiraaɗo, yeɗu men Ruuhu wallitotooɗo on e nder toraare nden, kulol hita men miijito tun fii amen men yejjita yimɓe hedditiiɓe ɓen. Waɗu men yimɓe torotooɓe no men addira kisiyee on ka mawɓe amen ɓen e ka yiɓɓe amen ɓen. Meɗen mantude ma; a udditanii men kammu ngun fii no juuriranaa men dokke maa ɗen e moƴƴereeji maa yaajuɗi ɗin. Yo innde Baabaajo on mawnine rewrude e ko fayɓe heewuɓe jibintee kon ka baŋŋe ruuhu. Yo innde maa nden laɓɓine rewrude e jikku amen on e nder laaɓal e bawgal ko Ruuhu on okkata kon. LANDAL:
|