Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic -- Armenian -- Azeri -- Bulgarian -- Chinese -- English -- French -- GEORGIAN -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul -- Polish -- Russian -- Somali -- Spanish? -- Telugu -- Uzbek -- Yiddish -- Yoruba
Previous Lesson -- Next Lesson მათეიესო - მოინანიეთ, ვინაიდან მოახლოებულია ცათა სამეფო
მათეიესო ქრისტეს მათეს სახარების განხილვა
ნაწილი 2 - ქრისტეს სწავლება და მსახურება გალილეაში (მათეიესო 5:1 - 18:35)
A - მთაზე ქადაგება ზეციური სამეფოს კონსტიტუცია (მათეიესო 5:1 - 7:27) -- იესოს გარშემო პირველი შეკრება
b) მთაზე ქადაგების მიზანი: ღვთის მცნებების შესრულება (მათეიესო 5:13-16)მათეიესო 5:13 მარილის გარეშე საჭმელს გემო არ აქვს. ასევეა ქვეყნიერებაც, ქრისტეში აქტიური მორწმუნეების სიყვარულს მოკლებული. როგორც მარილი ინახავს საჭმელს დალპობისაგან, ასევე ქრისტეს უწყება არ აძლევს ქვეყნიერებას საშუალებას, ჩაიძიროს ბოროტებაში. როგორც მარილი ავსებს ზოგიერთი ნივთიერებების დაკარგვას ორგანიზმში, ასევე წარმოქმნის სახარება ახალ სიცოცხლეს მათში, ვინც ცოდვისთვის მკვდარია. მორწმუნეების ცხოვრება სახარებით უნდა იყოს შეზავებული. სახარებისეული სწავლება არის ,,მარილი“ - ის აღწევს შიგნით, აცოცხლებს და აძლევს ძალას. გულამდე ჩადის და წმენდს ჩვენს ცხოვრებას. აძლევს მას გემოს და ინახავს დალპობისგან. მარილი ასევე მსხვერპლის მოსატანად იყო საჭირო (ლევიანები 2:13) და მისტიურ ეზეკიელის ტაძარში (ეზეკიელი 43:24) ქრისტეს მოწაფეები, მარილის მსგავსად იყვნენ, რადგან გაითავისეს სახარების სწავლა და მიიღეს ძალა ესწავლებინათ ის სხვებისთვისაც. აზრები და გრძნობები, სიტყვები და საქციელები - უნდა იყოს შეზავებული მადლით (კოლასელთა 4:6). ასეთები უნდა იყვნენ მორწმუნეები საკუთარი თავებისთვის. მაგრამ სხვებისთვის? არა მხოლოდ კეთილები, არამედ სიკეთის მკეთებელნი და ხალხზე ზემომქმედნი. არ უნდა ემსახურებოდნენ თავიანთ მიწიერ ინტერესებს, არამედ უნდა გარდაქმნან სხვების ცხოვრება და სახარების გემო მიანიჭონ მათ. კაცობრიობამ თავის უხამსობასა და სიბოროტეში უკვე დაკარგა გემო და დალპობა იწყო, მაგრამ ქრისტემ გამოგზავნა თავისი მოწაფეები და მათ თავიანთი ცხოვრებითა და დამოწმებებით უნდა შეეზავებინათ ქვეყნიერება ღმერთის შეცნობითა და მადლით, რათა ის ღმერთისთვის, ანგელოზებისთვის და ყველასთვის მოსაწონი ყოფილიყო, ვინც ილტვის უზენაესი სულისკენ. შენ უნდა მისცე სხვებს გემო, მაგრამ თუ ამასთანავე თავად უგემური ხარ და მოწყვეტილი ხარ სულიერ ცხოვრებასა და მადლს, შენი საქმე ცუდათ არის და უბედურ მდგომარეობაში ხარ. ,,როგორ გახდი მას მარილიან?“ მარილი - ეს არის საშუალება უგემური საჭმლისთვის, ხოლო უგემური მარილისთვის არ არსებობს არანაირი საშუალება. ქრისტე ადამიანს აძლევს ამ გემოს და თუკი ადამიანმა აღიარა რა ქრისტე, რჩება სულელი და მომჭკნარი, ვერცერთი სხვა სწავლება და საშუალება ვერ დაეხმარება. თუკი მარილი კარგავს ძალას, ის არაფრით არ ვარგა. რა სარგებელია მისგან? ის მხოლოდ მავნებელია. რაც ადამიანი გონების გარეშე - ისაა ქრისტიანი მარილის გარეშე. ის განიცდის მარცხს და იქნება ,,გარედ გაგდებული“ - ეკლესიიდან და ერთგულების საკრებულოდან განდევნილი, რომელიც მათთვის მხოლოდ თავის ტკივილი იქნება. ქრისტე მოგიწოდებს მონაწილეობა მიიღო ახალი სამყაროს შენებაში და დაიცვა იგი ნგრევებისგან. ნუ მოტყუვდები, რომ შეგიძლია შენი მცდელობებით შეცვალო ადამიანები დედამიწაზე, ვინაიდან ვინც ენდობა ადამიანის მოქმედებებს, ის კარგავს თავის მოწოდებას, ამბობს უსარგებლო სიტყვებს და იქცევა ასევე. საბოლოო ჯამში კი ადამიანებისთვის დასაცინი ხდება. არ უკუაგდო სახარების უწყება, რადგან მხოლოდ ის გაძლევს შესაძლებლობას იყო ქვეყნის მარილი. სხვა შემთხვევაში ადამიანები უკუგაგდებენ შენს სიყვარულში თვალთმაქცობის გამო. კითხვა:
|