Mobile device - Print - Bottom

Previous Tract -- Next Tract

TRAITÉ 02 -- E, Matigi Ala, makari ne ra, sabu ne ye jurumuntɔ le ye!

---

K’a sɔrɔ a tun bɛ tagara bɔ Somɔgɔ dɔw fɛ, a ka Kara mɔgɔ fientɔ dɔ ye, min tun bɛ kibaro diman layirikura sira dɔw karan n’a, bolo kɔni ye sɛbɛri kan (brayila) fiyentɔw ta kalan kɛ cogo ra. A lamɛn bagaw tun kabako ya ni lo, k’a masɔrɔ karan tun ka nɔgɔ a ma. O ɲaw tun bɛ a bolo kɔniw tɛmɛ cogo filɛra Sɛbɛri kan ani ka a ta kuma kɛcogo ɲuman lamɛn. O karamɔgɔ min tun tɛ yelikɛra a ka yɔrɔ min ta k’a karan, o bɛ don Mɔgɔ dusukun na kɔsɛbɛ. A ka o karan kɛ o ta dugu Ala bato so ba le kɔnɔ.

Ako : ʻʻ Mɔgɔ fla le tun tagara Alabatoso kɔnɔ ka taga Aladaari, kelen tun ye Farisi ye, tɔ kelen tun ye ninsaraminabagaye . Farisi cɛ lɔra ka Ala daari a yɛrɛ kɔnɔ, ko : ‹Ala, ne bɛ baraka la i ye sabu ne tɛ i n’a fɔ mɔgɔ tɔw, minw ye sow ye, ani kojugukɛbagaw, ani jɛnɛyakɛbagaw ; ne tɛ i n’a fɔ nin nisaraminabga fana. Lɔgɔkun o lɔgɔkun, ne bɛ tere fia sun. Ne fana bɛ fɛn o fɛn sɔrɔ, ne bɛ o bɛɛ yagabɔ.› Nka ninsaraminabaga lɔra yɔrɔjan, hali a ma sɔn ka a ɲa kɔrɔta san fɛ ; a ka kɛ a disi gbasi gbasi ye k’a fɔ ko: ‹E, Ala, makari ne ra, sabu ne ye jurumotɔ le ye. ʼʼ (Luka 18 : 10-13)

Karamɔgɔ ka kitabu karan la lo, ka kuma ɲasin a lamɛnbagaw ma, minw tun bɛ o yɔrɔla Alabatosokɔnɔ. a ko : ʻʻ an ye an yɛrɛw ɲininka : ne ye jɔn le ye ? yala ne bɛ i n’a fɔ cɛ min tun b’a fɔra a yɛrɛ kɔnɔ ko ale ye mɔgɔ saninman le ye. walama i n’a fɔ ninsaraminabaga min ninmisara a ta jurumun na, o tun bɛ a le min jatera i ko sonw ? yala mɔgɔ mintun bɛ a yɛrɛ jatera saninman ye o ɲɔgɔn na le ma kɛ i ko an ta jamanaw wa, n’a b’a fɔ ko : a le ma jɛnɛya kɛ, a le ma sonw ɲari kɛ, a le ma terenbariya kɛ mɔgɔ sira, Nka a le k’a ta dina sira sariyaw sira tagama ka dafa, ale ka sun don siɲɛga fla lɔgɔkun lɔgɔkun , ale ka yagabɔ, ale ka dɛsɛbagatɔw dɛmɛ? ʼʼ

Mankan si tun tɛ bɔra, bɛɛ tu makun ni tun lo ka lamɛnik ɛ. Cɛkɔrɔba dɔ ka kuma ta ko: ʻʻ Ala ye tando ni cɛ bɛ se ka gbɛrɛ Matigi ra ni jusukun gbɛni ye, tuma o tuma n’a b’a fɛ, walisa ka Aladaari ni sɛbɛ ye, ka Fangantaw ani dɛsɛbagatɔw dɛmɛ. Nka lanabaga min b’a a yɛrɛ boɲa ka yɛrɛ fɔ a ta kɛwali ŋumaw kosɔn, sani a ye Ala tadon a ta koɲuman dafaniw kosɔn. terenniya min tɛ Ala koɲuman lon o ye yɛrɛ boɲa le ye. ʼʼ

Cɛkɔrɔba ta kuma jaabiri diyara karamɔgɔ fiyentɔ ye, a ka ciɲɛ di a ma. A ka min fɔ kafara o kan ; yɛrɛ boɲanaw minw bɛ o yɛrɛ ta terenniya fɔ, o bɛ o yɛrɛ jusukun ani o nin gblɛya. O tɛ Ala ta ciɲɛ lon, o tɛ son o yɛrɛ kɛcogo ma, hali ni o bɛ se ka Ala ta kuma siraw bɛɛ lon o kun na. A yirala ko tuma o tuma ni diina sira tagama ma kɛ ni Ala ɲasiran ni kanuya ye, o ye wiya le ye. Minw bɛ Aladaari ka o yɛrɛ fɔ, olugu le bɛkɛ yɛrɛ boɲanaw ye. O ka kan ka o yɛrɛw ɲinika ko: ne ta Aladaari ɲasinibɛ jon ne ma, Ala ma wala ne yɛrɛ ma ? yala ne bɛ miiri Matgi ma k’a tando, wala ne bɛ ne yɛrɛ ta hɛra kow le tando ?

kanbelen dɔ ka fiyentɔ cɛ ɲininka ko: ʻʻ mun kosɔn an bɛ Ala daari ? yala nafa bɛ Ala daari la wa ? jon ne bɛ an ta daari kow lamɛn ? ʼʼ fiyentɔ k’a jaabi ni nɔgɔya ye ko: ʻʻ mɔgɔ min bɛ yelikɛ ka ɲa, yala a bɛ se ka yelikɛ ka tɛmɛ dugukolo dan kan, wala tere biyɔrɔ kan wa ? hali ni an tɛ o yɔrɔw ye , an lara a ra ko o yɔrɔw bey, ko dugukolo fana korininlo. A bɛ o cogora ni an bɛ ci bla telefɔni na ka bɔ kɛri ka taga pari, wala ka bɔ kasanblanka ka taga tokiyo. An lara a ra ko an bɛ mɔgɔ min welera an bɛ o tigi le kumakan la mɛ na, hali ni an ɲa tɛ otigira. Ayiwa lanabga kakan ka la a ra ko Sebagaya bɛɛ tgi bɛ a ta daari kow lamɛn na, k’a ta weleli jaabi ani a ta fori, o min bɛ bɔ jusukun majiginin na kanuya bɛ min na. ʼʼʼ

Karamɔgɔ tagara ɲa n’a ta miiri ya ye. A kouma na ninsaraminabaga ta Ala daari cogo ra a ko: ʻʻ Ala sababu le ra ninsaraminabaga ka kɔdon a ta jurumun na ka jurumu kafari ɲini, k’a ɲasin Ala ma. O cɛ ka hakiri min sɔrɔ a tugura o kɔ, ka a ta Ala daari ɲasin hinatigi ma. A ta Ala daari bɛ a yira ko : a tun lara a ra ko fanga bɛ Ala fɛ ko Sebagayatigi lo, sabu a k’a wele ko ʻʻ Ala ʼʼ,a ka lon ko Ala ye kelen ye a ta Sebagaya ra, a ta kuma ra, ani a ta Nin na. Ninsaraminabaga min nimisara a ta jurumu na, asɔmina makariba tigi ta saninyari ma, a tun lara Ala ta hina ra, a tun bɛ siran na ayɛrɛ ta jurumun hakɛ kiti ŋa. A tun ma lon a bɛ na min kɛ ni fɛn fla ni ŋɔgɔn ciyɛ, Ala ta ŋumaya ani a ta terenniya. A tun bɛ siran na a ka na jaraki ka taga jahanama tasuma kɔnɔ, Matigi ta terenniya kosɔn, nka o wagati kelen na lanaya fɛ a k’a jigi sɛmɛ Ala saninman ta hina kan. A tun lara ra ko Ala ta ɲumaya ka bon ka tɛmɛ a ta kiti kan, ko Sebagaya ba tigi ta kanuya kosɔn a k’a ta jurumuw kafari. O cogo ra a bɛ se ka kititigɛra hina tigi bolo mina ka yafamadaari kɛ a fɛ ; o le kosɔn a pɛrɛna k’a fɔ ko : ʻʻE, Matgi Ala, makari ne ra, sabu ne ye jurumutɔ le ye ! ʼʼ

Fiyentɔ cɛ ka ninminsari kɔrɔ fɔ, k’a sɔrɔ ka ni kuma fara a kan : « sonw cɛ ninminsara k’a lon ko a le ye jurumu kɛ, o dɔrɔn tɛ ko a le kɛra saninyabari ani terenbari ye, Ala bana mɔgɔ min na. Saninman Ala ɲakɔrɔ a ka a yɛrɛ kɛ cogo ye , fɛn ɲuman si tun tɛ a le ra, a tun kɛra jurumutɔ ba le ye.

Karamɔ cɛ tagra ɲa ko: ʻʻ mɔgɔ caman bɛ o yɛrɛw nɛgɛ o kɛ cogow ra, o b’a miiri olugu ka boɲa sɔrɔ, ko o terenni lo. Nka mɔgɔ min bɛ lɔ Ala ta yeelen na, o tigi b’a ye yɔrɔnin kelen ko mɔgɔ si terenin tɛ fɔɔ Matigi Ala kelenpe ! dugawu ka kɛ ninsaramina baga ye sabu a ka hakiri sɔrɔ ; a ka a yɛrɛ kɛ cogo kɔrɔ lon, a kɔsegira dabaga Ala ma, k’a ta hina daari, a ninminsara a ta nanbarakow ra, a ka Ala ta makari ani a ta hina sɔrɔ. Matigi tɛ ban mɔgɔ ra, mɔgɔ min bɛ ninmisa a ta jurumu na, a b’a fɛ ko a jusukun ye yɛlɛma, a jogo ye kɛ kura ye, a miiriya ye saninya. Matigi bɛna a ta kunmabɔri di a ma, ka jurumu kafari di a ma, ani a ta tereninya a ka min labɛn ninmisari bagaw ye ʼʼ

Karamɔgɔ cɛ ka ɲinikari kɛ a lamɛn bagaw fɛ: ʻʻ yala aw b’a fɛ ka kirisita Marimu dencɛ ta kuma laban lon wa ? cɛ min tun bɛ miiri ko a le saninman lo ani sonw cɛ min ninmisara a ta jurumu na, olugu ta kora ? ʼʼ a ka injiil, Ala ta kitabu kibaro diman da yɛrɛ , a k’a boro kɔni la la sɛbɛri klow kan, ka to ka kirisita ta kumaw karan:

ʻʻ Ne b’a fɔ aw ye ko Ala ka o ninsaraminabaga ta jurumuw yafa a ma ; a sekɔra ka taga sokɔnɔ. Nka Farisicɛ ta jurumuw ma yafa.sabu mɔgɔ o mɔgɔ bɛ a yɛrɛ kɔrɔta, Ala bɛ o tigi majigi, nka mɔgɔ o mɔgɔ bɛ a yɛrɛ majigi, Ala bɛ o kɔrɔ ta. ʼʼ (Luka18 : 14)

Kalankɛla kanulen,
aw ka aw jusukun lamɛn. yala aw lawasara aw ta saninyari la wa ? aw jusu wasara aw ta baara ɲuman kɛtaw ra wa, aw ninsonkadi aw jogo ɲuman koson ? wala aw majiginilo Ala saninman ɲakɔrɔ, wala maloya bɛ aw ra aw ta ko kɛtaw koson aw ka min kɛ aw ta ɲanamaya ra ? can na aw ka lara ko mɔgɔ o mɔgɔ bɛ a yɛrɛ boɲa, ka yɛrɛ jate mɔgɔba ye o bɛna ben. Nka mɔgɔ o mɔgɔ bɛ ninminsa a ta kojugu la, ka kɔdon a ta jurumu na, ka a ɲasin Ala ma, ka jurumu yafa daari, o tigi bɛna jurumu kafari sɔrɔ, ani a Matigi ta tereninya, ani a ta makariba.

Ninminsari ta yafamadaari
An ka cira dawuda ta ninminsari yafamadaari kɛ ɲɔngɔn fɛ, a le min sɔn na k’a ta jurumu kofɔ Matigi ye, wagati min na Matigi k’a jaraki a ta kɛwali jugu maloyakow kosɔn ; a jɛnikɔ ni mouso dɔ ye, kaban ka ci bla ka o mouso cɛ faga.

ʻʻE, Ala, makari ne ra i ta ɲumanya kosɔn ; a kɛ i ta hinaba kosɔn , i ye ne ta hakɛw josi ka bɔ yi. Ne ko, ka ne bɔ ne ta terenbariyaw bɛɛ ra peuw ; ne saninya ka bɔ ne ta jurumu na. Sabu ne yɛrɛ k’a lɔn ko ne ka i ha kɛ ta ; ne ta jurumunw bɛ ne ɲakɔrɔ tuma bɛɛ. ne ka jurumu kɛ ka ele kelen le hakɛ ta ; i bɛ fɛn min jate kojugu ye, ne ka o le kɛ. O kosɔ ni i ka min o min latigɛ ne kama, o bɛnnin lo, ni i ka kiti min ben ne kan, mɔgɔ si tɛna se ka i jaraki o ra. Can lo, ne worora ni terenbariya le ye, ne bamuso ka ne jurumuntɔ le kɔnɔ ta. Nka ele b’a fɛ can le ye kɛ adamaden jusukun na ; o ra, hakiritigiya don fɔ ne jusukun kɔnɔ. ne saninya ni izope ye, ni o kɛra, ne bɛna gbɛ pepepe. A to ne jusu ye diya, k’a to ne ye ninsɔndiya tun ; ni o kɛra, i tun ka ne min farikolo bɛɛ karikari, ne belen bɛna ɲagari tun. ɲa yɛlɛma ka bɔ ne ta jurumu na, i ye ne ta terenbariyakow bɛɛ jɔsi ka bɔ yi. E, Ala, jusu saninyanin dɔ dan ka o don ne kɔnɔ. hakiriɲuman labɛn ka o don ne kɔnɔ. i kana ne gbɛn ka bɔ i yɛrɛ ɲakɔrɔ, i kana i ta nin saninman bɔ ne jusukun na. Ne kisi, ka o kisiri ɲagari don ne jusukun na, ka hakiriɲuman di ne ma, ka baraka don ne ra. Ni o kɛra, ne bɛna i hakɛtabagaw karan i ta siraw ra ; jurumunkɛbagaw bɛna sekɔ ka na i fɛ. E, Ala, ne ta kisiri tigi Ala, ne ka mɔgɔ min faga o fagari hakɛ bɔ ne kunna ; ni o kɛra, ne da bɛna pɛrɛn ni kanba ye ka i ta terenniya ko lakari. E, Matigi, ne dagbolow labla, janko ne da ye i tandon. I tɛ saraka fɛ, ni o tɛ, ne tun bɛna dɔ bɔ i ye ; Nka i tɛ sɔn saraka jɛnitaw ma. Saraka min ka di Ala ye, o ye adamaden nimisabagatɔ le ye, kojugu niminsa bɛ mɔgɔ min jusukun na, fɔ k’a jusu kasi Ala, i tɛ ban o tigira. ʼʼ (zaburuw 51 : 1-17)

Aw ye Ala ta kuma karan

Ni aw b’a fɛ ka dɔfara aw ta lɔninya kan, Ala ta saninmaya ko ra, ani a ta kanuya min fanibɛ nɛɛma ra, sɛbɛ ci anw ma, an bɛna kirisita ta injili kitabu kibaro diman a n’a kɔrɔw, ani Aladaari sɛbɛw, ci aw ma gban san.

Aw ye kisiri kibaro diman taran taran ni aw sigiɲɔgɔnw ye

Ni nin sɛbɛ diyara aw ye, a kuma don na aw jusukun na, ni aw b’a fɛ ka o sɛbɛ dɔ tran taran ni aw tɛriw ye, anw bɛna ninsɔndiya ka o sɛbɛ dɔ ci aw ma. Ni aw bɛ lɛtrɛ ci an ma, aw kana ɲina ka aw tɔgɔ ani aw ta adrɛci sɛbɛ , ka sɛbɛ ka ɲa, walisa a ye se ka karan.

WATERS OF LIFE
P.O. BOX 60 05 13
70305 STUTTGART
GERMANY

Internet: www.waters-of-life.net
Internet: www.waters-of-life.org
e-mail: info@waters-of-life.net

Mobile device - Print - Top