Mobile device - Print - Bottom

Previous Lesson -- Next Lesson

12. Ͻ cԑ kan e Defuԑ’n ᴐ wa ba!

---

Kԑ e ‵fa e wun ‵mantan Nyanmiԑn bᴐ e ‵wun i klolԑ’n i wlԑ’n, e wun i kԑ e lԑ-man kwlalԑ sa kpanngban su nan e nguan’n ti’a like fi. Kԑ e se sᴐ’n, ᴐ kle-man kԑ blԑ kasiԑn’n nun Nyanmiԑn su bu-man sa sᴐ’m be like fi. Kԑ bᴐ e lԑ-man kwlalԑ sa kpanngban su bᴐ e fᴐn’n ti’n, ᴐ fata kԑ e nin Nyanmiԑn e koko yalԑ tra su yԑ e fa e wla’n kwlaa guԑ i su kpa lele man ᴐ kaci e nzuԑn’n kpa. Wawԑ saun’n ᴐ wa kle e ndԑ nga’m be bo’n,

Siԑn’n, e su minndԑ e Min Zezi-Krist b’ᴐ wa ba asiԑ’n su wa ekun’n, bᴐ i balԑ sᴐ’n nun yԑ ᴐ wa yi i ti delԑ’n i tԑtrԑ b’ᴐ ti’n i nglo’n. I anyrunnyan b’ᴐ wa yi i nglo i balԑ sᴐ’n nun’n, i su yԑ e sunnzunlԑ’n kwlaa taka-ᴐ. Kristfuԑ kwlaa nga ᴐ’a tin Wawԑ nun’n, ᴐ minndԑ e Min’n i balԑ sᴐ’n.

Cԑn kun ngbabua ye siesiefuԑ kun ti i junman diwlԑ lԑ ᴐ su kpa ngbabua’m be nun. E Min i nian kun sinnin lԑ nan ᴐ’a usԑ i kԑ: "? Ͻ wun ti kpa? ? Nzu yԑ a su yo-ᴐ? " Ngbabua nun bobofuԑ’n tԑli i su kԑ: " N su minndԑ Krist i balԑ nnyᴐn su’n yԑ kԑ n minndԑ i’n, wuun n siesie ngbabua’m be ye". Ͻ’a se-man kԑ k’ᴐ di i junman’n wuun ᴐ minndԑ e Min Zezi i balԑ’n. Kristfuԑ mun bé konvi o su kԑ bé Defuԑ’n ᴐ bla ndԑndԑ. I sᴐ sunnzunlԑ liԑ’n i yԑ ᴐ’a kaci bé nguan’n nun sa cinnjin-ᴐn.

Kԑ Zezi ᴐ wa ba i anyrunnyan’n nun’n, ᴐ wa yi i nguan b’ᴐ wie-man’n i kwlaa nglo. Anannganman nguan sᴐ’n ᴐ’a dun mmua a bo i bo i sᴐnnzᴐnfuԑ’m bé nguan’n nun blԑ bᴐ be lafili i su’n. E ti delԑ’n ᴐ fali e wlԑli e Min Zezi-Krist i nguan’n nun, ᴐ man e su wu-man sanngԑ e ′tran nguan’n nun. E su lafilԑ’n ᴐ fa-man e kᴐ-man lika tuun nun annzԑ blԑ b’ᴐ yo sro’n i wun b’ᴐ man e wun wusu ye-ᴐ. E si jrԑiin kԑ blԑ kun wa ′ju bᴐ kristfuԑ nga be wuli’n be wa ′cԑn ᴐ nin Nyanmiԑn i nguan’n. Krist i klolԑ ng’ᴐ o e awlԑn’m bé nun’n, ᴐ su wie-man le. Ti delԑ nga e Min’n fa mannin ye’n, ᴐ ti-man blԑ kun nun liԑ sanngԑ ᴐ ti anannganman. Nyanmiԑn i tinmin’n ᴐ yili i wun nglo e nun yԑ ᴐ kwlali sa tԑ’n nin wie’n, nin lakalԑ’n.

Kԑ Zezi ᴐ wa ba ekun’n, e wunnԑn mun bᴐ be wu’n, be wa kaci yԑ e ′wla e Min’n i anyrunnyan’n kԑ tralԑ sa ninnge nga e lԑ’a kwlalԑ bé su’n bé su, afin e kaci sran uflԑ yԑ e yo sԑsԑ i nun. Aklunnjuԑ’n nun yԑ Krist i sᴐnnzᴐnfuԑ mun be wa kan bo nun i nun-ᴐn. Like dilԑ, nzan nᴐnlԑ annzԑ bla jalԑ, nán be su yԑ e sunnzunlԑ’n taka-ᴐ. E su minndԑ kԑ e wun Nyanmiԑn nin e nyin mma mun yԑ e nin i e tran mandimaan. I aunnvuԑ silԑ’n nun’n, e wa wun be bᴐ be kwlali’n bé nun kpanngban blԑ nga ᴐ wa yi like uflԑ ng’ᴐ yoli’n i nglo’n.

Be kwlaa nga be kali bé wun tulԑ’n nun bᴐ b’a sᴐ-man Zezi nun ᴐ nin ti delԑ ng’ᴐ siesie sieli be’n i nun’n, be wa kplin be kplo bo yԑ be wa tu tᴐ nyrԑnnԑn’n ti. Bé sa tԑ mun be wa fite su yԑ be wa sua bé fᴐ bulԑ’n. E ti’a kpa e tra-man be. Sanngԑ Nyanmiԑn i jᴐlԑ dilԑ’n i nuan yiali e nguan’n nun blԑ bᴐ e dili e sa tԑ’m be nanwlԑ bᴐ e sᴐli e min Zezi i wulԑ’n nun’n, afin ᴐ jrannin e ajalԑ nun yԑ ᴐ wuli-ᴐ. Ͻ suali mԑn’n i sa tԑ’n kwlaa yԑ e fᴐ bulԑ’n kwlaa tᴐli i su. I sᴐ’n ti Nyanmiԑn a bu e sran kpa yԑ y’a nyan e ti jᴐlԑ dilԑ kasiԑn’n i sa nun ye b’ᴐ yoli e’n ti. Zezi i sᴐnnzᴐnfuԑ kpa’n i wun sa liԑ’n ᴐ’a wie.

Blԑ kasiԑn’n nun’n, e wa wun sran kpanngban kpa bᴐ be wa wunnge e Min i wun lᴐ nin jue tolԑ yԑ be lԑ i ase bé ti kpᴐlԑ junman ng’ᴐ dili waka nda’n su’n ti. Be ′mԑnmԑn i Wawԑ saun b’ᴐ fa mannin bé b’ᴐ tran bé nun’n ti afin i Wawԑ’n yԑ man be si jrԑiin kԑ cԑn kun’n, ᴐ wa ba’n nin-ᴐn. Sanngԑ be nga’m be liԑ’n, be wa se oka’m be kԑ,

Be nun sran fi su kwla suan-man e Min’n i anyrunnyan b’ᴐ wa di be jᴐlԑ’n i bo. Be sa tԑtԑ mun be wa fite bé nyrun weiin kԑ kpajalԑ sa yԑ be nyoliԑ nga be bui kԑ ᴐ ti kpa bᴐ i ti yԑ b’a sᴐ-man Zezi nun’n, ᴐ wa fite bé nyrun kԑ tafuԑn fiԑn wie sa. Nyanmiԑn siesieli ti delԑ’n mannin bé wie sanngԑ bé nyin’n kpali su yԑ b’a sᴐ-man nun. Be yoli Defuԑ kunngba’n i finfin yԑ i sᴐ’n ti san be ′tᴐ fᴐ bulԑ b’ᴐ ti anannganman’n nun. Bé awlaboԑ’n su wie-man le. Be nga be nyannin bé ti’n bé aklunnjuԑ dilԑ cԑn dan’n i yԑ ᴐ wa kaci be kwlaa nga be yili Nyanmivn i Wa bᴐ be boboli i’n i blo’n bé cԑn wiwi, bé jᴐlԑ cԑn b’ᴐ ᴐ yo sro. B’a kplin-man i ti delԑ’n su i sᴐ’n ti Nyanmiԑn ndԑ’n i nuan ᴐ wa yia bé nguan’n nun,

Mobile device - Print - Top