Waters of LifeBiblical Studies in Multiple Languages |
|
Home Bible Treasures Afrikaans |
This page in: -- Armenian -- BAOULE -- Burmese -- Chinese -- Dagbani -- Dioula -- English -- French -- German? -- Greek -- Hausa -- Hebrew -- Hindi -- Igbo -- Indonesian -- Japanese -- Korean -- Lingala -- Maranao -- Nepali -- Peul -- Somali -- Spanish -- Sundanese -- Telugu -- Thai -- Turkish -- Twi -- Uzbek -- Yoruba
TRACTS - Short biblical messages for distribution
Fluwa kaan 1 -- ?A si zezi?Kɛ e bu klɔ sran’m be asiɛ’n su wa tranlɛ’n i akunndan’n, e wun i wlɛ kɛ sran wie mun be nguan’n i kpa bɔ ti’n ti’n, be ukali be blɛ su sran mun yɛ be nvle’n nunfuɛ mun. Sran nandoliɛ sɔ’m be nun kun yɛlɛ zezi, Mari i wa yasau’n. Kɛ be bubu asiɛ’n sufuɛ’m be nun nsan’n, i bue kun tra su be su zezi su yɛ be di i klelɛ’m be su. Zezi dunman’n, i yɛ ɔ ti ndɛ mma bɔ ti cinnjin tra ndɛ mma’m be kwlaa-ɔ. Kɛ e kanngan Anuansɛ Uflɛ’n i fluwa ablaun-nin-nso’m be nun’n, be bo zezi dunman lɔ kpɛ ya-ngwlan-ableso-nin-nnun. Nyanmiɛn sunmannin anz Gabriɛl talua mɔnnɛn bɔ be flɛ i Mari i wun lɔ. Nyanmiɛn i anz’n ɔ yili i wun nglo kleli Zozɛf bɔ ti i wun’n, laliɛ nun. Ɔ seli i kɛ ba bɔ Mari wunnzɛli i'n, ɔ fin Nyanmiɛn wawɛ’n, i sɔ’n ti be ̀ton i dunman « Zezi, afin i yɛ ɔ wa de i nvle’n nunfuɛ’m be sa tɛ’m be nun-ɔn » (Matie 1: 21-23; Lik 1: 31). Nán sran mun yɛ be tɔnnin dunman sɔ nin-ɔn. Sanngɛ Nyanmiɛn bɔbɔ i klun sa nun yɛ ɔ kpali dunman sɔ nin-ɔn. Nyanmiɛn i jajalɛ b’ɔ fa de klɔ sran mun’n, ɔ o “Zezi” i dunman’n nun. I sin nan Nyanmiɛn a yi mɛn’n, yɛ ɔ buli akunndan sɔ nin-ɔn. Zezi dunman’n i bo kpa’n yɛlɛ «Aeguɛ’n i Min’n, ɔ uka sran mun yɛ ɔ de sran mun ». Zezi b’ɔ fin Nazarɛti’n, i nun yɛ Nyanmiɛn kacili sran’m be wun ndɛ’n nin-ɔn. Mari i wa yasua’n, i ninnge ng’ɔ kleli be’n, be fin-man klɔ sran, ɔ’a yi-man atrɛ ngbɛngbɛn mun. Ndɛ kwlaa ng’ɔ kannin’n nin atrɛ kwlaa ng’ɔ yili be’n, be fin Nyanmiɛn (Zan 5: 19 – 21; 14: 10 – 24). ? Ngwɛ ti yɛ Zezi bali-ɔ? ? Yɛ i kwalɛ dan b’ɔ lɛ i’n, ɔ fin nin?
Ͻ yo man e nyan e ti wuntulɛ’n i likaZezi see kɛ « Amun kwlaa bɔ an sua trɔ bɔ amu’an fɛ’n, an bla min sin, n sike amun, yɛ amun de wunmiɛn…An fa min nzuɛn’n su, afin n ti sran wɛtɛɛ yɛ min awlɛn’n ti flɔlɔ. Yɛ amun wla wa gua ase» (Matie 11: 28-29). Be kwlaa nga be kwla nian-man be nguan’n su’n, Zezi wla be fanngan kɛ be blɛ i sin. Sran kwlaa ng’ɔ bɛ i sin’n, ɔ wa de i wun tulɛ’n i sa nun, yɛ ɔ yo man i wla’n gua ase. Zezi seli kɛ: « M bɔ n kacili sran’n, m’an ba-man kɛ be su min, sanngɛ m bali kɛ n su sran nan n fa min wun kpɔ sran sunman be ti» (Matie 20:28). Be kwlaa nga be su Zezi su’n, ɔ yo be juejue awɛn yolɛ’n i lika. I kwlalɛ bɔ fa man be’n, ɔ man be kwla su be wiengu aklunjuɛ nun.
Ͻ yo man e nyan e ti Nyanmiɛn i ya’n i boNyanmiɛn saunfuɛ’n i ya’n, ɔ o be kwlaa nga be yo sa tɛ’m be su. Sanngɛ jɔlɛ dilɛ cɛn nun’n, blɛ bɔ sran mun be ′cɛn’n, Zezi ′de be kwlaa nga be lafi i su’n. E Min’n ɔ yili sa sɔ’n i nglo kleli i nuan ijɔfuɛ Ezai: « Sanngɛ kusu wuun e tukpacɛ’n yɛ ɔ fa suali-ɔ, yɛ e afɛ’n yɛ ɔ fali-ɔ. E liɛ’n e waan wuun Nyanmiɛn su tu i fɔ, e waan wuun ɔ su kle i nyrɛnnɛn, yɛ e waan wuun ɔ su guɛ i nyin ase. Sanngɛ e sa tɛ bɔ e yo be’n be ti yɛ ɔ nyannin kannin mɔnnɛn-mɔnnɛn i wunnɛn’n su-ɔ. E fɔnlɛ bɔ e fɔn’n, i ti yɛ be sisili i wunnɛn nin-ɔn. E fɔ b’ɔ fata kɛ be tu ye nan y’a nyan aunnjuɛ’n, yɛ ɔ tɔli i su-ɔ. Yɛ i wunnɛn i susuwa’n nin i kannin mun be ti yɛ man e yo juejue-ɔ. E kwlaa e ti kɛ bua bɔ b’a bo je’n sa, sran kun fɛ i bɔbɔ klun klo atin, yɛ Anannganman’n fali e kwlaa e fɔnlɛ bɔ e fɔnnin’n i su afɛ’n fa guɛli i su-ɔ » (Ezai 53: 4-6). I sin nan ɔ’a wu’n, Zezi kpatali i kpɔfuɛ’m be ti: « N Si, yaci be wun sa’n cɛ be, afin sa nga be yo i lɛ’n, be wun-mɛn i wlɛ » (Lik 23:34). E si jrɛiin kɛ Nyanmiɛn tɛli srɛlɛ sɔ’n su.
Ͻ yo man e nyan e ti sa tɛ’n i sa nunZezi seli kɛ: « Nanwlɛ sɛ sa tɛ’n ti sran’n, wuun sran kwlaa ng’ɔ yo sa tɛ’n ɔ kaci i kanga… Sɛ Nyanmiɛn Wa’n kpɔ amun ti’n, amun ′nyan amun ti mlɔnmlɔn » (Zan 8 : 34, 36). Be kwlaa nga be fa be wla’n guɛ Zezi su’n, ɔ de be sa tɛ’n i kanga dilɛ’n nun. Ͻ fali mɛn nunfuɛ’m be kwlaa be sa tɛ mun, ɔ jrannin ye ajalɛ nun, ɔ wuli waka nda’n su. I moja’n ng’ɔ guali’n ɔ nunnun e sa tɛ’m be kwlaa, yɛ i Wawɛ Saun’n, ɔ tran e nun titi yɛ ɔ man e kwlalɛ sa tɛ’n su (Rɔmfuɛ mun 8: 9 – 11). I sɔ’n ti sran kwlaa ng’ɔ lafi Zezi su’n, i moja ng’ɔ guali’n ti’n, Nyanmiɛn bu i sran kpa fatifati.
Ͻ kwlali gblɛfuɛ’nZezi kwlali Satan, ɔ jrannin kekle, ɔ’a tɔ-man i lakalɛ’m be nun (Matie 4: 1-11; Lik 4: 1-13). Kannzɛ be jaso i wun o, awlaboɛ nun o, Zezi kɛnnin i wun ase Nyanmiɛn bo, ɔ’a yo-man sa tɛ le. Gblɛfuɛ’n ɔ’a nyan-man kwlalɛ i su. Zezi fuannin mmusu mun nin wawɛ tɛtɛ bɔ be saci sran mun. Ͻ fali kwlalɛ kunngba sɔ’n mannin i sɔnnzɔnfuɛ mun (Lik 9:1). Sran kwlaa ng’ɔ sɔ i tɛ b’ɔ yili’n nun’n, ɔ nyɛn i ti mlɔnmlɔn Satan i kwlalɛ’n bo.
Ͻ kwlali wie’nZezi seli kɛ: « Min yɛ n cɛn sran mun-ɔn, m bɔbɔ min yɛ be flɛ min nguan nin-ɔn. Sran kwlaa ng’ɔ lafi n su’n, sɛ ɔ wun’n, ɔ ′nyan nguan ekun. Yɛ sran nga i nyin o su b’ɔ lafi n su’n, ɔ su wu-man le. ? A lafi ndɛ sɔ’n su ? » (Zan 11 : 25-26). Kɛ Zezi wuli’n, ɔ cɛnnin, ɔ fɛli i wun kleli i sɔnnzɔnfuɛ mun, ɔ nin be kokoli yalɛ, be kɛnnin i. I kunngba’n nin- ɔn, Zezi kwla de i mma mun wie’n i sa nun yɛ ɔ man be anannganman nguan.
Ͻ yo sran’m be juejue kpɔlɛ’n nin klunngbɔ tulɛ’n be likaZezi seli sran nga be tie i ndɛ’m be kɛ: « An klo amun kpɔfuɛ mun, yɛ be nga be wua amun amuɛn’n, an yra be nguan. Be nga be kpɔ amun’n, an yo be kpa, yɛ be nga be yo amun tɛtɛ bɔ be kle amun yalɛ’n, an srɛ nyanmiɛn kɛ ɔ yo be kpa. I sɔ’n nun’n, amun yo amun Si b’ɔ o nyanmiɛn su lɔ’n i mma mun » (Matie 5 : 44-45 ; Lik 6 : 27-28). I kunngba cɛ yɛ i awuliɛ’n fin Nyanmiɛn Wawɛ nin- ɔn. I kunngba cɛ yɛ ɔ yacili i sɔnnzɔnfuɛ’m be sa tɛ’n kwlaa cɛli be yɛ ɔ kle be kɛ be ‵yaci sran nga be yo be tɛ’n, be tɛ liɛ’n cɛ be-ɔ. Sa nga ti yɛ Zezi yaci sran’m be sa tɛ’n cɛ be’n, yɛlɛ klolɛ dan b’ɔ fa klo sran mun. Be kwlaa nga be fɛ i ndɛ’n su’n, ɔ de be kpɔlɛ’n nin klunngbɔ tulɛ’n be sa nun. Mari i wa yasua’n, i nvle’n nunfuɛ mun be yili i blo, be kpɛli i nzowa, be yoli i finfin. Sanngɛ ɔ kloli be, ɔ fali i klolɛ’n mannin be, ɔ siesieli be nin Nyanmiɛn be afiɛn, ɔ fɛli i nguan’n yili be ti tɛ yɛ ɔ fɛli i kwlalɛ’n mannin be. Be kwlaa nga be kaci be sin si be sa tɛtɛ mun, bɔ be kpɛ be nyin Zezi wun lɔ’n, Nyanmiɛn bu be sran kpa yɛ ɔ man be anannganman nguan. Wɔ bɔ a su kanngan fluwa nga’n, Nyanmiɛn wun ye silɛ srɛlɛ
?Amun klo kɛ amun si Mari i wa yasua Zezi i wun ndɛ uflɛ ekun?Sɛ amun klo sɔ’n, an klɛ e fluwa, e wun ti siesiewa kɛ e fa krist i Jasin Fɛ’n blɛ amun ngbɛn, an tua-mn nun kalɛ fi, ɔ nin Nyanmiɛn Ndɛ’n i nun yiyilɛ fluwa wie mun ekun, e fa blɛ amun.
An fa Zezi i Jasin Fɛ’n cɛ amun tranfuɛ munSɛ fluwa nga i nun ndɛ’n ɔ ukali amun’n, ɔ mannin amun fanngan’n, sɛ amun nyannin wla ase gualɛ i nun’n, an fa cɛ amun tranfuɛ nin amun sifuɛ mun. Nga amun klo’n, an bo i nuan kle ye, sɛ ɔ o lɛ’n, e fa blɛ amun. Nga an kwla fa cɛ sran bɔ su yo-man amun kɔmin su ndɛ’n, an bo i nuan kle e. An klɛ amun dunman nin amun adrɛsi’n i weiin kpa. E si kɛ amun wa blɛ e fluwa, i s ɔ’n ti e srɛ Nyanmiɛn kɛ ɔ yra amun su. WATERS OF LIFE Internet: www.waters-of-life.net |