Waters of LifeBiblical Studies in Multiple Languages |
|
Home Bible Treasures Afrikaans |
This page in: -- Arabic -- Armenian -- AZERI -- Bulgarian -- Chinese -- English -- French -- Georgian -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul? -- Polish -- Russian -- Somali -- Spanish? -- Telugu -- Uzbek -- Yiddish -- Yoruba
Previous Lesson -- Next Lesson MATTA - Tövbə edin! Çünki Səmavi Padşahlıq yaxınlaşıb
Mattanın nəql etdiyi Müjdə üzərində düşüncələr
ALTINCI HİSSƏ - İsanın çarmıxdakı iztirabları və ölümü (Matta 26:1 - 27:66)
16. Peter Məsihi inkar edir (Matta 26:69-75)MATTA 26:69-75 Peter əzm, cəsarət və sədaqətlə Məsihin ardınca getmək istəyirdi. Son dərəcə özünə güvənən bu həvari, Məsihi atıb qaçan başqa həvarilərdən fərqli olaraq, gizlənə-gizlənə, uzaqdan Məsihin ardınca getməyə davam edirdi. Peter Məsihin milyonlarca mələklərin yardımı ilə son anda qələbə çalacağını ümid edirdi. O özü də bu qələbədə iştirak etmək istəyirdi və Məsihin yeni Padşahlığında ən yaxın adamı olmağa can atırdı. Çox adamı pis yoldaşları günaha çəkərlər. Bilərəkdən pis mühitin təsirinə düşən insanlar şeytana təslim olurlar. Onlar sınağa və düşmənin tələsinə düşəcəklərini gözləməlidirlər. Peterin başına məhz belə iş gəlib. Peter baş kahinin həyətində onu tanımış adi bir xidmətçi qızın sorğu-sualına tab gətirə bilmədi. Qız camaatın içində Peterin bəlkə də İsanı xilas etmək ümidi ilə gələn şagirdlərindən biri olduğunu söylədi. Peter ona “Bilmirəm, sən nə danışırsan” – deyə cavab verdi. Beləcə İsanın Peterin inkarı barədəki peyğəmbərliyi yerinə yetməyə başladı. Xidmətçi qızın sualı Peteri qorxutdu, çünki Peter həbs edilmə təhlükəsində olduğunu anlamışdı! Bununa belə, o özünü sakit apardı və bir azdan həyət girişinə tərəf getdi. İblis onun yanına daha bir qadın göndərdi. Qadın ondan şübhələnmişdi. Peter yalan danışıb Məsihi heç görmədiyini söylədi. Beləcə yalan yalanı gətirdi. Peter özünü inkar edib Məsihin uğrunda ölməyə hazır deyil idi. Tonqalın ətrafında dayanmış kişilər, əsgərlər and içərək özünü müdafiə edən Peterə döndülər. Onu dövrəyə alıb dedilər ki, Qalileya ləhçəsi onu ələ verir və güman ki, o həqiqətən müttəhimin ardıcılıdır. Peter özünü qarğıyıb Allaha and içdi ki, Məsihi heç vaxt görməyib və tanımır. Ancaq Məsih onu çox sevdiyinə görə, xoruzla ayıltdı. Xoruzun banlamasını eşidən Peterin yadına Məsihin peyğəmbərliyi düşdü. O anda nə qədər qorxaq və zəif, yalnız həlak olmağa layiq olan yaramaz adam olduğunu dərk etdi. Qəlbi sındı və o hönkür-hönkür ağladı. O vaxt Peter öz qüruruna münasibətdə öldü, özündən arxayınlığı tamamən yox olub getdi. Bəs sənin qürurun və özündən arxayınlığın üçün xoruz banlayıbmı? Sən ətrafındakı imansız insanlara əhəmiyyət vermədən Məsihin yaşayan Allahın Oğlu olduğunu söyləməyə cəsarət edirsənmi? DUA: Ya Rəbb İsa Məsih, özümüzdən arxayın olduğumuza görə bizi bağışla! Qoy yalnız Allaha inamımız olsun və biz sınaq vaxtında Onun həqiqətinə bağlı olaq! Bizə hər cür yalandan, o cümlədən guya “faydalı” olandan da uzaqlaşmaqda kömək ol! Qoy biz iqrar edək ki, Sən Allahın Oğlusan və susmağımızla belə Səni inkar etməyək! SUAL:
|