Mobile device - Print - Bottom

Previous Lesson -- Next Lesson

7. Naha saderek ngartos Kristus tos ngelehkeun pati?

---

Kristus leres-leres pupus sareng dikurebkeun, digali tina batu ageung anu padet. Musuh-musuh-Na nempatkeun hiji batu badag beurat pisan dina panto makam, teras disegel ku segel Pamarentah Penjajahan Rum, bangsa sareng nagara pangkawasana waktos harita, ku kituna tos pasti para murid moal tiasa maok mayit sanajan susulumputan tengah peuting, lantaran pamarentah harita oge nyetél penjaga waja saméméh panto jeung sabuderan kuburan.

Saparantos tilu dinten, Kristus gugah tina maot sarta sumping kaluar tina kubur, murid-murid-Na pas nyampak mendakan yen kuburan teh tos kosong, teu aya wadag-Na, rareuwas jeung sarieunen pisan, ngadegdeg waktos maranéhanana patepang deui sareng Gusti Yesus Kristus anu hirup, jumeneng, malihan maranéhanana nganggap yen Anjeunna teh jurig anu ngaririwaan.

Dina situasi model kitu, Anjeunna nyarios ngangge kecap anu ngiatkeun para rasul, sinareng ningalikeun tapak tatu paku dina panangan sareng sampean-Na. Mantenna tuang di payuneun para murid sareng ngidinan sing saha wae anu hoyong ngarampa ragad supados yakin yén Anjeunna leres gugah ti maot sareng ayeuna nganggo wagad kabangkitan fisik anu nyata.

Sadaya nabi jeung utusan Allah parantos pupus ngantunkeun urang. Jenazahnya sapalih nyondong keneh dilebet makam, papisah teu ngahiji deui. Tapi Gusti Yesus Kristus hirup, ngengingkeun perang kalawan pati dosa manusa anu sakitu rungkadna.

Upami Sadérék ngartos gugahna Kristus ti nu maraot? Gusti Rama nu Maha Kawasa tos ngabuktoskeun fakta hébat yén Anjeunna mikanyaah Putra-Na, narima kurban-Na dina kai palang pikeun dunya anu ditandasa ku dosa manusa.

Mobile device - Print - Top