Waters of LifeBiblical Studies in Multiple Languages |
|
|
Home Bible Treasures Afrikaans |
Home -- Georgian -- Galatians - 012 (Only the believer receives the gift of the Holy Spirit) This page in: -- Arabic -- English -- French -- GEORGIAN -- Indonesian -- Russian
Previous Lesson -- Next Lesson გალატელთა - მე ქრისტესთან ერთად ვარ ჯვარცმული ნაწილი 3: რჯული და სახარება: მათი მიზნები და შედეგები (გალატელთა 3:1 – 4:31) 1. მხოლოდ მორწმუნეები იღებენ სულიწმიდის ნიჭს (გალატელთა 3:1-5)გალატელთა 3:1-5 მას შემდეგ რაც პავლემ პირვერლ ორ თავში შებოჭილ ეკლესიებს მისცა ისტორიული მტკიცებულებები მისი მოციქულური ძალის და სწავლების სისუფთავის შესახებ, შეუდგა რწმენით გამართლების დეტალურ გადმოცემას, რაც საქმეებით, ცხოვრების წესით ან წეს-ჩვეულებების დაცვით არ ხდებოდა. გალატელთა ეკლესიები პირველ ეტაპზე ცოცხალი და მოქმედი იყო, თუმცა უეცრად დასუსტდნენ, თითქოს ვინმემ თვალი დაადგაო ცუდად. გაუქრათ მკაფიო ხედვა, სულების გარჩევის ნიჭი და თამამი რწმენა; გაუჩნდათ ეჭვები რწმენის სწავლებასთან მიმართებაში. გალატელებს არასდროს მოუსმენიათ თუ როგორ ქადაგებდა პავლე გადარჩენაზე ადამიანური საქმებიით ან რჯულის დაცვით, როგორც ახალი აღთქმის მნიშვნელოვან თემაზე. ის თითქოს მისი მსმენელის წარმოსახვაში ხატავდა ღვთის ძეს, მათ თვალწინ ჯვარცმულს ძელზე, რომელმაც მათი და ქვეყნიერების ცოდვები გამოისყიდა. შენთვის ჯვარცმული ქრისტე - მთელი შენი ცხოვების მიზანია, თუ სხვა მიზნებისკენ ილტვი? დაე ქრისტეს ხატება, მისი ნაგვემი ხელებით, არასდროს ამოიშალოს შენი გონებიდან. ის შენი ერთადერთი თავშესაფარია აქ დედამიწაზე და ერთადერთი დამცველი იქ ზეცაში. ყოველი ვინც აღიარებს ცოდვებს იესო ქრისტეს წინაშე და ვისაც სწამს, რომ მან მიიღო თავის თავზე სასჯელი ჩვენც ნაცვლად, იწმიდება და იღებს უფლის მადლს სულიწმიდაში. როგორ დიდებულად გვიახლოვდება უფალი, უფლის სული ხო - თავად უფალია! უფლის სული ჩვენშია არა იმიტომ, რომ მართლები ვართ, პირიქით, იმიტომ რომ ვაღიარებთ საკუთარ ცოდვებს და ვამბობთ, რომ არ ვართ მართალნი. მაშინ უფლის ძალა გვხდის გამართლებულებს და გვავსებს საუკუნო სიცოცხლით! წმიდა სული ივანებს ადამიანებში ქრისტეს სიკვდილის შედეგად. მას შემდეგ, რაც მან ქვეყნიერების ცოდვები არიღო, არაფერი უშლის ხელს ნუგეშისცემის სულს მივიდეს მათთან, ვინც ინანიებს. წმიდა სული მხოლოდ მათში არ არის, ვისაც არ სწამს ღვთის ძის და მისი გამოსყიდვის. ძის მორწმუნეს აქვს სიცოცხლე, ურწმუნოს კი არ აქვს ის. ყოველი ვისაც უყვარს მოსიყვარულე უფალი, იცვლება და ხდება მისი სიყვარულის მგსავსი! შემოვიდა თუ არა შენ ცხოვრებაში სულიწმიდა? გარეგნულად კი არ გცვლის მხოლოდ, არამედ ალკოჰოლის სმას ანებებ თავს, იშორებ აზარტულ თამაშებს, ყურადღებას აქცევ სამოსს დ.ა.შ. ვერავინ შეძლებს გაგწმიდოს იესოსა და სულიწმიდის გარდა. იესო - ჩვენი სიწმიდეა. როდესაც უფლის სული ივანებს გამართლებულ მორწმუნეში, ის სრულად წმედს მას, ცვლის მის აზრებს და საქციელებს და აღძრავს მას სიყვარულის საქმეებისკენ. ყველაზე მნიშვნელოვანი კითხვა შენ ცხოვრებაში რწმენა არის შემდეგი: ჩასახლდა თუ არა შენ გულში სულიწმიდა? არ აარიდო თავი ამ უმნიშვნელოვანეს კითხვას, არამედ ჰკითხე უფალს ლოცვაში:როგორი ვარ სულიერ ცხოვრებაში? თუ კითხულობ, როგორ მოიპოვო უფლის ძალა, გიპასუხებთ: შენი რწმენა გაკავშირებს მოწყალე უფლის ძესთან, რომელიც გაძლევს საკუთარ ბუნებას. სანამ მთელი გულით და სამუდამოდ არ მიეწებები ქრისტეს, სულიწმიდა შენთან არ იქნება. არ მოტყუვდე: თუკი მთელ ცხოვრებას არ მისცემ ჯვარცმულ ქრისტეს, ვერ შეძლებ შეიგრძნო მისი სულის ძალა, თუნდაც მთელი ბიბლია დაიზეპირო ან დაიბადო ქრისტიანად და მოინათლო. შენი რწმენა გიხსნის, რწმენა კი ნიშნავს სრულად მიეძღვნა უფალ იესო ქრისტეს. ეშმაკი ცდილობს აცდუნოს მორწმუნეები, აღძრავს მათ რელიგიური მოქმედებებისკენ, რომლისკენაც ქრისტეს არ მოუწოდებია. თითქოს ქრისტეს ჯვარცმა არაა საკმარისი ან სულიწმიდას სჭირდება ადამიანური დახმარება. მოსიყვარულე ძმაო, არ დაგავიწყდეს, რომ უფალმა სულიწმიდის ძალა მმოგცა უშუალოდ საკუთარი რწმენის გამო! მხოლოდ გწამდეს და შენ თავზე გაიხსნება ზეცა! მოწიფული მორწმუნეებიც არ არიან დაზღვეულები ამ ცდუნებისგან. გამოივლიან და გაუძლებენ რა დევნებს, ისინი ცდილობენ საკუთარი სიწმიდის დამტკიცებას, ამცირებენ რა ამითი ქრისტეს სიკვდილს. ზოგიერთი ნიჭებში მოქმედიც კი მიდის იქამდე, რომ ეჭვქვეშ აყენებს სულიწიმის მოქმედებას და ქრისტეს მონაწილეობას მათ განწმედაში. ლოცვა: მამაო, მადლობას გიხდით რომ შენ შემოირიგე მთელი ქვეყნიერება შენი ძის მსხვერპლის მეშვეობით. მისი სიკვდილით სრულიად გაგვამართლე და გაგვწმიდე. თაყვანსგცემთ შენ, რადგან გაგვაცოცხლე შენი სულიწმიდით; და გთხოვ დაგვიცვა ჩვენც და სხვა მორწმუნეებიც მცდელობისაგან, რომ თავად გავიხადოთ თავი წმიდებად, ვასრულებდეთ რა კანონებს და წესებს ადამიანურად, რომ არ დავაკნინოთ შენი ძის ჯვარი, რომელმაც საკუტი გამოსყიდვით სამუდამოდ სრულყოფილები გაგვხადა. კითხვა:
|