Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Albanian -- Arabic -- Armenian -- Azeri -- Bulgarian -- Cebuano -- Chinese -- English -- EWE -- French -- Georgian -- Greek -- Hausa -- Igbo -- Indonesian -- Portuguese -- Russian -- Serbian -- Somali -- Spanish -- Tamil -- Telugu -- Turkish -- Ukrainian -- Urdu? -- Uzbek -- Yiddish -- Yoruba
Previous Lesson -- Next Lesson DƆWƆWƆWO - Le Kristo ƒe ameha si ɖu dzi la me
Apostoloawo ƒe Dɔwɔwɔwo ŋuti nusɔsrɔ̃ le Luka ƒe nya nu
AKPA I - Yesu Kristo ƒe Hamea ƒe gɔmeɖoanyi . le Yerusalem, Yudea, Samaria . kple Syria . Le Apostolo Kpe si Gbɔgbɔ Kɔkɔe la fia mɔ la ƒe mɔfiafia te . (Dɔwɔwɔwo 1 - 12)
A - Hame Gbãtɔa Ƒe Dodo Kplee Tsitsi Le Yerusalem (Dɔwɔwɔwo 1-7)
11. Alesi Wolé Petro Kple Yohanes Kple Wo Yi Ʋɔnudrɔ̃ƒe Gbãtɔ (Dɔwɔwɔwo 4:1-22)DƆWƆWƆWO 4:12-18 Petro da gbe le lãmetututɔ la ŋu le Kristo ƒe ŋkɔ me eye wònya be dɔyɔyɔ sia fia Yesu ƒe tameɖoɖo be yeaɖe amegbetɔ bliboe eye yeakplɔe ayi agbe mavɔ me, elabena Mawu meɖea xɔsetɔ ƒe akpa aɖe ko o ke boŋ bliboe, ŋutilã, gbɔgbɔ kple luʋɔ, ela-bena Mawu ƒe lɔlɔ̃ ƒo míaƒe kakaɖedzi kple míaƒe nunya ta seɖoƒemanɔmee. Apostolo gã la tsɔ nyagbɔgblɔ xɔŋkɔ si nye, ɖeɖekpɔkpɔ mele ame bubu aɖeke me o la ƒo eƒe kukuɖeɖe-nyawo nu ƒu kpuie. Galilea Ƒua ƒe tɔƒodela ɖe gbeƒãe le nu-nyalawo ƒe mawunyaŋununyalawo kple senyalawo ŋu siwo dzroa agbalẽawo me be yewonye ŋkuagbãtɔwo togbɔ be wonya Torah la hã, elabena ɖaseɖigbalẽwo kple agbalẽ ɣiwo kple kɔnyinyi mawuvɔvɔ̃ si léa ŋusẽ si vɔ̃na la ta, viɖe aɖeke mele esiawo katã ŋu be woakpɔ ɖeɖe o gake woaxɔ Yesu kple gododo kple amesi tsi tre hele agbe kple amesiawo ƒe vava le dzi me, ly wɔ ɖeɖekpɔkpɔ. Nukae nye míaƒe ɖeɖekpɔkpɔ? Ele be woaɖe mí tso Mawu ƒe dziku me to míaƒe kɔkɔenyenye le Kristo ƒe ʋu me eye ɖeɖekpɔkpɔ nye aʋadziɖuɖu ɖe ku dzi to míaƒe mɔɖeɖe ɖe agbe mavɔ me. Kristo ƒe ɖeɖekpɔkpɔ fia be Mawu ƒe ŋusẽ na-su ame si be wòawɔ nyui evɔ màge ɖe nuvɔ̃ me o. Xɔname va-vãtɔ kɔkɔ eye wògoglo eye wòkeke ta eye wòsẽ wu alesi ame-wo ƒe sidzedze nyae, eye gome aɖeke mele abosam si ɖe amesi xɔ Yesu dzi se dzi o eye amesi lé ɖe Ðela la ŋu azɔ kplii le eƒe aʋadziɖuɖu ƒe atsyã me. Yesu wu ɖeɖekpɔkpɔ nu na amewo katã esi wòku ɖe atitsoga ŋu ɖe mía teƒe, ame dzɔdzɔe ɖe nuvɔ̃wɔlawo teƒe, ma-vɔmavɔtɔ ɖe ame kukuwo teƒe! Aƒetɔ la tsyɔ nu míaƒe nuvɔ̃wo dzi eye wòbu mí dzɔdzɔewo keŋkeŋ, esi wònya be ame aɖeke mate ŋu akpɔ ɖeɖe le eɖokui si o, le esia ta Mawu ƒe Vi la va zu Amegbetɔvi, ale be amegbetɔwo nate ŋu azu Mawu viwo, eyata Kristo tsɔ gome si le mía si be Mawu naxɔ mí la na mí. Eyata Kɔkɔetɔ la menye ʋɔnudrɔ̃la si doa vɔvɔ̃ na mí eye wòtsi tre ɖe mía ŋu o, ke boŋ eyae nye mía fofo lɔ̃ame, eye Kristo xɔ Gbɔgbɔ Kɔkɔe la na mí to eƒe ku me ale be Mawu ƒe lɔlɔ̃ nakɔ ɖe míaƒe dziwo me. Woyɔ amewo katã be woaxɔ ɖeɖe tso Kristo gbɔ, ɖeɖekpɔkpɔ aɖeke meli o negbe to Eyama dzi ko, ke hã subɔsubɔhawo kple xexemenunya kple amegbetɔ ƒe tamesusuwo kple dɔ nyuiwo katã mesɔ gbɔ be woadze Mawu ŋu o. Kristo ƒe ʋu ɖeɖeko mee míaƒe ɖeɖekpɔkpɔ wu enu, ema manɔmee la, míetsrɔ̃na, eyata eva zu nusi hiã na mí eye wònye Mawu ƒe dɔ be míalɔ̃ ɖe Kristo ƒe avuléle dzi eye míawɔ ɖeka kple eƒe nu-babla. Eye ame sia ame si gbe Yesu xɔxɔ la gbe Mawu ƒe lɔlɔ̃ eye makpɔ ɖeɖe o elabena mɔ bubu aɖeke meli si dzi woato ayi Mawu gbɔ o negbe to Yesu dzi ko. Gɔmesese siawo ƒo ƒu la, Petro si nye amegbetɔwo ƒe tɔƒodela ye ɖe gbeƒãe na nunɔlagãwo, mawunyaŋununya-lawo, agbalẽŋlɔlawo kple senyalawo ƒe takpekpe. Meƒo nu fũ o, ke boŋ eƒo Nyanyui la nu ƒu kpuie le nyagbe ɖeka me, gake ʋɔnudrɔ̃lawo ɖu fewu le eŋu, elabena eƒo nu kple gbegbɔgblɔ to nyagbɔgblɔ bɔbɔewo zazã me, ame sia ame gɔ̃ hã kpɔe be ye kple ɖekakpui si le axadzi la mede suku o, gake womete ŋu gbe be Mawu ƒe ŋusẽ do tso ŋutsu eve siawo me o, eye Kristo ƒe ŋusẽ dze le Petro ƒe kukuɖeɖe ƒe nuƒo ma si ɖi ɖase na Aƒetɔ gbagbe la ƒe sedede ɖe eƒe amewo ƒe kplɔlawo ta la me amewulawoe wonye. Etsɔ Mawu ƒe ɖeɖekpɔkpɔ faa na nuvɔ̃wɔlawo le Yesu ƒe ŋkɔ me la ɖo ŋkume le ɖoƒe ma ke. Ðewohĩ ʋɔnudrɔ̃lawo metsɔ ɖeke le apostoloa ƒe nyatoƒoetoto alo eƒe ɖeɖekpɔkpɔ ƒe nuƒoƒo me o, gake Yesu ƒe ŋkɔ si nɔ eƒe aɖe dzi la ɖe fu na wo, elabena wodi be yewoaŋlɔe be ahaƒo asa nɛ ale be womagasee o; Wometsɔ ɖeke le nubiala si dze na Mawu ƒe dziku la ƒe dɔyɔyɔ me o, elabena lɔlɔ̃ aɖeke menɔ ŋutsu siwo nye nunyalawo kple alakpanuwɔlawo si o, woƒe agbalẽwo kple woƒe nufiafia siwo me nuƒoƒo le kpakple bubu gã si wode wo ŋu la nɔ vevie na wo. Apostolo eveawo ƒe dzideƒo kple woƒe dzideƒo si mevɔ̃na na tohehe o la wɔ dɔ ɖe nyaselawo dzi eye dɔnɔ si woda gbe le la ƒe anyinɔnɔ le woƒe axadzi mexe mɔ na ʋɔnudrɔ̃lawo be woagabu fɔ apostoloawo ɖe busunyagbɔgblɔ kple ameflu-nyawo ta o. Eyata wodzro nu me le adzame esi wokplɔ ame eve siwo ŋu wotsɔ nya ɖo la do goe le xɔa me vɔ megbe. Mlɔeba la, menye ɖeko nyametsotsoa nye be woaxe mɔ na wo be woagaƒo nu tso Yesu ŋu o, ke boŋ wokpɔe be ŋkɔ siae na ŋusẽ le eyomedzelawo ŋu, eye esia nye afɔku na dukɔa kple eƒe kɔnyinyiwo. Esia wɔe be woxe mɔ na apostolo eveawo be womegagblɔ ŋkɔ sia alo fia nu alo yɔyɔ o, ale be Yesu ƒe ŋkɔ mete ŋu wɔ nukunuwo o, le nyateƒe me la, esiae nye ta-meɖoɖo si le Satana si be yeazi ɖoɖoe be yeagayɔ ŋkɔ gãtɔ o la ƒe kpukpui, ale be Mawu ƒe ŋusẽ nagaɖe dziwo o. Ðe nèzi ɖoɖoe le Yesu ƒe ŋkɔ yɔyɔ me loo alo le ɖaseɖiɖi tso eŋu mea? Elabena ame aɖeke mekpɔ ɖeɖe o, negbe to eya dzi ko eye wò agbanɔamedzie wònye be nàyɔ ŋkɔ sia atsɔ aɖe xɔ̃wòwo, elabena ɖeɖekpɔkpɔ aɖeke meli ɖaseɖiɖi manɔmee o. GBEDODOƉA: Aƒetɔ Yesu, nublanuikpɔla, míeda akpe na wò elabena èɖe mí ame kukuwo, eye nètsɔ míaƒe nuvɔ̃wo ke, eye nèkplɔ mí yi agbe mavɔ me. Wò kue nye míaƒe agbe, wò dzodzrowoe nye nusi gbɔ míaƒe dzidzɔkpɔkpɔ tso. Kpe ɖe mía ŋu be dzi nanɔ mía ƒo míaɖi ɖase le wò ŋkɔ ŋu le dutoƒo vɔvɔ̃ manɔmee na kplɔlawo alo agbalẽnyalagãwo ke boŋ míeɖia ɖase na amesiwo nye nuvɔ̃wɔla siwo hiã wò ɖeɖe. Amen. NYABIASE:
|