Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula -- English -- EWE -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- Peul -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur? -- Uzbek -- Vietnamese -- Wolof -- Yiddish -- Yoruba
Previous Lesson -- Next Lesson YOHANES - Kekeli La Klẽna Ɖe Viviti Me
Nusɔsrɔ̃ le Kristo ƒe Nyanyuigbalẽa me le YOHANES ƒe nya nu
AKPA 1 - Mawu Ƒe Kekeli La Ƒe Keklẽ (Yohanes 1:1 - 4:54)
C - Kristo Ƒe Yerusalem Sasrã Gbãtɔ (Yohanes 2:13 - 4:54) -- Nukae Nyee Subɔsubɔ Le Nyateƒe?
2. Yesu ƒo nu kple Nikodemo (Yohanes 2:23 – 3:21)
a) Amewo trɔna ɖe Yesu ŋu (Yohanes 2:23-25)YOHANES 2:23-25 Amehawo yi Yerusalem hena Ŋutitotoŋkekenyuia ɖuɖu elabena afimae wosubɔna le. Woɖo ŋku Alẽvi si kpɔ wo tɔgbuiwo ta tso Mawu ƒe ʋɔnudɔdrɔ̃ me dzi eye woma vɔsawo ƒe lã le nuɖuɣia. Yesu, Mawu ƒe Alẽvi la, va Yerusalem eye wòwɔ dzesi geɖewo, tsɔ ɖe eƒe lɔlɔ̃ kple ŋusẽ fia. Le gɔmesese sia nu la, eva zu nusi ŋu amewo ƒe susu nɔna eye eƒe ŋkɔ nɔ amesiame ƒe nuyiwo dzi; woli liʋiliʋi be: “Nyagblɔɖilae nye esia, alo Eliya, ŋgɔdola, alo Mesia la?” Ame geɖewo ƒe nu lé dzi nɛ eye woxɔe se be Mawu gbɔe wòtso. Yesu xlẽ woƒe dziwo, gake metia wo dometɔ aɖeke be wòanye nusrɔ̃la o. Womeke ɖe eƒe mawunyenye ŋu haɖe o, ke boŋ wobu tame le amegbetɔ ƒe nya nu. Ablɔɖe tso Romatɔwo si me, dɔwɔɖui siwo ŋu bubu le kple etsɔme si ŋugbe wodo nɔ susu me na wo. Yesu nya amewo katã, dzi ɖesiaɖe. Wo dometɔ aɖeke menɔ Mawu dim tso dzi me o. Ne ɖe wodi Mawu kple dzi anukwaretɔe la, anye ne wobia be woaxɔ nyɔnyrɔ le Yordan-tɔsisia me, aʋu woƒe nu vɔ̃wo me, eye woatrɔ dzime. Kristo nya wò dzi, wò nya ƒaƒãwo, wò gbedodoɖawo kple wò nuvɔ̃wo. Enya wò tamesusuwo kple woƒe dzɔtsoƒe. Eɖoa nusi nèdi na agbe si me ameŋububu kple dzɔdzɔenyenye le gbɔ. Ɣekaɣie nàna wò dada natrɔ? Ɣekaɣie nàtrɔ tso bubudede ɖokuiwò ŋu gbɔ be Gbɔgbɔ Kɔkɔe la nayɔ wò fũ?
b) Alesi wòhiã be woadzi vi yeyee (Yohanes 3:1-13)YOHANES 3:1-3 Ŋutsu aɖe si ŋkɔe nye Nikodemo do tso ameha la dome; enye mawuvɔ̃la vevie eye wònye ame ŋkuta, eye wònye Sanhedrin me tɔ 70 la dometɔ ɖeka. Ekpɔ ŋusẽ si le Mawu si le dɔ wɔm le Kristo me la dze sii. Ðewohĩ edi be yeatu tɔdzisasrã ɖe nyagblɔɖila yeye sia kple Yudatɔwo ƒe ha la dome. Le ɣeyiɣi ma ke me la, evɔ̃ nunɔla la kple ameawo. Meka ɖe amesi Yesu nye dzi o. Eva egbɔ le zã me, eye wòdi be yeado Yesu kpɔ hafi ava ge ɖe yeƒe ƒuƒoƒoa me. Esi Nikodemo tsɔ dzesideŋkɔ si nye “Rabi” nɛ la, eɖe ame akpa gãtɔ, amesiwo kpɔ Kristo be eyae fia Ŋɔŋlɔawo kple nusrɔ̃lawo ƒe ƒuƒoƒo aɖe ƒe nukpɔsusu. Ekpɔe dze sii be Mawu gbɔe Yesu dɔ ɖa, eye dzesiwo ɖo kpe edzi. Eʋu eme be: “Míexɔe se be Mawu li kpli mi, eye wòdoa alɔ mi. Ðewohĩ wòe nye Mesia la.” Nusi nɔ abe lɔlɔ̃ ɖe edzi le mɔ si me kɔ nu ene wu. Yesu ɖo eƒe biabiawo ŋu, eye meɖo ŋu ɖe domenɔla sia si le dukɔa ƒe ŋgɔnɔlawo kple Kristo dome la ŋu bliboe o. Ekpɔ Nikodemo ƒe dzi si bu, eƒe nuvɔ̃wo kple dzɔdzɔenyenye didi vevie. Ne eɖe eƒe gbɔgbɔmeŋkuʋuʋu fia vɔ ko hafi wòate ŋu akpe ɖe eŋu. Togbɔ be Nikodemo nye mawuvɔ̃la hã la, menya Mawu ŋutɔŋutɔ o. Yesu gblɔ nɛ anukwaretɔe eye wògblɔ be, “Enye nyateƒe be ame aɖeke mate ŋu adze si Mawu to eya ŋutɔ ƒe agbagbadzedze me o; ehiã dziƒogbɔgbɔ la ƒe gbugbɔgadzɔ.” Kristo ɖo eƒe ʋɔnudɔdrɔ̃ ɖe mawunyaŋununya ŋuti nusɔsrɔ̃wo kple nufiafia siwo wotu ɖe susuŋudɔwɔwɔ ɖeɖeko dzi. Elabena Mawu ŋuti sidzedze metsoa nuxexlẽ siwo me nunya le me o, ke boŋ tso dzidzi yeye me. Le radio dzi la, to vovo na television la, àte ŋu atrɔ asibidɛawo alesi nèdi, màkpɔ nɔnɔmetatawo gbeɖe o. Be nàte ŋu akpɔ nɔnɔmetataawo la, ahiã be nàzã nɔnɔmetata si to vovo kura tso radioa gbɔ. Nenema kee wòle le dzɔdzɔmeame hã gome, togbɔ be mawuvɔvɔ̃ kple eƒe dɔwɔnawo le esi hã la, mate ŋu akpɔ Mawu o, le tamesusuwo alo seselelãmewo me o. Gbɔgbɔmenuwo gɔmesese sia bia tɔtrɔ kpata, dziƒodzidzi kple nuwɔwɔ yeye. YOHANES 3:4-5 Kristo ƒe ŋuɖoɖo, si fia be Nikodemo menya Mawu o la, ɖe fu nɛ. Mese vidzidzi evelia ŋu nya kpɔ o. Ðe ŋutsu ate ŋu atrɔ ayi dadaa ƒe dɔ mea? Ŋuɖoɖo sia si wotu ɖe susu nyui ƒe nuteƒekpɔkpɔ dzi fia ŋkunɔ. Mese egɔme be Mawu Fofo la ate ŋu adzi viwo to eƒe Gbɔgbɔ me o. Yesu lɔ̃ Nikodemo. Esi wòkplɔe wòʋu eme be yemenya mɔ si yi Mawu Fiaɖuƒea gbɔ o vɔ la, ete gbe ɖe nyateƒenya la dzi esi wògblɔ be enye Nyateƒe la. Ele be míaxɔe ase be míate ŋu age ɖe Fiaɖuƒea me vi evelia manɔmee o, ema koe nye nɔnɔmea. Nukae nye vidzidzi evelia? Enye dzidzi, eye menye nukpɔsusu dzro aɖe ko o; medo tso amegbetɔ ƒe agbagbadzedzewo me o, esi ame aɖeke mate ŋu adzi eɖokui o ta la, Mawu va zua dzila kple agbenala. Gbɔgbɔmedzidzi sia nye amenuveve, menye amenyenye ƒe tɔtrɔ ko o, alo hadomehehe o. Wo katã wogblẽ tso woƒe ɖevime ke, eye mɔkpɔkpɔ aɖeke mele wo si be yewoawɔ ŋgɔyiyi o. Gbɔgbɔ me vidzidzi nye Mawu ƒe agbenɔnɔ ƒe gege ɖe amegbetɔ me. Aleke wòate ŋu adzɔe? Yesu gblɔ na Nikodemo be tsi kple Gbɔgbɔ lae naa vidzidzi sia vaa eme. Tsi ku ɖe Yohanes ƒe nyɔnyrɔxɔxɔ kple srɔ̃ɖeɖe ŋuti kɔklɔ ƒe nugoewo ŋu. Nubabla Xoxoa me tɔwo nya be tsileletsi la tsi tre ɖi na nuvɔ̃wo ŋuti kɔklɔ ƒe dzesi. Abe ɖe Yesu le gbɔgblɔm ene be, “Nukata mèɖina va Yohanes Amenyrɔɖetsimela gbɔ, eye nèʋua wò nu vɔ̃wo me, eye nèxɔ nyɔnyrɔ o?” Le teƒe bubu la, Yesu gblɔ be, “Ne ame aɖe di be yeadze yonyeme la, negbe nu le eɖokui gbɔ, eye wòatsɔ eƒe atitsoga, eye wòadze yonyeme” (Mateo 16:24). Nɔviŋutsu, ʋu wò vodadawo me, xɔ Mawu ƒe ʋɔnudɔdrɔ̃ ɖe wò nuvɔ̃wo dzi. Miele gbegblẽm eye miele tsɔtsrɔ̃m. Yesu meɖo tsi me nyɔnyrɔxɔxɔ ŋu o, ke boŋ etsɔ Gbɔgbɔ Kɔkɔe la de mawutsi ta na dzimetrɔlawo be wòawɔ agbe yeye le dzi gbagbã sia me. Esi woklãe ɖe ati ŋu vɔ la, míesrɔ̃e be eƒe ʋu mee míaƒe dzitsinya ŋuti kɔklɔ. Wotoa Gbɔgbɔ Kɔkɔe la ƒe dɔwɔwɔ me kɔklɔ sia vaa eme. Ne Gbɔgbɔ la he amegbetɔ ko la, agbe mavɔ kple eƒe kutsetse yɔe fũ; eva zua ame nyui si Yesu kplɔna. Tɔtrɔ sia, vidzidzi evelia sia, xɔa ɣeyiɣi le xɔsetɔ ƒe dzi me, abe fugboe si tsina le dadaa ƒe dɔme hafi wodzinɛ ene. Yesu tsɔ esia ɖo eƒe gbeƒãɖeɖedɔa ƒe taɖodzinu, si nye Mawu Fiaɖuƒea ƒe tanya. Ekema nukae nye Fiaɖuƒe sia? Menye dunyahehe ƒe habɔbɔ o, alo ganyawo ŋuti nufiafia hã o, ke boŋ ƒomedodo si le vidzĩ yeye kple Fofo la, Vi la kple Gbɔgbɔ Kɔkɔe la dome. Gbɔgbɔ yayra sia vaa edzi le ɣeyiɣi si me wògblẽ eɖokui ɖi na Kristo eye wòkpɔe dze sii be enye Fia si wònyi toɖoɖo ƒe fe le. GBEDODOƉA: Aƒetɔ Yesu, akpe na wò ɖe nye dzidzi yeye si menyi le wò amenuveve ɖeɖeko ta la ta. Èʋu nye gbɔgbɔmeŋkuwo. Ðe mɔ nam manɔ wò lɔlɔ̃ me. Ʋu ŋku na amesiwo di wò tso dzi me, be woakpɔ woƒe nu vɔ̃wo adze sii eye woaʋu wo me bene woawɔ yeye to wò Gbɔgbɔ Kɔkɔe ƒe ŋusẽ me; na woaɖo ŋu ɖe wò ʋu si nèkɔ ɖi ŋu ale be woate ŋu age ɖe ƒomedodo si anɔ anyi ɖaa me kpli wò. BIABIA:
|