Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic? -- Azeri -- BAOULE -- Chinese -- English -- French -- Greek -- Indonesian -- Japanese -- Kyrgyz -- Russian -- Sundanese -- Turkish -- Ukrainian -- Uzbek
Previous Lesson -- Next Lesson Ndԑ’n i ti’n 8: KRIST - ? AN SI KRIST, MARI I WA YASUA’N?
Krist i nguan’n nin i kwlalԑ’n nin I klolԑ’n I su fitilԑ
4. ? NGUԐ YԐ AMUN WUNNIN I WLԐ KRIST I LIKE KLELԐ’M BE NUN- ϽN?Nyanmiԑn nuan ijᴐfuԑ kpakpa mun ᴐ nin be nga Nyanmiԑn sunman be’n, ᴐ fԑ i nuan ndԑ bᴐ o lԑ lalaa’n wlԑ bé nuan yԑ be kann- ᴐn. Sanngԑ Krist liԑ’n, i bᴐbᴐ yԑ ᴐ ti Nyanmiԑn i nuan ndԑ’n nin-ᴐn. I nun yԑ Nyanmiԑn kwlalԑ b’ᴐ fa yili mԑn’n nin i klolԑ’n kwlakwla wo-ᴐ. Ͻ kan-man ndԑ ngbԑn sanngԑ ndԑ kwlaa ng’ᴐ kan’n, ᴐ yiԑ i nuan i nguan’n nun. Nyanmiԑn i kwlalԑ’n ᴐ yi i wun nglo weiin kpa i ijᴐlԑ’n nun yԑ i nyoliԑ’m be nun afin ndԑ ng’ᴐ kan’n ᴐ yiԑ i nuan. I su ndԑ nga sran’m be kannin’n wie mun yԑ: "Kɛ Jésus kan ndɛ sɔ’n kleli sran mun wieli’n, fɔ sɔ’n b’ɔ tuli be’n ɔ boli bé nuan, afin fɔ wafa ng’ɔ fa tu be’n nin be mmla klefuɛ’m be liɛ’n ti-man kun, yɛlɛ kɛ i liɛ’n kle kɛ ɔ lɛ sin jranfuɛ". (Matie 7:28-29) Yɛ kԑ siefuԑ mun be sunmannin be sonja mun kԑ be ko trԑ i’n, ndԑ ng’ᴐ kannin be’n ᴐ wluli bé wun yԑ ᴐ kannin bé akunndan’n ᴐ man b’a wunnge-mԑn i wun lᴐ. Be Sali bé sin bé sunmanfuԑ’m be wun lᴐ nan b’a se be kԑ: "Sran fi nian kan-man ndɛ kɛ bian nga sa le". (Zan 7:46). Ndԑ nga Krist kannin be wun ase kanlԑ’n nun’n wie mun yԑ, an tie: "Jésus kan kleli be ekun kɛ i yɛ ɔ kpaja mɛn nun-ɔn. I waan sran ng’ɔ su i su'n, kpajalɛ sɔ’n b’ɔ man nguan’n, ɔ man ɔ ´wun ase, yɛ ɔ su nanti-man aosin’n nun le". (Zan 8:12)
"M bɔbɔ n ti kpaun b’ɔ man nguan. Sran ng’ɔ ba ń sin’n, awe su kun-mɛn i le, yɛ sran ng’ɔ lafi n su’n, nzue we su kun-mɛn i kun". (Zan 6: 35)
"Sanngɛ n liɛ’n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn’n, an `yra be nguan. Be nga be kpɔ amun’n, an `yo be kpa, yɛ be nga be yo amun tɛtɛ bɔ be kle amun yalɛ’n, an `srɛ Nyanmiɛn kɛ ɔ yo be kpa". (Matie 5: 44)
Nán an bu sran fɔ man Nyanmiɛn bu amun fɔ, afin fɔ kunngba nga an fa bu sran’n, yɛ Nyanmiԑn wa fa bu amun-ɔn, yɛ like nga an fa sunnzun sran’n, i kunngba sɔ’n yɛ Nyanmiԑn wa fa sunnzun amun-ɔn. ? Ɔ yo sɛ yɛ a wun wla’n b’ɔ o ɔ niaan i nyin su’n, sanngɛ a wun-man janvlɛ’n b’ɔ o ɔ bɔbɔ ɔ nyinma su nin-ɔn? ? Ɔ yo sɛ yɛ a se ɔ niaan kɛ: ‹Jran man n yi ɔ́ nyin su wla’n, › sanngɛ janvlɛ o ɔ bɔbɔ ɔ́ nyin su nin-ɔn? Dunman klofuɛ, yi janvlɛ'n b’ɔ o ɔ́ nyin su’n ka, nan w’a wun ase a yi ɔ niaan’n i nyin su wla’n. (Matie 7: 1-5)
Sԑ an bu ndԑ nga’m be akunndan’n, an wun i wlԑ kԑ Krist yԑ ᴐ kpaja mԑn’n nun-ᴐn, afin ᴐ fԑ i aunnjuԑ’n nin i nguan kpa’n man be nga be fԑ i ndԑ’m be su. Nyanmiԑn nuan ijᴐfuԑ nga mun, be kwlaa be fali Nyanmiԑn i kpajalԑ’n i bue kaan sa yԑ be fa kpajali mɛn nun aosin ble’n nun-ᴐn, ᴐ ti kɛ angloba’n i kpajalɛ wɛtɛɛ’n sa. Be kwlaa be mlᴐnnin kɛ angloba’n i kpajalԑ’n sa. Sanngɛ Krist ti kɛ wia bᴐ kpaja kpa’n sa, i kpajalɛ’n i kwlalɛ’n kwlaa yɛ ᴐ fa kpaja-a. ? Kɛ wia’n ko tu i wun bo’n, be kwlaa su angloba’n su ekun? Krist yɛ ᴐ ti kpajalɛ kpa’n nin-ᴐn! Ͻ yiali Nyanmiԑn nuan ndԑ nga i nuan ijᴐfuԑ’m be kԑnnin laa’n i nuan yԑ ᴐ kannin mmla uflԑ bᴐ yԑlԑ klolԑ’n i ndԑ. I bᴐbᴐ yԑ ᴐ ti klolԑ b’ᴐ kacili sran’n nin-ᴐn, ᴐ man ᴐ lԑ atin se kԑ: "Min yɛ n ti atin nin nanwlɛ nin nguan nin-ɔn. Sran nga ɔ’a sin-man min nun'n, ɔ ju-man e Si wun lɔ. …Nyanmiɛn b'ɔ la nglo lɔ plaii’n nin asiɛ’n be ´sin, sanngɛ min ndɛ’n i blɛ’n su sin-man le. ( Zan 14:6 yԑ Matie 24: 35). |