Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic -- Armenian -- Azeri -- Bulgarian -- Chinese -- English -- French -- GEORGIAN -- Hausa -- Hebrew -- Hungarian? -- Igbo -- Indonesian -- Javanese -- Latin? -- Peul -- Polish -- Russian -- Somali -- Spanish? -- Telugu -- Uzbek -- Yiddish -- Yoruba
Previous Lesson -- Next Lesson მათეიესო - მოინანიეთ, ვინაიდან მოახლოებულია ცათა სამეფო
მათეიესო ქრისტეს მათეს სახარების განხილვა
ნაწილი 2 - ქრისტეს სწავლება და მსახურება გალილეაში (მათეიესო 5:1 - 18:35)
A - მთაზე ქადაგება ზეციური სამეფოს კონსტიტუცია (მათეიესო 5:1 - 7:27) -- იესოს გარშემო პირველი შეკრება
a) ნეტარნი არიან (მათეიესო 5:1-12)მათეიესო 5:3 ქრისტემ დაიწყო თავისი ქადაგება სიტყვებით ,,ნეტარ არიან“, ვინაიდან ის ქვეყნიერებაზე მოვიდა ჩვენს გადასარჩენად და რათა ნეტარნი ვყოფილიყავით. ის მოვიდა არა მხოლოდ თავისი ზოგიერთი კურთხევის მოსაცემად, არამედ მათ სრულად გადმოსაღვრელად (ეფესელთა 1:3). ის გამუდმებით გვთავაზობს თავის კურთხევას, რომელსაც მონანიებულ ცოდვილებს დაპირდა. ის მათ ,,ნეტარებს და ბედნიერებს“ უწოდებს და ხდის მათ კიდეც ასეთებად, ვინაიდან ვისაც ის აკურთხებს - ის ნეტარია. ძველი აღთქმა დასრულდა ,,წყევლით“ (მალაქია 4:6). ხოლო ახალი აღთქმის რჯული იწყება კურთხევით. ნეტარი ადამიანები არიან - ისინი, ვინც მოწოდებულ იქნენ მისი კურთხევის დამკვიდრებისთვის. თავიდან ქრისტე გვასწავლის, რომ ცათა სამეფოში შესვლა მხოლოდ მისი სულით არის შესაძლებელი. იესო გვაძლევს ამ სულიწმიდას, რომელიც ააშკარავებს ჩვენს ცოდვებს და არასწორ ზრახვებს. ის ანადგურებს ჩვენს სიამაყეს, რათა დავმდაბლდეთ და ვაღიაროთ, რომ ღატაკნი და საცოდავნი ვართ და ვიღუპებით იმის გამო, რომ ბრალდებულ ვიქენით ღმერთის სიწმიდის წინაშე და მისი დიდებული ბრწყინვალების შუქზე უწმინდურები ვართ. მისი სიყვარულის შუქზე ჩვენ ეგოისტებად გამოვიყურებით, ხოლო მისი სიმართლის ფონზე მატყუარები. ნეტარი ხარ შენ, თუ სულიწმიდამ გამხილა შენს ცოდვებში, მიგიყვანა სწორ მონანიებამდე და სულიერი სიბრმავისგან გაგწმინდა. ამ შემთხვევაში შენ წინაშე ფართოდ იღება ზეცის ჭიშკარი, ვინაიდან მხოლოდ მონანიებულებს შეუძლიათ იქ შესვლა. მონანიებული ცოდვილი მიდის რა ღმერთთან, არა მხოლოდ სამეფოში შედის, არამედ საუკუნო მფლობელობასაც იძენს, რადგან იქაური მაცხოვრებელი ხდება. აღსანიშნავია, რომ იესომ მოწაფეები აირჩია იოანე ნათლისმცემლის მიმდევრებიდან. მათ აღიარეს თავიანთი ცოდვები და იორდანეში მოინათლნენ. მხოლოდ დამსხვრეულ და მონანიებულ ადამიანს შეუძლია სამეფოში შესვლა. პირველი ნეტარების მცნება არის აუცილებელი პირობა სხვა ნეტარებების სიმდიდრეების მისაღებად. კითხვა:
|