Mobile device - Print - Bottom

Previous Lesson -- Next Lesson

5. ? NGUԐ AKUNNDAN YԐ AN BU I KRIST I KWLALԐN’N SU- Ͻ?

---

Sran ng’ᴐ bu sa nga Zezi yoli be’n i akunndan’n, ᴐ wun i wlԑ kԑ i kwlalԑ’n ᴐ lԑ-man awieliԑ, yԑlԑ kԑ Nyanmiԑn fali kwlalԑ’n nin sielԑ’n kwlaa wlԑli i sa nun. Ͻ yiali Nyanmiԑn i junman’n kwlaa nuan yԑ sran uflԑ fi kwla yo-man sa ng’ᴐ yoli be’n.

Ͻ yoli kokowefuԑ’m be juejue nin i nuan nun ndԑ’n, i klun ufue’n nun’n, ᴐ tikeli anyansifuԑ’n be nyinma. Ͻ jrannin angban dan’n nin nzuen’n nin i nuan nun ndԑ ngbԑn ng’ᴐ kԑn san’n, ᴐ fuan wawԑ tԑtԑ mun, ᴐ ijᴐ be ngbԑn sa kpԑkuun be su kᴐ, ᴐ fali kpaun nnun nin jue nnyᴐn mannin sran akpi-nnun be like be dili. Sran fi nian yo-man like kԑ nga sa’n i wunsu le.

Nyanmiԑn nuan ijᴐfuԑ wie mun be yoli abonuan sa wie mun bé Min’n i dunman nun, ᴐ nin i sᴐ’n ngba’n, nán atrԑ ngba yԑ be kwla yi-ᴐ. sanngԑ Krist liԑ’n, i bᴐbᴐ dunman nun yԑ ᴐ yoli i sa liԑ mun-ᴐn, afin i kwlalԑ’n wo kwlalԑ’n kwlaa su.

TBian kun be flԑ i Lazar, ᴐ wuli yԑ be sieli i. I osufuԑ mun be wa seli Zezi kԑ ᴐ uka be, k’ᴐ yo sᴐ’n wuun be sun. Kԑ Zezi juli bé klᴐ’n su lᴐ’n, wuun be sieli Lazar ᴐ’a di cԑn ba nnan. K’ᴐ yo sᴐ’n, Zezi wunngeli i ndia’n wun lᴐ nan ᴐ’a kpan kekle kpa kԑ: " Lazar, fite! " Kpԑkun sran b’ᴐ wuli’n ᴐ fiteli sakpa.

Amun kusu kԑ amun wa ti Nyanmiԑn b’ᴐ man sran’m be nguan’n i aniԑn’n, amun sa tԑ bᴐ i ti an ti kԑ sran bᴐ b’a wu’n sa’n, an ′fin nun ′fite, an ′cԑn, afin Krist seli kԑ: "Min yɛ n cɛn sran mun-ɔn, m bɔbɔ min yɛ be flɛ min nguan nin-ɔn" (Zan 11: 25)

Cԑn kun wa ju bᴐ be kwlaa nga be wuli’n be ′ti i nԑn’n yԑ be ′cԑn, wie’m be cԑn yԑ be nin Nyanmiԑn be tran i nguan kpa’n nun, wie’m be kusu be cԑn yԑ be nin Nyanmiԑn i jᴐlԑ dilԑ b’ᴐ yo sro’n be yia nun. Yԑ amun kusu sԑ an tike amun awlԑn’n su man Krist i waka nda’n, amun di aklunnjuԑ yԑ amun nyan anannganman nguan.

Mobile device - Print - Top