Waters of LifeBiblical Studies in Multiple Languages |
|
|
Home Bible Treasures Afrikaans |
This page in: -- Arabic? -- AZERI -- Baoule -- Chinese -- English -- French -- Greek -- Indonesian -- Japanese -- Kyrgyz -- Russian -- Sundanese -- Turkish -- Ukrainian -- Uzbek
Previous Lesson -- Next Lesson MÖVZU 8: MƏSİH HAQQINDA NƏ DÜŞÜNÜRSƏN?
Məsihin həyatı, qüdrəti və məhəbbətinə giriş
2. MƏSİHİN MÖCÜZƏVİ DOĞULUŞU HAQQINDA NƏ DÜŞÜNÜRSƏN?Dünyada heç vaxt Məsih kimi bir insan anadan olmayacaq, çünki Məsih Məryəmin Oğludur. İsmail İbrahim oğlu, Yəhya Zəkəriyyə oğlu, Məhəmməd Abdullah oğlu olaraq adlandırılmışlar. Eyni şəkildə bütün insanlar öz atalarının adlarını daşıyırlar. Bəs niyə Məsih yalnız anasının adını daşıyıb? Çünki Məsihin başqa atalarla müqayisə edilə biləcək bir atası yox idi. Məsih bakirədən doğulmuşdur. Doğuluşu Allahın qüdrətindən, əbədi məqsədindən asılı idi. Doğulmasından yeddi yüz il əvvəl Yeşaya Peyğəmbər doğuluşu barədə belə peyğəmbərlik etmişdir: "Budur, bakirə qız hamilə olub oğlan doğacaq, adını İmmanuel (yəni, Allah bizimlədir) qoyacaq" (Yeşaya 7:14). Allah vədini həyata keçirmişdir, çünki O sadiq və adildir, Onun üçün imkansız bir şey yoxdur. Məsihin Allahın Kəlamı olduğundan xəbərin varmı? Allahdan ilham almış İncildən bu sözlərə qulaq asın: "Başlanğıcda Kəlam var idi. Kəlam Allahla birlikdə idi. Kəlam Allah idi... Kəlam bəşər olub... aramızda məskən saldı" (Yəhya 1:1,14). Allahın müqəddəs sözlərində fəal olan bütün yaradıcı qüvvəti, Kəlam olan Məsihdə cəmləşmişdir. Məsih doğulduğu zaman baş verən hadisələri düşünsən, heyrətə düşərsən, çünki heç bir insan Məryəmin Oğlu kimi doğulmayıb və Onun tayı-bərabəri yoxdur. İsa doğuluşunda misilsizdir. Allahın Adəmi torpaqdan yaratdığı yadındadırmı? Hamımız Adəmin övladlarıyıq. Hətta peyğəmbərlər belə, torpaqdan yaranmış məxluqlardır. Hamımız aşağıdanıq, bu dünyadanıq. Ancaq Məsih yuxarıdandır, çünki O, göydən enmişdir. Məsih pak, ləkəsiz, təmiz, qardan da ağdır. Biz isə Allahın Ruhundan deyil, dünyadan olduğumuz üçün hamımız təqsirli, ləkəli və günahlıyıq. Müqəddəs Kitabda qeyri-adi bir şey oxuyuruq: Məsih günahkarları xilas etmək üçün dünyaya gəlib. Heç bir insan Məsihin yerini tuta bilməz, zira hamımız yerdən doğulmuşuq, amma İsa birbaş Allahdan doğulub. O bizim kimi bəlalı insanları rədd etməyib, lakin bu bədbəxt dünyanı xilas etməyi və bizi, fani insanları pak etməyi qərara alıb. |