Home
Links
Bible Versions
Contact
About us
Impressum
Site Map


WoL AUDIO
WoL CHILDREN


Bible Treasures
Doctrines of Bible
Key Bible Verses


Afrikaans
አማርኛ
عربي
Azərbaycanca
Bahasa Indones.
Basa Jawa
Basa Sunda
Baoulé
বাংলা
Български
Cebuano
Dagbani
Dan
Dioula
Deutsch
Ελληνικά
English
Ewe
Español
فارسی
Français
Gjuha shqipe
հայերեն
한국어
Hausa/هَوُسَا
עברית
हिन्दी
Igbo
ქართული
Kirundi
Kiswahili
Кыргызча
Lingála
മലയാളം
Mëranaw
မြန်မာဘာသာ
नेपाली
日本語
O‘zbek
Peul
Polski
Português
Русский
Srpski/Српски
Soomaaliga
தமிழ்
తెలుగు
ไทย
Tiếng Việt
Türkçe
Twi
Українська
اردو
Uyghur/ئۇيغۇرچه
Wolof
ייִדיש
Yorùbá
中文


ગુજરાતી
Latina
Magyar
Norsk

Home -- Peul -- John - 002 (The word before incarnation)
This page in: -- Albanian -- Arabic -- Armenian -- Bengali -- Burmese -- Cebuano -- Chinese -- Dioula -- English -- Farsi? -- French -- Georgian -- Greek -- Hausa -- Hindi -- Igbo -- Indonesian -- Javanese -- Kiswahili -- Kyrgyz -- Malayalam -- PEUL -- Portuguese -- Russian -- Serbian -- Somali -- Spanish -- Tamil -- Telugu -- Thai -- Turkish -- Twi -- Urdu -- Uyghur -- Uzbek -- Vietnamese -- Yiddish -- Yoruba

Previous Lesson -- Next Lesson

YUUHANNA - Ndaygu ngun jalbi ka nder nibhe
Jandeeji ka Linjiila no Yuhanna seedorii nonn

Damal 1 - Jalbeendi ndaygu iwungu ngun ka Alla (Yuuhanna 1:1 - 4:54)
A - Fii ko daaluyee on wonti kon bhandu e fee Iisaa (Yuuhanna 1:1-18)

1. No Daaluyee on woniri e golle makko dhen adii o wontude bhandu (Yuuhanna 1:1-5)


YUUHANNA 1:1
1 Ka fuddhoode hari Daaluyee on no woodi, tawi Daaluyee on no wondi e Alla, kadi Daaluyee on ko Alla.

Ko e fee kongudhi dhin neddho fennyinirta miijooji makko dhin e anniyeeji makko dhin. Ko kongudhi mon dhin woni on. Kongudhi mon dhin no holli ko on hombo, ko kanjii yaltinta ka yaasi ko miiji dhon kon.

Si en yaajinii miijo, Daaluyee Alla on no holli e kene allankaaku makko ngun e bawgal makko ngal nde himo daala Daaluyee Laabhudho on. Ko fii ka fuddhoode, Alla tagir kammuuli dhin e leydi ndin foofaango bawgal Daaluyee makko on. Si o daalii: «Wadhu», dhun wadha. Haa-hannde, bawgal Alla ngal ko e fee kongudhi makko dhin bhangirta. Hara on faami wonde ndee deftere ka Linjiila wonde ka juudhe mon no heewi hoolaare iwrude ka Alla? Hinde jogii doole bhuri bombuuji bombuuji moyyhiniraadhi ko wi'etee hidrogeenu sabu himo waawi ittude ko boni e mon o fuddhinana on ko moyyhi kon lonto.

Ka deftere Linjiila nde Yuuhanna windi, ndee halfere «daaluyee on» no jogii firooji dhidhi e haala gereeki: 1) foofaango yaltintinayngo hawa kan ka hunduko men; 2) aaden ruuhuyankeejo gorko. Ka haala araabe, dhin firooji dhidhi no seediri ka noone kuuginal wongal ngal yeeso daaluyee on, si ko debbo maa gorko. Almasiihu on ko ka Alla iwi wano halfere woowiri non yaltirde ka hunduko men. Wano non, Almasiihu on ko mottodiral faale Alla on e miijo makko ngon. Hidhen fotta e sugu dhun e nder dhiya diinaaji, e maanaa Almasiihu on ko Daaluyee Alla on e Ruuhu iwudho on ka makko. Neddho woo jogaaki sugu dhin piiji kammuyankeeji, si wonaa oo mo neene Mariyama, mo jiwo mo andaa gorko on jibini.

Fii ko Almasiihu on wonti kon bhandu e ndee nokkuure wi’eteende Baytilahiimi hinaa fuddhoode ngurndan makko dhan non, ko fii himo wondunoo e Baabaajo on gila ka fuddhoode e himo woodanoo adii aduna on tageede. Almasiihu on ko poomayankeejo, wano Baabaajo on woniri non poomayankeejo; wano Daalol Alla ngol dillirtaa non, o dillata men kanko kadi.

Yuuhanna no hollude en yubbhodiral hittungal wongal ngal hakkunde Almasiihu on e Baabaajo on. O seediraali e makko wano kongol yaltayngol ngol e goddho yaha lutta ka nder hendu. Almasiihu on no wondi e Alla, o duumike kadi e makko. Ndee yewtere «wondi e Alla» no firi e haala gereeki wonde haala kan no yaarude ka Alla, naata ka makko. Awa Almasiihu on ko ka Alla wonaa ardoreede. Ko non yimbhe jibiniraabhe Ruuhu-Seniidho on bhen woniri, ko fii ko o bhundu giggol ngol. Awa giggol dhabbhataa wonugol feere, kono himo ardoreede soono woo hella bhundu makko ndun e himo duumii e makko.

Hinaa daaluyee makko on Alla tagiri Almasiihu on bhaawo huutorgol goddhun, wano o tagiri non ko tagaa kon fow, kono ko Bhiddho on tigi woni Daaluyee tagoowo on e heewudho on bawgal Baabaajo makko on. Ka lannoode oo aaya arano, en yi’ay kaa haala hittuka wi’uka wonde Daaluyee on ko Alla tigi. Windoowo Linjiila on no faaminde wonde Almasiihu on ko Alla iwudho ka Alla, ndaygu iwungu ka ndaygu, Alla tigi-tigiijo iwudho ka Alla tigi-tigiijo on, woodinaano hara hinaa tagaadho, jogiidho zaati gooto kanko e Baabaajo on, poomayankeejo, jogiidho bawgal, laabhudho e yurmeteedho. Kala qirritiidho ko Almasiihu on woni Daaluyee Alla on, ootigi yiitay fii allankaaku makko haalaangu ngun fii mun.

TORAARE: Joomiraadho, Iisaa-Almasiihu, medhen sujjude yeeso maa sabu hidha wondunoo e Baabaajo on gila ka fuddhoode, ko kanko tun woni ko ardoto maa. Wallu men fii hita men woddhito ma, hara en sertaali, kono yo men okkitir hoore amen Alla men tabita e nder giggol makko ngol. Men weltanike ma, Iisaa Joomiraadho sabu ka nder Linjiila maa hidha arude e amen e fee kongudhi faamotoodhi, faaminaa men bawgal maa ngal no men hoolora e nder gomdhingol rewrude e Daaluyee maa on.

LANDAL:

  1. Ko halfere hittunde honde woni ka aaya arano simoore Yuhanna e ko hondhun nde firi?

www.Waters-of-Life.net

Page last modified on April 05, 2012, at 10:17 AM | powered by PmWiki (pmwiki-2.3.3)