Mobile device - Print - Bottom

Previous Lesson -- Next Lesson

10. Petro ƒe Mawunyagbɔgblɔ le Gbedoxɔa me (Dɔwɔwɔwo 3:11-26)

---

DƆWƆWƆWO 3:11-16
11 Azɔ la, Petro kple Yohanes le teƒe si woyɔna be “Salo-mo ƒe akpata” la me, eye ŋutsu la lé ɖe wo ŋu goŋgoŋ. Ewɔ nuku na amewo, eye wo katã wotɔ zi yi afi ma. 12 Esi Petro kpɔ ameawo la, egblɔ na wo be: “Israeltɔwo, nu ka ta nu sia wɔ nuku na mi ɖo? Nu ka ta miefɔ ŋku ɖe mía dzi, abe míawo ŋutɔ míaƒe ŋusẽ kple mawuvɔvɔ̃ mee míeto wɔ ame sia wòzɔ azɔli ene? 13 Mawu si nye Abraham, Isak, Yakob kple mía tɔgbuiwo ƒe Mawu la, kɔ eƒe dɔla Yesu ŋu. Ke miawo ya miedee asi, hegbe nu le egbɔ le Pilato ŋkume, evɔ la, Pilato ya ɖoe be yeaɖe asi le eŋu hafi. 14 Togbɔ be ame kɔkɔe kple ame dzɔdzɔe Yesu nye hã la, miebia be woaɖe asi le ŋutsu amewula ŋu na yewo, 15 eye miewu eya ame si naa agbe la boŋ. Ke Mawu fɔe ɖe tsitre tso ame kukuwo dome, eye míenye esia ŋuti ɖaseɖilawo. 16 Yesu ƒe ŋkɔe do ŋusẽ ame sia. Eƒe ŋkɔ dzixɔsee na ŋutsu sia haya abe ale si wòdze ƒãã miele kpɔkpɔm ene. Yesu dzixɔsee na lãmesẽ blibo ŋutsu sia le mi katã mia ŋkume afii.

Ne amewo kpɔ kplɔla sesẽ aɖe la, woƒua du yia egbɔ henɔa mɔ kpɔm be nane asu yewo si tso yeƒe nunanawo me. Gake nublanuitɔe la, agbe fia mí be dziɖula akpa gãtɔ mefiaa mɔ wo yomedzelawo yia Mawu ƒe ŋusẽ gbɔ o, ke boŋ, wokakaa woawo ŋutɔ ƒe ŋusẽ ɖe wo dome, eye wonaa ŋugbedodowo wo abe sika kple klosalo towo ene gake meva eme o.

Yudatɔwo ƒe nɔnɔme wɔ nuku na Petro, elabena womese nyateƒe la gɔme o, eye womese Mawu ƒe ŋusẽ si le dɔ wɔm le wo me hã gɔme o. Eyata gbã la, ena ablɔɖe wo tso bubudede eƒe amenyenye ŋu me, ale be womaganɔ te ɖe eƒe nunana tɔxɛa dzi o, ke boŋ ɖe Mawu ɖeɖeko dzi, le nya si wogblɔna nu be: Fiƒodee nye ame si ɖoa ŋu ɖe amegbetɔ ŋu. Petro ɖi ɖase be amegbetɔ ƒe ŋusẽ kple mawusubɔsubɔ mate ŋu aɖe nuvɔ̃wo ɖa alo ada gbe le dɔnɔ aɖe ŋu o. Nyateƒee, viɖe aɖeke mele amegbetɔwo ŋu o eye woƒoa adegbe abe ak-pakpawo ene.

Emegbe apostoloa ɖe ŋutsu tɔxɛ si ate ŋu ana ŋusẽ kple mɔkpɔkpɔ míaƒe xexe si me xaxa le la fia. Ŋutsu siae nye Yesu Nazarettɔ. Petro meyɔe be Kristo o, ke boŋ ezã nyagbɔgblɔ "Mawu ƒe dɔla" si gɔmee nye le Helagbe me be "Mawu kple Via ƒe kluvi le ɣeyiɣi ɖeka me", esia fia Kristo ƒe ɖokuibɔbɔ ɖe Fofoa te, elabena le lɔlɔ̃nu faa ɖokuibɔbɔ sia me la, wokpɔ Kristo ƒe blibodede kple eƒe aʋadziɖuɖu, eye abe alesi Mawu ƒe Vi la tsɔ eɖokui ƒuƒlu ene, esi wokpɔe le dzedzeme me abe ame tsɛ ene la, ebɔbɔ eɖokui to subɔla ƒe nɔnɔme tsɔtsɔ me, eye wòbɔbɔ eɖokui na Fofo la ƒe lɔlɔ̃nu vaseɖe ku me, atitsoga ƒe ku gɔ̃ hã. Eya ta Mawu hã doe ɖe dzi ŋutɔ, eye wòtsɔ ŋkɔ si ƒo ŋkɔ ɖe sia ɖe ta la nɛ. Eyata gome le Petro si be wòagblɔ be Mawu do Yesu Kristo ƒe ŋkɔ ɖe dzi, elabena Yesu Kristo ƒe ŋkɔ ŋutikɔkɔe nye Gbɔgbɔ Kɔkɔe si nye Mawu ŋutɔ ƒe taɖodzi-nu kple tameɖoɖo.

Petro meƒo nu le mawu gã aɖe si womenya o ƒe ŋkɔ me kple gɔmesese si mate ŋu adzɔ o, ke boŋ eyɔ Mawu si nye Abra-ham, Isak kple Yakob ƒe Mawu, elabena eɖe gbeƒã eɖokui na xɔsefofowo, amesiwo tia wo eye megblẽ wo ɖi gbeɖe o. Dukɔa ƒe Mawu fɔ Via Yesu ɖe tsitre tso ame kukuwo dome, eye Ma-wumenudzɔdzɔ sia ŋutɔŋutɔe nye apostoloawo ƒe gbeƒãɖeɖe ƒe nyagbɔgblɔ. Yesu, si woklã ɖe ati ŋu la, metsi anyi ku o, ke boŋ ele agbe, eye apostoloawo nye esia ƒe ɖasefowo. Wokpɔe heƒo nu kplii, eye woka ɖe edzi le eƒe agbe le ku megbe kple eƒe ŋutilã dzro la ŋu.

Gbɔgbɔ Kɔkɔe la ƒe dɔwɔwɔ menye amenuveve ɖeɖeko ɖeɖe-fia, eye wòɖe gbeƒã Mawu ƒe aʋadziɖuɖu ko o, ke boŋ ebua fɔ amegbetɔwo ɖe woƒe nuvɔ̃wo ta, elabena Mawu ƒe Gbɔgbɔ le kɔkɔe. Yudatɔwo mexɔ Mawu ƒe ame tiatia la nyuie o, ke boŋ wogbee hegbe nu le egbɔ, togbɔ be woɖe asi le Roma-dziɖula la ŋu hã. Eyata wozi edzi be wòatrɔ ɖa le nyateƒe la ŋu eye wòaklã Mawu Vi la ɖe ati ŋu. Nuƒo sia medidi tso Anthony ƒe Mɔ̃ kɔkɔ si kpɔa gbedoxɔa ƒe xɔxɔnu si me Yesu fia nu le tsã le Salomo ƒe Xɔxɔnu la gbɔ o. Ame siwo katã nɔ afima la ka ɖe woƒe nuwɔna madzɔmadzɔwo dzi, eye xɔ siawo katã ɖi ɖase tsi tre ɖe wo ŋu. Petro, ameƒomea ƒe tɔƒodela, yi eƒe nuƒoa dzi esi wòɖe mawuvɔvɔ̃ ƒe nutsyɔnuwo ɖa le amewulawo ƒe mo, eye wòklo nu le alesi wogbe Mawu ƒe Alẽvi la kple alesi wotia Baraba aglãdzela kple nuvlowɔla la dzi. Tiatia sia ɖe gbeƒã woƒe gbɔgbɔ vɔ̃wo kple nunya siwo dzi womate ŋu alɔ̃ ɖo o.

Gbɔgbɔ Kɔkɔe la ʋã Petro wòyɔ Kristo be ame Kɔkɔe si Gbɔgbɔ Kɔkɔe la dzi eye wòwɔ ame dzɔdzɔe, togbɔ be eɖe xexeame ƒe nuvɔ̃wo katã ɖa hã. Fɔmaɖimaɖi siae nye Mawu ƒe agbe si wowɔ ŋutilãe. Amesi woɖo kpe edzi be nu vɔ̃ mele eme o la maku gbeɖe o, gake le Yesu ƒe ku me la, nusi mate ŋu adzɔ o la dzɔ, agbe ƒe aƒetɔ la ku, eye Petro mezã le eƒe nuƒoƒo me le dutoƒo tsɔ na Yesu ƒe nu vevitɔ, dzesideŋkɔawo me kɔ o, ke boŋ etsɔ woƒe gɔmesesewo katã de Yesu ƒe ŋkɔ me.

Nuƒola la yi eƒe ʋɔnudɔdrɔ̃ dzi le amewulaawo ŋu vivivi heg-blɔ be: Mawu lɔ̃ Yesu Nazarettɔ la, gake mietsi tre ɖe Mawu ƒe Gbɔgbɔ ŋu eye miewu Kɔkɔetɔ la ƒe lɔlɔ̃tɔ; eyata mienye nuvlowɔlawo Mawu kple eƒe tsitretsiɖeŋulawo ƒe futɔwo. Èva gbedoxɔa me be yeado gbe ɖa ahaxɔ yayra, gake Mawu meɖoa wò Gbedodoɖawo ŋu o elabena èwu eƒe dɔla Yesu Kristo.

Emegbe ɖasefo si womefia mɔe o la ɖi ɖase be Mawu do eƒe asi ɖa be yemakplɔ Mose alo Eliya alo Yohanes Amenyrɔɖet-simela la vɛ o, ke boŋ Yesu, ame si wodo vloe, si Yudatɔwo wɔ funyafunyae. Yesu ƒe tsitretsitsi nye eƒe kɔkɔenyenye kple eƒe ɖekawɔwɔ kple Mawu ƒe dzidzɔkpɔkpɔ ƒe kpeɖodzi. Aƒetɔ Yesu le agbe eye wòle afima, ete ɖe ŋuwò; Petro ƒe ɖaseɖiɖia ku ɖe mía ŋu eye wòna kakaɖedzi mí be Kristo tsrɔ̃ le yɔdo me abe amewo katã ene o, ke boŋ evo tso ku ƒe bablawo me eye wòle agbe egbea le Mawu Fofo la ƒe ŋutikɔkɔe me.

Esi Petro lé gbedasi dziŋɔ sia me ɖe asi na Yudatɔwo la, efia asi eƒe nyaselawo be ŋutsu si woda gbe le. Etsi tre ɖe wo dome eye wonyae ɣeyiɣi didi aɖee nye esia. Lãmetsi siawo siwo gasẽ ŋu kple eƒe ƒu siwo le dzɔdzɔe la nye kpeɖodzi be Petro ƒe ɖaseɖiɖia nye anukwareɖiɖi kple Kristo ƒe tsitretsitsi.

Atikewɔla Luka ɖe eme na mí, to Petro ƒe mawunya me, be amenuveve ɖeɖekoe naa dɔyɔyɔ vaa eme. Nenema ke Yesu dzixɔse nye Ðela ƒe amenuveve ƒe kutsetse le amegbetɔ me. Xɔse le Yesu ƒe ŋkɔ me fia kakaɖedzi le Eƒe anyinɔnɔ kple kakaɖedzi le Eƒe lɔlɔ̃nu si naa ɖeɖekpɔkpɔ ŋu, kple míaƒe ɖokuibɔbɔ ɖe Mawu si nye míaƒe gbedala kple míaƒe kuku ɖe Eƒe xɔnamenya ŋu. Yesu ƒe ŋkɔ yɔ fũ kple ŋusẽ, ŋusẽ tuameɖo bubu aɖeke mele agbe sia me wu Yesu ƒe ŋkɔ tɔxɛ sia o. Gbɔgbɔ Kɔkɔe la ɖea ame, daa gbe le ame ŋu eye wòkɔa ame ŋu to ŋkɔ ɖeka sia ɖeɖeko dzi. Mewɔ nuku o be Satana dzea agbagba, le mɔ geɖe nu, be yeatrɔ ŋkɔ sia, alo awɔ nu ɖe eŋu le mɔ gbegblẽ nu, alo atsɔ ŋkɔ xɔŋkɔ bubuwo aɖo eteƒe. Ke nɔviwò, èse nyateƒea gɔme hesee. Esi Yesu Nazaretetɔ nye ame ta la, mawunyenye yɔe fũ, eye amesiame si anɔ eƒe ŋkume la akpɔ eƒe ŋusẽ; eye le míaƒe gbɔdzɔgbɔdzɔ me la, Mawu ƒe ŋusẽ mavɔ la de blibo.

Xɔse si wɔa dɔ nyuie nye nya ɣaɣla gã aɖe, vevietɔ le esi wòtsɔ dzideƒo ka ɖe nusi mate ŋu adzɔ o dzi ta, eye xɔsetɔ la gblɔa eƒe nya ɣaɣlawo hetsɔa eɖokui ƒua gbe ɖe Yesu ƒe ŋkɔ dzi, eye wònɔa te ɖe edzi bliboe; zi geɖe la, eƒe kakaɖedzi nɔa dzidzim ɖe edzi to eƒe ŋkuléle ɖe xɔla la ŋu ɣesiaɣi me. Nyateƒee, Yesu le mɔ kpɔm be yeakpɔ xɔse si me mama o le mewò, kple wò kuku ɖe amesi woklã ɖe ati ŋu, kple wò kadodo kple eƒe tsitretsitsi ƒe ŋusẽ. Va Yesu gbɔ, eyae nye wò xɔse ƒe gɔmeɖola kple ewula, eye kplii wò luʋɔ azu lãmesẽ eye wò gbɔgbɔ agbɔdzɔ, eye wò agbe azu dzɔdzɔe. Le nyateƒe me la, wò xɔse xɔ na wò.

GBEDODOƉA: Aƒetɔ Yesu Kristo, míeda akpe na wò elabena èɖe gbeƒã wò ŋkɔ na mí, eye nèɖe eme na mí be ènye Mawu vavã ɖeka ƒe Mawu vavã ɖeka, si me nu vevi ɖeka koe le si nye Mawu Fofo la. Le wò me la, Ŋusẽkatãtɔ la ƒe ŋusẽ le dɔ wɔm. Mègatsɔ mí ƒu gbe le wò ŋkume o, eye mègaxɔ wò gbɔgbɔ kɔkɔe le mía si o. Ke tsɔ wò lɔlɔ̃ ƒe akpa aɖe yɔ mí fũ ale be míali ke le wò ŋusẽ me, eye míakaka wò ŋkɔ ɖe anyigba blibo la katã dzi. Amen.

NYABIASE:

19. Nukae Yesu Nazaretetɔ ƒe ŋkɔ dzixɔxɔse fia?

Mobile device - Print - Top